أطرف المواقف لجميع من في الخياااااااام.... - صفحة 3

Code-Blue · #21 10-08-2001, 05:27 PM

مرحبا اخوي الكرّاوي ..

أحب أشارك معكم بها الموقف إللي حصل معي على مقاعد الدراسة

وكنت يومها في الصف الثاني متوسط ..

المهم .. كنت ذاك اليوم سهرانة كذا لوجه الله .. ورحت المدرسة وأنا مواصلة ..

المهم قدرت امشي حالي الحصص الأربع الأولى .. وبدأت أحس بشيء غريب مسيطر على دماغي في الحصة الخامسة

وشوي يدق جرس الحصة السادسة .. وأنا أحس أن ذاك الشيء " النعاس " من جد مو راضي يروح عني ..

وبيني وبين نفسي جالسة أصارع من اجل البقاء مستيقظة وأقول إلا هالحصة حصة أبله " حضيه "

هذي الأبله الهبلة في نفس الوقت كانت شرانية كذا لله في الله ..

يا شباب مابقى فيني حيل خلاص
صرت كني لبه فيوزها محروق وجالسة تغمز ..

حاولت استأذن منها أروح اغسل وجهي ..

لكن مثل ما قلت لكم كانت شرانيه وعيت علي أروح تحسبني ابزوغ من حصتها ..

الظاهر أنها كانت تعرف أن حصتها مملة وتجيب النوم ..

المهم شوي ورأسي يطوطح يمين يسار .. وراء قدام .. وانقطع الإرسال عندي ..

شوي ماشوف إلا ورأسي نازل بكل قوة طائرة الأف 16 أو بالأصح الطائرة الشبح وكان متجه نحو المكتب ..

وإلا أنا بصوت خارق لجدار الصوت نفسه .. ويقول لي : يا ساتر ..

..بسم الله علي

كان ذاك صوت معلمتي الفاضلة .. كردة فعل على مشهد رأسي المترنح ..

فصحتني صيحتها من الحالة النعاس المسيطرة على ..

وإذا أنا أتلفت يمين يسار .. أدور أحد شافني غيرها
..

بس الحمد لله ماكان أحد منتبه غيرها لي ..

تدرون ليش .. كانوا كلهم نفس الحالة ؟!

[ 10-08-2001: المشاركة عدلت بواسطة: Code-Blue ]

زعيمكو · #22 10-08-2001, 10:14 PM

مرااااااحب
المواقف التي تمر بالواحد كثيره....
هذا الموقف صار وأنا بثالث ثانوي
الأختبارات النهائية ( وزارة)
المهم عندنا ( E ) وأنا ولله الحمد ممتاز بالقراية ...لكن لاأدري ماهو المطلوب من السؤال
عموما صحيت الساعة 1 وعليهابالليل .
قريت التعابير وحفظتها ( صراحة كنت مركز
على الذكرى المئوية) لأن وقتها كان إحتفالات
بمرور 100 عام على دخول الرياض .
المهم دخلت اللجنة وما خذ معاي العدة حقت الشغل( براشيم)

أنا عرفت انها خربانه خربانه يوم شفت مدرس مطوع يراقب علينافتشني ما حصل معي شي !!!لدرجة أنها فصخني نعولي ( حذياني .أعزكم الله)
أنا مسجل خطر عندهم.....
دخلت ولا كشفني ( مخبيهم بين البلطلون والفنيلة الداخلية . وفاك الزرار الأخير يوم أجلس أطلعه
بالراحة.... المهم وزعوا الأسئلة.. قمت أطالع
التعبير هو اللي تاعب عليه. قريت كلمت( هولي)
هالكلمه ماره علي بس وين..وين أيوه تذكرت في موضوع التوسعة.. المهم وأدهر وهاتك ياكتابة
طبعا الأختيارات محظوظ فيها وبمساعدة الشباب من الشارع ( يدقون بواري .. دقة طويلة إنتباه
دقة وحدة يعني الجواب الأول وهكذا..

المهم طلعت مبسوط وأسأل الشباب عن الموضوع إلا
يقولولي عن الخط العربي ياهووووووه قول كلام غير كذا.. المدرس اللي كنت مطفشة سمعني وفرط من الضحك ( الموضوع هذا بالذات إستبعدته تماما
) المهم جت سلامات وعدينا ( البركة بلجنة الموت).. ( أقصد لجنة الرحمة)
_______________________________
الموقف ذا وانا ثاني ثانوي
جالس مع الشباب بالركن الهادي ومعي قلم ليزر ..وقتها عندنا مدرس ( E ) مصري
مطلعين ريحتة.. قمت أسلط الضوء عليه كل ما أعطاني مقفاه.. ما أدري كيف لمحني ونادالي الوكيل ( شديد شوي بس مو علي)
المهم سين جيم.. أنكرت رفع صوته رديت ورفعت صوتي ( المسكين معاه صرعة وأنا ما أدري) المهم الرجال طب على الأرض .. قلبي بصراحة طاح
رحت بدون عقل أنادي المدرسين..المهم فاق وأنا
طلعت الفصل . نزلنا فسحة الصلاة إلا والأنظار كلها يمي .. يسألوني ليه ضربت الوكيل!!

قلت رفع صوته وأديتله خماسي ( مشيتها عليهم)
ومن يومها المدرسين الأجانب شايليني فوق رؤوسهم
ــــــــــــــــــــ

[ 11-08-2001: المشاركة عدلت بواسطة: زعيمكو ]

ملاك الشرقيه · #23 10-08-2001, 10:55 PM

هههههههههههههاااااااااااي الله يرجك زعيمكوا تنافسني انت باللقافه؟؟
هههههههه حلوه مع المدرس المصروع

ههههههههههه تذكرني مره وانا العب بالمدرسه كنت لابسه جزمه جديده وقلت لصباتي تعالوا نلعب ابقى اجرب الجزمه ولما كنت اركض طحت(بدون ضحك)وانا متمدده على الارض كاني بريعصي الا ومعلمه حامل تركض وهي قريبه مني انا طحت وهي ما قدرت ايش تعمل يا ناها تخاطر او انها تضيع البيبي راحت نطت من علي وانا متمددهةعلى الارض
انا خلاص قمت و قلبي دقاته واصله عند الدااره وقلت لصحباتي الله ياخذها من جزمه وحرمت البسها وقلتلهم خلونا نخش الكلاس لا اولدها واروح فيها بعدين
وتوته توته خلصت الحتوته

الكرّاوي · #24 17-10-2001, 01:27 PM