اعلان التحدي للمنتخب الايراني .............فلاش

دايم السيف · #1 26-09-2001, 11:17 AM

http://www.angelfire.com/sports/shagrawi/ksaksa.swf

الراسي · #2 02-10-2001, 05:25 AM

أخوي دايم مو ملاحظ انك ماخذ مقلب بمنتخبك

ريفالدو · #3 02-10-2001, 10:02 AM

يحق له دام منتخبه وصل هالمواصيل

مب زي منتخبكم اللي طلعه من الدور الأول منتخب (البـ . . ي .) أكيد تعرف الحروف الباقية صح؟

[ 02-10-2001: المشاركة عدلت بواسطة: ريفالدو ]

الراسي · #4 02-10-2001, 10:36 AM

عزيزي رفالدو
شلون عرفت اني كويتي ؟؟؟

ماشاء الله عليك ساحر

على العموم تطلع من الدور الأول تطلع من الدور الثاني لا فرق كل الطرق تؤدي الى روما

ريفالدو · #5 02-10-2001, 02:09 PM

لا تغلط على روما عاد

الظاهر قصدك كل الطرق تؤدي الى أفغانستان

دايم السيف · #6 02-10-2001, 04:43 PM

السلام عليكم ورحمه الله وبركانه
اخوي الراسي بقولك شغله
من حقي اني افخر بالمنتخب السعودي لا ني من ابناء هذا الوطن العزيز بالعربي اسمها (وطنيه)
اما انت اذا كنت لاتفخر بمنتخبك فهذا شي يخصك
الا اذا ماعندك (............) هذا شي ثاني

مشكور اخوي ريفالدو على الرد والمفروض انهم يحمدون الله على ان منتخبهم ما تأهل بدل البحرين
كان علمهم الصقور الخضر فنون اللعب زي كل مرة يلعبون مع المنتخب

بومبا · #7 02-10-2001, 04:48 PM

هدو اعصابكم شباب وماودنا نرجع المواضع السابقه التي بسببها فقدنا اعضاء عزيزين علينا

وكلنا اخوان وحبايب تجمعنا الموده في ضل عهد الفهد والجابر

الراسي · #8 02-10-2001, 05:23 PM

عزيزي دايم
اتمنى انك تاخذ الامر بروح رياضيه

بالنسبة للوطنية لا تختزلها بمنتخب مرة فوق مرة تحت سواء فزت او خسرت لن يزيد او ينقص من مساحة و طنك

الامر الاخر انت تقول الصقور الخضر كان علموهم فنون اللعب كلام جميل بس منين يا حسرة التاريخ لا يكذب

و خذ عندك هذه الاحصائية ...
الصقور الخضر لعبوا مع الموج الازرق 33 مباراة حلو؟ طبعا حلو

فازت السعودية 12 مرة كلام جميل
فازت الكويت 13 مرة كلام روعة
تعادلو 8 مرات شئ طيب
سجلت السعودية 45 هدف بالتوفيق
سجلت الكويت 46 هدف اللهم لا حسد
اذا الواقع شئ و كلامك شئ اخر

على العموم نبقى حبايب و اخوان مهما صار و اتقبل كلامك بكل صدر رحب .
و يالله و كلها 3 شهور ان الله احيانا و احياك و تستضيفون دورة الخليج و مثل ما يقولون الوعد قدام و لكل حادث حديث

ريفالدو · #9 02-10-2001, 05:28 PM

أنتم حدكم كأس الخليج

الا يابومبا وش أخبار أخويانا الاولين وش صار عليهم؟

الراسي · #10 02-10-2001, 06:35 PM

افا يا ريفالدو هذا وانا اول واحد باركلك تسوي فيني جذيه

على العموم انا ساجيبك بموضوع حدكم كاس الخليج بس اهم شي الروح الرياضية و بلاش غلط

شوف اخوي ...
الموج الازرق اول فريق عربي اسيوي يتاهل لكاس العالم ... هذي وحدة
الموج الازرق اول فريق عربي يحصل على كاس اسيا ... هذي الثانية
الموج الازرق اول فريق عربي اسيوي يتاهل الى الالمبياد العالمي و ايضا لثلاث مرات اخرها المبياد سيدني 2000
و طبعا ماراح اجيب سيرة كاس الخليج لانه البطولة هذي مرتبطة طبيعي بالموج الازرق و لن اعددلك انجازاته بها فهذا امر مفروغ منه .
بمعنى اخر ...
ان كان الصقور الخضر تاهلوا مرتين الى كاس العالم فالموج الازرق تاهل مرة و له السبق و الفارق تاهل واحد ...
ان كان الصقور الخضر حصلوا على كاس اسيا 3 مرات فالموج الازرق حصل عليها مرة و له ايضا السبق و الفارق بطولتين ...
ان كان الصقور الخضر تاهلوا الى الالمبياد العالمي مرتين فالموج الازرق تاهل 3 مرات و له السبق و الفارق تاهل واحد ...
ان كان الصقور الخضر فازوا بكاس الخليج مرة فالموج الازرق فاز بها 9 مرات ( اللهم لا حسد ) و له ايضا السبق ...
عزيزي ريفالدو
هنا انا كلمتك بلغة الارقام و التاريخ لا يكذب و ذلك فقط لتوضيح الصورة وهي انشاء الله واضحة للكثيرين و لكن لا باس من التذكير بمثل هذه الامور .
اخيرا ...
اتمنى ان تكون مناقشاتنا موضوعية و يسودها الاحترام و عدم الانتقاص من اي منتخب فلكل منتخب تاريخه المشرف .
وبعدين لا تنسا انا اول واحد باركلك لازم يكون لي وضع خاص عندك

و على فكرة انا هلالي حتى النخاع