كل شي في بريدي صار ممنوع ؟؟؟؟

[فتى أشيقر]

السلام عليكم ........

عندي مشكله بسيطه انشالله تحلونها الا وهي اني لو بغيت ادخل اي رابط في صفحة اي رساله عندي يجيني الوصول للصفحه غير مسموح به ؟؟؟؟لذي الدرجه صارت المواقع ممنوعه ولا المشكله من عندي علمن اني نسيت كلمت السر في احد المنتدايات وارسلت لهم فارسلولي رابط فيه ملفي الشخصي عشان اعدله فصارت نفس المشكله ؟؟؟؟؟

وش اسوي بالله عليكم ماقول الا الحمد لله اني مانسيت كلمة سر منتداكم

وتكفون ان كنتم تعرفون تحلون المشكله فعلموني ومشكورييين

والسلام......

[كوكتيل]

أول شيء ...

أشوى أن كلمة السر حقتنا ما ضاعت

الشيء الثاني ..

أبشر أنا بعد .. تطلع لي .. المأخوذه

لكن .. عشان ترتاح منها خذ الطريقة :

1 ) أنسخ العنوان اللي يجيك في البريد .

2 ) الصق العنوان اللي أنت نسخت في خانة العنوان في المتصفح .

3 ) طق enter .

و اسأل مجرب ولا تسأل طبيب

تحياتي لك أنت

[كوكتيل]

نسيت ..

الظاهر أنك تعبث واجد بالكمبيوتر

كل يوم طالع لك مشكله ..

مثلي .. ما أرتاح إلا إذا فرمت الجهاز كل أسبوعين

الله لا يشغلنا إلا في طاعته

[فتى أشيقر]

يؤسفني وبعنف ياخوي كوكتيل ان طريقت مازبطت معي والمشكله هيا هيا موجوده ..............

ملاحظه:- الي يعرف وشلون ازينها ابدوربه في مطل وشيزر وعشيه في المطعم الي في المطل . عرض خاص لاتدعو الفرصه تفوتكم

[al-jawwal99]

الحمد لله رب العالمين

خذ هذه النصيحه من مجرب

غير الشركه التي تزودك بالخدمة
فإذا كان إشتراكك من أثير فغيره إلى نسيج ، وإذا كان من نسمه فغيره إلى سعودي أو لاين
وهكذا وليست الأسماء التي ذكرتها أعلاه ضروريه بذاتها ولكن القصد هو تغيير الإشتراك
بل من الأفضل أن يكون لديك على جهازك إشتراكان مختلفان
وهذا من واقع تجربه فعليه

وأسأل الله أن يذكر من أخبرني بها بالخير 99 مره

السلام عليكم

[كوكتيل]

اخر .. محاولة

ما لك إلا تقدم (( معروض )) على مدينة الملك عبدالعزيز
تكتب فيه ..
أرحمونا كل شيء أصبح (( الوصول إلى هذه الصفحة غير مسموح به))

الله يستر بس .. لا يجي الدور على الهوتميل و الياهو و تصبح
من ضمن المواقع المحجوبة ..

و للمعلومية ..

أنا كنت أبحث عن مواقع أثاث عربية سعودية و العجيب أني لقيت
أحد المواقع محجوب (( موقع أثاث )) و بعد إتصالات مع المسئولين
صار هناك خطأ .. تشابهه أسماء

===> يا مهندس عبدالله (( فك )) الموقع