. ( الزلفي الزلفي ولا أرضى بدلها ) .

[النادر]

للدارنجم بين الأفلاك سيار *** مثل الثريا..وش عرف من جهلها؟؟
في وسط نجد.. وكل دار لنا دار *** فيها تعانق رملها مع جبلها
فلقةقمر مامثلها بين الاقمار *** هامات عز جاوبت من من سألها
ذاك النفودبغربها سحرالأنظار*** وطويق شرق وربك اللي عدلها
هذي (سبلتها)روضةوقت الامطار*** تلبس من الديباج زاهي حللها
كم في ثراها أزهاروكم تخفي أسرار*** صفحة من التاريخ يصهل فحلها
فيها(مرخ)وان فيض السيل هدار *** شفت (الكسر)زانت وغنى حجلها
يامحلابالوسم جلسة ومجمار *** وذيك النياق اللي تباري جملها
ب(عريعرة)و(السيح)سلج وقطار *** يشادي الغيمات عالي نخلها
(سمنان)للطربان وسلوم وأشعار*** والوادي وسده هني من نزلها
و(الخل)ماهاكنهادرالأبكار*** ياماارتوينامن مواردعسلها
الداروحده مابها يمين ويسار*** أهل الشيم وأهل المروات أهلها
فيهارجال تكرم الضيف والجار*** صنايع المعروف غاية عملها
يشهدلهااللي مرزايروخطار *** واحظ من عينه بنظره كحلها
حتى هواها يودع الثيب أبكار *** يبري جروح اللي شكى من عللها
فيها وصوف تزري الفكرويحار *** راعي البلاغة واللغة ماوصلها
يحتاج ابن منظورسبعين حبار *** حتى يوفي جملة من جملها
هذاهواي وراعي الكيف له كار *** الزلفي الزلفي ولا أرضى بدلها[/color][/size]