طاش .. ما.. طاش..

[الكرّاوي]

ياساتر عليكم ماصدقتم تشوفوا العنوان
عموما الله يحييكم ( ترى عبد الله وناصر على جيه..)
أنا كتبت العنوان لكي أجذبكم
والموضوع وما فيه أن كل واحد منكم الله
لا يسفه بيكتب يومياته..
يعني بيقول متى يقوم وين يدج وش يبلع( ياكل)
متى ينام وكم ساعة ينخمد..
وش يتفرج عليه.. ومن هالعلوم..
هــــــــــــــاه وش رايكم مين يبدأ
ماهي مشكلة أبي أبدا أنا
ـــــــــــــــــــ

[khokha]

مرحبا
أبي أكون أول مشاركة بس مالي خلق أكتب لك قصة حياتي

[الكرّاوي]

مرحبا أنا كراوي فيما يلي سأروي لكم
يومياتي
عندي نظامين
نظام شباب
ونظام شياب
ـــــــــــــــــــ
نظام الشياب وهو كالتالي
النوم عقب صلاة العشاء وان طولة السهرة
11.30 بالكثير وانا طافي
تنبسط مني الوالدة (الله يحفضها)
وعلى صلاة الفجر وأنا ناط مثل العفريت
أذبح الدلة والبرادي
ونوبات ابريق حليب
ألبد على التلفزيون إلين يجي الظهر وأطق
أربع ركعات
جاني أحد من الزوار يامرحبا وان ما جا أحد مع السلا متين
نتعوذ من ابليس ونتغدا
جاء العصر صلينا .. بوري برا هاه حجي كراوي تبي تمشي وين ( ما أدري)
نمشي نطلع البر نوسع صديراتنا شوي
ونعود على المغرب. ألبد حتى يأذن العشاء
وأصلي وأنخمد
ــــــــــــ
أما نظام الشباب
أقوم العصر ( ودي أرجع أنا ) انخ انخ
المهم الوالدة تصحيني يا كراوي قم علف الغنم ( يووووه بعدين )
المهم أقوم العصر فايق رايق أصلي اللي فاتني
وأقوم للتلاجة أدور لي على قطعة خبز
المهم أجلس شوي على التلفزيون
يدق الجوال ( يعنني معي جوال ) أصرفه. وأفتح الجهاز وأرد على الحبايب بالخيمة.أدج الين آخر الليل بين قهوة ومطعم. وأستلم الجهاز . يدق الجوال آطالع ذا رقم معجبة
أرد وأنا كلي ثقالة ( والعكس صحيح)
( طبعا النظام يتغير يوم الخميس بالليل
علشان صلاة الجمعة ماتروح علي)
طبعا هذي يوميات شاب في العطلة .
أيام الدراسة أغلق محاضرات وأرجع أنام
حتى المغرب فيه مباراه تفرجنا عليها مافيه
قمت وأخذت لي برمة على الحارة أستطلع .
وعلى هالموال إلين الله يفرجها.
.............................................
أتمنى أن أكون أسعدتكم بيومياتي
ـــــــــــــــــــــــــــــــــــــــــــــ

[ملاك الشرقيه]

هلوووووووو وانا الثانيه اللي بتقول قصه حياتها

انا تقريبا تسعه او عشر الليل واقوم نص الليل مثل الجنيه واعمل لي اندومي وبعد مااخلص واشوف البيت كله نايم اروح اهجم على الجهاز ويالله بدا الادمان ساعتين واصلي الفجر وانام واقوم الساعه 7 الصبح مثل الجنيه مره ثانيه (حشى مو نوم هذا) اقعد شويه نت او خويتي تتصل علي جوال او اتحرش فيها بالرسايل لا واحيانا اذا قمت نص الليل ارسل لها رسايل ازعجحها بنومها تتصل وتقول خير اقوللها سلامتك بس ضايق خلقي ابي اتسلى وارد واصحيها مره ثانيه للصلاه
وتجي 8 ونص واصحي اخوي لدوامه (مخلفته بس مو ناسيته) واقعد شوي نت ساعتين وانا بعد صلاه الظهر اذا ما سويت الغدا(ادري قتلت النوم)هو مو نوم نوم لا خويتي تتصل بيا اكلمها لين ام يقطع الشاحن وانام واقوم العصر اصلي واجلس نت ساعتين واقوم المغرب منه اصلي وبعدها خويتي تتصل علي واذا مااتصلت ادج بالبيت والعب مع ولد اخوي(مو اقوللكم غرامي اللعب) او اجلس مع ابوي وانام وهكذا دواليك يجي الليل اقوم مثل الجنيه


وتوته توته خلصت الحتوته ادري انكم مشخرين الحين من قصه حياتي بس اصحوا يالله شاركوني

وعلى فكره اذا فيه عندي دوام بالمدرسه اقوم الفجر مع الصلاه اصلي واتكشخعسى وعلى احصل علامه من مدرساتي
واروح المدرسه وارد البيت الساعه 4 العصر واجلس شوي على النت واقوم صلاه المغرب اصلي انام بعد صلاه العشاء واقوم نص اللي وامسك كتابي وهات يامذاكره
عاد جربوا المذاكره بنص اللي ياسلااااااام الله عليها مع السهاره والله فن تحس المعلومات تخش بكل رومانسيه واذا خلصت نت او انام واقوم الفجر يعني انام بعد ساعتين او ساعه من المذاكره واحيانا نص ساعه واقوم الساعه 4 ونص الفجر وانقلع الى المدرسه ووووبس

[الكرّاوي]

<><><> بسم الله الرحمن الرحيم<><><>
××××××××××××××××××××××××××××××××××××××××××××× أخواني شي لا يعقل انظروا الى تاريخ كتابت الموضوع
والله شي يقهر
×××××××××××××××××××××××××××××××××××××××××××