عطيتك اكثر من اللي كنت تحتاجه

الوافـــــي · #1 16-05-2003, 01:10 AM

منذ فترة طويلة
ولا زلت .. وأنا أبحث عن ( قائل هذه الأبيات )
وأتمنى من الإخوة هنا أن يكتبوا قائلهاإن عرفوه
وإن كانت له قصائد أخرى غير هذه
فأتمنى أن نراها هنا
والقصيدة هي ..
[poet font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
ياصغير السن قدرك طاحت ابراجه = الجرح خلّى الصخر ينطق ونطقني
خلاص....ماعاد تعني لي ولا حاجه = رح..جعل ربك يوفقك ويوفقــني
من بعدما كنت نور العمر وسراجـه = اليوم صرت الظلام اللي يطوقني
عطيتك اكثر من اللي كنت تحتاجه = اسرفت في الحب لين الحب وهقني
خلاص..مالي ومال الحب وازعاجــه = مالي ومال الدروب اللي تضايقني
تعبت اضم البحر واهديه امواجه =تعبت اجامل واشوف الوقت يسرقني
شكواي ل( للي)عليه الضيق وافراجه = اللي اذا شاء..يرحمني ويرزقني
اما انت يابو جبين عقد حجاجه =لا عاد تسال علامك منت طايقني)
الناس كل على دربه ومنهاجــه =وانا عن الناس مابه شي يفرقني
الا اني دايم احب الصدق واواجه =مخلوق..والله على هـ(الوضع)خالقني
حتى رفيقي ضماد القلب وعلاجه =على كثر ما اتمسك فيه ..صدقني
لو ادري انه مرافقني على حاجه =لـ(امسّكه)حاجته...واقول فارقني

[/poet]

تحياتي

همس الأحاسيس · #2 16-05-2003, 07:47 AM

أخوي الوافي أبيات حلوة حلوة بالحيل
وحتى لو ما عرفنا مين اللي قالها ، يكفي إنا إستمتعنا بشي من شعره
ومن جد خليتنا نشتاق نعرف له قصائد ثانية
وأحسن بيتين من هالقصيدة لقيتها مؤثرة فيني هم

إقتباس:

حتى رفيقي ضماد القلـب وعلاجـه
................. على كثر ما اتمسك فيه ..صدقنـي
لو ادري انه مرافقني علـى حاجـه
................. ل(امسّكه)حاجته...واقـول فارقنـي

صورة حلوة بالحيل بالذات في الشطر الأخير من البيت الأخير

وبننتظر معاك

يمكن أحد من اللي يشارك بالخيمة يعرف شي عنه ويفيدنا

تسلم أخوي على المشاركه
ويا هلا

بااااي

الوافـــــي · #3 18-05-2003, 03:26 AM

وسننتظر أيضا

*اليشمـــك* · #4 19-05-2003, 04:33 PM

السلام عليكم

القصيدة ايش اسمها؟
صغير السن؟

السلفيالمحتار · #5 19-05-2003, 04:53 PM

quote:
--------------------------------------------------------------------------------
حتى رفيقي ضماد القلـب وعلاجـه
................. على كثر ما اتمسك فيه ..صدقنـي

الصحيح حتى رفيقي ضماد القلـب وعلاجـه
................. على كثر ما اتمسك فيه ..صادقني

على وزن قافية البيت الذي قبله وبعده , فاعلنى ,

ولكم السلفي يقول لفلانة ,

غرتك دنياك تنسي يا جحود
تبيع شاري وتخون العهود
حسبي من الماضى انك ودود
تحفظ المعروف وتصون الوعود

همس الأحاسيس · #6 19-05-2003, 05:22 PM

أخوي السلفيالمحتار

البيت بالصورة اللي كتبه الوافي فيها صحيح الوزن

إقتباس:

حتى رفيقي ضماد القلـب وعلاجـه
...... على كثر ما اتمسك فيه ..صدّقنـي

وكلمة ( صدقني ) تعني من الصدق أي أنه صدقني في اللي أقوله له
وما تنفع صادقني لأنها شاذه في المعنى

باااي

الزعيم · #7 19-05-2003, 08:03 PM

القصيده حلوووه مررره
اتمنى ان اعرف من كتب هذي القصيده ولكن...
عندي تعليق بسيط

في بيت مافهمت ماذا يقصد فيها الشاعر
[]
عطيتك اكثر من اللي كنت تحتاجـه
اسرفت في الحب لين الحب وهقنـي
خلاص..مالي ومال الحب وازعاجه
مالي ومال الدروب اللي تضايقنـي
[/]
هل من المعقول من يدخل بحرالحب ان يخرج من بحرالحب بي هذي السهوله وانا فهمت ان الشاعر غاص في بحر الحب كما قاال في اعلاه؟؟!!

طبع ان كاان قصد الشاعر كذا
انا لا اتوقع من يغووص في بحر الحب ان يخرج بسهوله
ارجو ان توضح لي يااخي الوافي
لاني احترت فيها

القوس · #8 20-05-2003, 01:16 AM

إقتباس:

الرسالة الأصلية كتبت بواسطة همس الأحاسيس
أخوي السلفيالمحتار

البيت بالصورة اللي كتبه الوافي فيها صحيح الوزن

وكلمة ( صدقني ) تعني من الصدق أي أنه صدقني في اللي أقوله له
وما تنفع صادقني لأنها شاذه في المعنى

باااي

اتفق معك انه صدقني بس اختلف ان المطلوب منه التصديق يكون الرفيق واتوقع انه يقصد المخاطب في ان يصدقه فيما سيقوله في البيت الذي يليه ...

والعلم في بطن الشاعر............

همس الأحاسيس · #9 03-06-2003, 10:39 AM

القوس · #10 03-06-2003, 02:55 PM

ريم مع احترامي لك بس رفع ما لأمه داعي...........

سألت في كل المنتديات عن هذه الأبيات ..واحد جاوب ولا اثق في جوابه وقال ان في واحد اسمه بشير شنان غناها...

عموما انا اتحدى ان كان من قالها شاعر معروف ........