أدخل . . و أتحفنا

كوكتيل · #1 18-05-2002, 04:24 PM

السلام عليكم . .

على طول .. أدخل في الموضوع :

كل واحد درس في مدرسة ..
كل واحد درس في مدرسة .. أختبر
كل واحد درس في مدرسة .. أختبر .. لكن

حصل له موقف لا ينساه في الإختبار ...

يا ترى ما هو الموقف الذي حصل لك في قاعة الأختبار و لم تنساه ؟؟

<=== أصحى يا نايم

دايـم السيف.. · #2 19-05-2002, 05:11 AM

حيالله الجد كوكو

كيفك يا جدوووو

خلني ابرد حرتي فيك تذكر وش سويت فيني ايام النقط ..

موضوع حلووووووووو

نرجع للمواقف صراحه في موقع حصل لاعز اصدقائي ايام الاختبارات النهائية لثانيه ثانوي مادري كيف اصيغة لكم لكن استروا ماواجتوا

كنا في قاعة الاختبار وكانت الماده انجليزي بدأ الاختبار والكل قام يحل انتهت تقريباً ساعه ونص من زمن الاختبار المهم خوي يفتح الله في الانجليزي وكان خايف قبل الاختبار من الهم اللي فيه قام وسلم ورقة الاسئله وطلع بورقة الاجابه ههههههههه -طبعا ً التسليم على طاولة في اول الفصل - عاد المدرس يخلف الله رااايح فيه

نايم

عدت عليه المهم خلصت ولحقت خوي طبعا ً انا مادري باللي حصل قابلته برا المدرسة وسافط الورقه المهم سألته عن الاختبار قال زفت ولله الحمد

المهم الاخ يبي يسألني عن سؤال ماعرف حله قام فتح الورقه ونتفاجأ انها ورقة الاجابه عااد انا ماشفت الدنيا من الضحك هههههههههههههههههههه

وهو المسكين خااايف وش الحل المهم رجعنا وبعد طلبه بالوجيهه من المدير وافق علىانا نرجع الورقة طبعاً في الحاله هذي نكبنا عفش المدرس

وفي النهايه ابشركم نجح المسكين بالانجليزي

هذا هو اطرف موقف مر علي

شكراً لك جدوووو كوكو

أبو أشواق · #3 19-05-2002, 11:27 AM

السلام عليكم.............

والله انكم من جد حبايبي ذكرتوني ايام الدراسة والاختبارات و الهم

والغم اللي يذكر ذيك الايام بالخير ......

الف شكر لك خيوووه كوكتيل

على هالموضوع ......

عاد نرجع للمواقف المحرجة ..... الله يسامحنا و الله اني من ذاك اليوم

وانا متندم على ذيك الفعلة الله يغفر لنا...

......... المهم الموقف يعود

الى الصف الثالث الثانوي وكان في سنة 1415هـ .... وكان الاختبار

الرياضيات ..... عاد الفزعة معروفة عندنا و حنا اهل الفزعات ... الحقيقة

و ما اخفيكم ذيك الايام كنت شويطر في الرياضيات و جاني واحد من

ربعي و استفزعني

قال لي فلان قلت يا عونك ... قال: لك والا

للذيب ........ عاد محاتسيكم ابو الفزعات

قلت له يخسى الذيب ..

قال ابي اقعد وراك في الاختبار ........ عاد انا عرفت ان الدعوة فيها (

اللي بالي بالكم) غش يعني بالتصريح

(لكي الله يا ذيك الايام)

عاد قلت له تم بس كيف .. قال لما ينتصف الوقت نتبادل الاوراق

( يالهوتي ازااااااااااي ؟؟؟) ......... عاد بدى الاختبار و لما

انتصف الوقت التفت على خويي وعطيته ورقتي و من اللخبطة

والاضطراب ما قدرت اخذ ورقته ...... و عين المراقب فينا (طبعاً ما قصر

خويي قد دهن سير المدرس المراقب) و لا كان شي صار ....... عاد و

كملنا الاختبار و نجحنا جميعن و ما زلنا نعض اصبع الندم على فعلتنا

وتعاهدنا ما نعلم احد باللي صار .... والحين كلما نتواجه نتذكر الموقف و نبدا عاد ........

ترى مو كل مرة تسلم الجرة و الله يبعدنا و يبعدكم عما يغضبه ...

وفقكم الله جميعا و سدد على طريق الهدى خطاكم.......

بس عاد يالربع لا احد يعلم علينا ...... بيني و بينكم

الف تحية للجميع

كوكتيل · #4 19-05-2002, 04:31 PM

السلام عليكم . .

هلا و غلا .. بدايم السيف .. <== هذي النقطتين رجعت

خذ راحتك .. يالحبيب .. تراي وسيع صدر بالحيل .. و أنت تمووون

بس ذا الانقليزي .. من جد صاير عقدة القرن العشرين على الشباب
مع أنهم .. مدهرين على الدش و النت و كل شيء ..
بس سبحان الله ما جعل الله لهم نصيب من ذا الانقليزي

مشكور على المشاركة ..

أخوي الغالي / العاشق

حياك الباري ..

أجل داهن السير

... سلم لي على خويك .. و قله أنك وليييده

بس زين اللي ما طلع المراقب (( نذل )) كان رحتو في خرايطها

تسلم .. على الرد الرايق .. يا رايق

قرفان · #5 24-05-2002, 07:17 AM

بسم الله الرحمن الرحيم
اخي في الرحمن / كوكيز
السلام عليك .. وبعد

يااااااااا سيدي ..
لو بسردلك مواقفي المحرجة وصلت لرقم يعدي على عدد مشاركات اوراق التقويم الله يعلم به

ولسان حالي يقول أني بكون معكم بحلقات ..
نبدأ من المتوسطه .. والابتدائية يسترك ربي لا تسأل عنها .
ايام المتوسط كان الواحد منا لاقاله المدرس رح جب الدفاتر من الغرفه والا استلفلنا من الفصل الثاني طباشير نفخ ريشه وكانه مدري وشو ..
المهم اني كنت بذي الوظيفة .. و كيف تتصور يا ابو عبدالله .. ( ولا هان القراء ) تكون شخصيتي على الاولاد .. ولا فرعون بعهده .

وبيوم الاختبارات . ( بالمدارس الخاصة ) ماكانوا يختبرونا بنفس المدرسة <<<< يعني حركة غريبه ، وراح اخوك الاختبار والحق ياخوك ماكنت شويطر مثل العاشق .. الا كانوا يعايروني اخوياي بالمصري

، ومتجهز المسكين .. ورايح وهو فل أوبشن ما بيده الا قلمه .

وصل .. وكل ما يدخل قاعة والا الوجييه ماهي وجيه الربع .. ويدور ويدور ولربع ساعه ماهو حاب يسأل ينقالك بيحافظ على برستيجه .. الا طاف على الوقت 40 دقيقة .. القلب انفقع .. والعين تلمع معبيه دميعات

وأول ما صادفني واحد من اهل الخير ( مشرف ) استنجدت به وعارف خبرك قلوب جامده ويسألني انت ( بتعييط ) وانا مابعد حررت دموعي رافع راسي ( ووجهي اصفر ) لا لا عادي ، محافظ على شخصية صاحب الدفاتر والطباشير قدامه وهو ما يعرفني .. وأول ما دخلت وطاح انظري على وجه من اخوياي كني مسافر وراد لاهله .. مبتسم .. والدموع اربع اربع ..

ولسا مبتسم وكن ماصار شي .. ويومن حسيت ان البشر حسوا طحت له ...... كني بعزااا .. الله لا يعيد ذيك المسخره .

واسترونا الله يسترها معكم
ولنا عودة من غير بكااا

تقبلوا تحيات .. اخوكم قرفان

كوكتيل · #6 26-05-2002, 05:41 PM

السلام عليكم

عريس الخيمة و بخورها

.. أنا متوقع .. منك أنت بالذات .. أكثر من كذا .. ليه ما أدري

بس .. حلوه .. (( الفرعنة ))

... بعدين باين عليك موقف الفصل
على أصبعك الصغير .. صح

بس ربي فكك و أنا أشهد لو أني مكانك .. كان (( الونان )) أشتغل

أجل (( دميعات )) .. و لله

.. خزنتني .. لان الموقف هذا مؤثر جدا

لكن المهم .. الله يسر .. و الدعوة صارت

مشكور و ما قصرت ...
و ننتظر منك .. أخر أخبار العر.... <== أكيد أنت عارف

اليمامة · #7 02-06-2002, 03:08 PM

لااااااااااااااااااااااااااااااااا مو معقول وش ذي الروائع ياعاشق وياقرفان

العاشق اجل صاحب فزعاااااااااااااااااات

مين اللي دهن السير انت ولاخويك

بس والله ذيب متورط وقت الله هالله

==================

قرفااااااااااااااااااااااااااااااااااان

العيون تدمع ومعبية دميعاااااااااااااااااااااااااااااات

ماانت هين يقرفان بالسرد الكوميدي
تفصيل للشخصية بارع خاصة صاحب الدفاتر والطباشير

الله يستر 000 احذف ياقرفان الرد ترى العروس تهون لما تعرف الدموع 00

احنا نستر ولكن اخاف الخيمة تطيح بيد العروس

واخاف تمسكها عليك 0000 والله يعين ان مسكنا للرجال حكاوي دمووووووووووع

اليمامة · #8 02-06-2002, 03:15 PM

كوكتيل

لو قلت لك مصاااااااااااااااااايبي

تسترها وتدسها

والله ياكوكتيل ماكان احد موقف المدرسة الابتدائي مثل ماكنت موقفتها

مديرتي كانت المديرة المثالية الى ان سجلت لان لفت النظر صار يجيها يوميا

والسبب انا 00 وانت خابر صيغه المرشد ومن سبقه نماااااااااااااااا الى علمنا

وان قابلتها الحين تعرف الناس علي وتقول هذي اللي وضعت النقاط السوداء في السي في ( السيرة الذاتيه )

ايييييييييييييييييه وش اقول 00 وش اخلي

خلني اخلص ضحك من موقف العاشق وقرفان وارجع لكم

كوكتيل · #9 02-06-2002, 11:39 PM

يا سلام ..

و أخيرا .. حضرت اليمامة

يا لله .. يا اليمامة .. عطينا مما أعطاك الله

أبغى بالتفصيل الممل .. و مصير أي أحد له علاقة بالقصة

الحنين · #10 05-06-2002, 02:51 AM

وش هاالابداعات جدنا

والله انا ما اذكر انو حصل لي موقف من ذا المواقف

لكن اذكر موقف لبنت في ثالث علمي تقول ..
دخلت القاعة وكلي خوف من الاختبار وابتدت المواقف اولها ..
جلست على الكرسي ونظارتي عليه ومعروف اللي حصل .. ثانيها .. تقول اخذت الورق وجاوبت على الاسئله كلها ولما سلمتها قالت لي المراقبة .. الورقة مقلوبة خذي ثانية واعيدي الحل وعينك ما تشوف الا النور

وعليكم بالضحك

ووحدة ثانية تقول

مرت ربع ساعة على الوقت وانتهيت من اجابة الاسئلة فطلبت من المراقبة شوية موية توني افتحها ابغى اشرب ولا تطيح من يدي وعلى الورقة وروحي يا بنت عيدي الاجابة في ورقة ثانية

اقول لا تضحكون بس