لأول مرة زواج في الخيمة العربية ..

[دايم العلو]

ماشاء الله عليك ياأختي دلوعة بابا ،، بس على طول جيتي وجاوبتي بدون أخذ رأي المأذون ، ترى من أمس نحتريك ،، يالله ماعلينا الله يوفقك في اختيار الرجل ذو الدين والأمانة كما تبين من إجابتك الأولى أخذا من حديث المصطفى صلى الله عليه وسلم ( إذا أتاكم من ترضون دينه وأمانته فزوجوه ، إلا تفعلوا تكن فتنة في الأرض وفساد كبير ) .
أرجو عدم التسرع في الإجابة لأن شكلك مستعجلة تبغين تروحين ...

طيب سؤالي : لو أن العريس الذي وافقتي عليه حسب شروطك طلب شرطا وهو عدم إكمال دراستك والبقاء في البيت ؟ فماهوردك ..

[أطياف الأمل]

اكمال دراستي الجامعيه هو حلمي منذ الصغر .. تعبت طوال سنين دراستي وحاولت أن أبذل كل مافي وسعي لتحقيق هذا الحلم .. لبناء مستقبلي ..
لذا فإن التخلي عن هذا الحلم صعب جدا ..
لذا سأقوم بسؤاله بالطبع .. أقنعه ويقنعني .. أعرف أسبابه .. لم يريدني ألا أكمل دراستي ؟؟
سأحاول أن أتوصل معه لحل يرضي الطرفين .. مثلا سأكمل دراستي وأقوم بواجباته على أكمل وجه.. وإن وجد تقصير سأترك الدراسه ...
لكن لا أعتقد أن الرجل لو كان مثقف وذا عقليه متفهمه ..سيمنعني من تحقيق حلم طفولتي..علما بأن هذا الحلم تحقيقه مشروع.. بل أن الإسلام حثنا على التعلم ..
يعني بالمختصر المفيد ..
راح احاول اتوصل لحل يرضي الطرفين بس بدون لا اتخلى عن حلمي.. لأنه لا حياة للإنسان بدون حلم وأمل يسعى لتحقيقه..
ودلوعه لا تعيش بدون هدف .. لأن الحياة بدون هدف ..حياة تافهه لا معنى لها ..

واعذرني يا مأذون اني نسيت اخذ رايك .. بس من الفرحه

بانتظار بقية الأسئله..
دلع

[همسة العنا]

أختي العزيزه دلوعة بابا

ولهت عليك .... كثييييييير

وبعد وش صار معك ... بشريني تريني جمعت لك موديلات

فساتين عرس تهبل .. وأكيد عليك بتطلع روعه

يالله عجلي نبي نفرح بسرعه

ممكن أختي الصغيره سؤال ...

س _ لو شرط عليك العريس شرط بإن عمرك لا تفكري تستخدمي

خادمه ، ويرفض بشده هذه الفكره تماماً بأي حال من الأحوال

وش بيكون ردك ... ؟

والله يوفقك يارب ويرزقك برجال يخاف الله ويهنيك ويدلعك

أكثر من بابا ... قولي آمين

ولك أحلى تحياتي

ياغاليه

[أطياف الأمل]

اختي همسه ..
انتي هم وحشتيني والله ومن زمان عنك ..

الله يخليك ياقلبي..
اما بالنسبه لسؤالك ..
شوفي أنا من طبيعتي اني احب اعتمد على نفسي في كل شي طيب .. وخصوصا بشغل البيت .. أحب اشتغل بنفسي ..واطبخ بنفسي ... واسوي شغلي كله بنفسي ..
وبعدين الخدامه مهيب بشي ضروري .. يعني وجودها في الحياة مفيد ..لكن عدهما مو مصيبه!! ولا هو بالشي اللي بخرب حياتي علشانه ..
وبعدين تقولين يدلعني ..وشلون يدلعني ومايجيب لي خدامه

بانتظار بقيه الأسئلة

[al-5ayal]

بانتظار بقيه الأسئلة

سؤالي : هل تعتقدي ان لزوجك الحق ان يتزوج عليكي؟؟؟؟

[أطياف الأمل]

اخي الجارح ..
الشرع حلل للرجل الزواج من أربعة نساء ..
ومثلا لو أنا منعت زوجي من الزواج ألن يتزوج؟؟
من حق زوجي ان يتزوج .. ومن حقي أنا ان يكون لي وحدي ..
ان وجد السبب المقنع والذي من أجله سيتزوج .. لا مانع لدي ..
بس كذا مزاج يبي يتزوج .. لا .. ما ارضى بهالشي ولا اعتقد ان من حقه ..


دلع

[al-5ayal]

بس كذا مزاج يبي يتزوج .. لا .. ما ارضى بهالشي ولا اعتقد ان من حقه

س. اذا كان زوجك يبي 10 عيال, ايش يكون ردت فعلك؟؟؟؟؟؟
علما بان المسؤليه كلها عليكي " تربي و تطبخي وتنظفي"
وعلما بان زوجك كما قالت اختي همسه العنا ما يبي شغاله في البيت

[أطياف الأمل]

اخوي الجارح ..
اسالتك قويه ومهمه ..
اولا كل شي بيدي الله .. واللي الله كاتبه بيصير .. سواء مكتوب علي اجيب ولد واحد والا اثنين والا عشره ..
اهم شي اني احس اني قادره اني اربيهم التربيه الصالحه وأعيشهم أحسن عيشه .. وألبسهم أزين لبس ..
اما غير كذا لا ..
وماراح يعجزني اني اطبخ لعيالي او اغسل لهم او انظف مكانهم .. لأنهم عيالي .. قطعه من قلبي ..

تحياتي لك
دلع
(ام العيال العشر هههههههههه)

[دايم العلو]

ماشاء الله تبارك الله عشرة عيال مرة وحدة الله يزيد ويبارك ..
طيب أختي دلوعة : بما أنك أصريتي على إكمال الدراسة وهو وافق مجاملة ، وتزوجتوا ومشت الأمور على مايرام وبعد مدة اتى زوجك من العمل غضبان ومتنرفز ويبي الغدا عشان يتغدى وينام وينسى الهم اللي أصابه ، وسبحان الله إنتي في ذاك اليوم جيتي من الجامعة متنرفزة ولا صلحتي غدا، وخبزتيها نومه ، ولاصحيتي إلا على هواش وصراخ البعل حقك ( طبعا يصارخ عليك ) وش بتسوين في هالموقف ..

[دايم العلو]

اختي دلوعة بابا بما ان السؤال الأخير له يومين لم تجاوبي عليه إما نسيانا أو مدري ليه فأنا بحذفه مافيه مشكلة ..

سؤالي الجديد يقول : لو مرة زوجك واعدك آخر الأسبوع بطلعة حلوة وعشوة أحلى في أحد المطاعم الفخمة ،، ومادري وشلون يوم جاء آخر الأسبوع عود يهون وفضل إنه يروح مع أصحابه ويوديك لأهلك ، يعني وش بتسوين في الحالة هذي ؟