{ قصـــايد أعجبتني } - صفحة 6

نور الحياة · #1 11-02-2007, 12:51 AM

حكــايـــــــــــة مـــحزنــــــــة

على كثر القلوب اللي أحبها ما بكى لي قلب
على كثر الشعور اللي ذرفته ما بقى إحساس

مشاعر من قسا وقتي قست ع العاشق اللي حَب
أسمّمها عباراتي وأسقيه المَرار بكاس

قفلته بابي اللي كان وعِفته والخَيار اصعب
وأهدم ما انبنى بيني وبينه من عروق الساس

وكلٍ عاتبه قلبي..وقلبي ما هَوى يعتب
ونومي حاربه جفني وعاشق حرّة الأنفاس

وكلٍ سارح بليلاه يغني بالهوى يطرب
تناسوا حالة المنسي..قصيده عافها الجلاّس

تخطيت الحدود بخوف وقلت من الهوى بشرب
أثاري الموت واعدني لمحته في حضن هالياس

أغني والغِنا لعبه وانا ما لي بأصول اللعب
أثاري غِنوِتي ونّه لبسها الشك والوسواس

وشمسي اللي تواسيني غدرها الشرق والمغرب
وصاير حالها مثلي وطاحت من عيون الناس

سنين اشرب معاناتي سنين ابعد سنين اقرب
سنين اشرب مسافاتي ودربٍ ما ارتضى ينداس

كفايه يا زمن يكفي أخاف مْن الهوى تتعب
وأنا مهما تعاتبني محال اني أوطي الراس

عرفت إن الهوى كذبه..يجاري من هوى يكذب
وصدق العاطفه تكشف..تيبّن يا حجر أو ماس

مجانين العشق تَوْنا عرفنا الحب ما له طِب
ومن حيرة مشاعرنا صفقنا اخماسٍ فـ أسداس

أداري دمعتي واخنق صهيلي وانزوي واكتب
مشاعر عايشت حلمي بقلب العاشق الحساس

ليالي ما بقى فيها سوى جمرٍ فـ قلبي شب
حرق غصن العمر واصبح مثل ذيك الغصون يباس

على كفّ القدر صارت حياتي والرياح تهب
حكايه محزنه يلعب بطولتها الشجر والفاس

وجوه اقسا من القسوه تغطي فرحتي وتسلب
ترا موت الضمير اهوَن عذابه ما يحدّه قياس

خلاص اشتاقت الرحله تحط رْحالها وتغرب
أحس اني بهالعالم فصيله غير هالأجناس

عرفت إن القريب اصبح غريب وبالأصل عقرب
وهذي مشكلة وقتي..طعوني من أعز الناس

.. نسايم الساده..

على رسلك · #2 19-02-2007, 02:32 PM

توديع الأحباب مثل الموت له سكره ,,,,أدمى جروحي وشق القلب منيا

والقلب طير ظلوع الأدمي وكـــــره ,,,,لا شـــاقه الطلع لا سلم ولا حيا

مصــــير الأحزان تنساني وتفتكره ,,,,ما كل الأيـام بيض وسمحة محيا

قل غيرها مانت لا مجبر ولا مكره ,,,,لا صار ماهي غلا ما ابي لك حميا

لو في يدي شي ما قلت الوعد بكره ,,,,حزمت حدب الظلوع وقلت لك هيا

لو كل غالي يجي دايم على ذكره ,,,, ماصرت أشوفك هناك وحبك هنيا

يا ليتني لو بغيت أكره قدرت أكره ,,,ما كان قلبي لـــيــا جيت أكرهك عيا

الوردة الندية · #3 19-02-2007, 09:58 PM

][][§¤°^°¤§][ إعتـــــــــذاري ][§¤°^°¤§][][

جيتك البارح ويا كثر الطواري
جيتك أحيي ذكرياتي والسنين

جيتك وْ كلّي من الأفراح عاري
ألفظ انفاسي ويحكيني الحنين

جيت نفس الموعد و طال انتظاري
ناسي الفرقا ولا عندي يقين

ما لقيتك وابتدا فيني انكساري
وارتمى قلبي على صدري حزين

وابتدت قصة فراقك وانحداري
من آمال الحبّ للحزن الدفين

رحت اقلّب ذكريات تزيد ناري
واشتعل بين الأماني والأنين

يوم كنت الحلم ... كان الحب داري
وأنت أحلا من ورود الياسمين

في عيونك حلم ليلي مع نهاري
وامنياتي كلها ((نظرات عين))

كنت احس انّ ابتسامك نهْر جاري
يروي انفاسي وينبض كل حين

آه يا وقتي وصار الهمّ طاري
ما يفارق خافقي لو لحظتين

ما عرفت اكتم شعوري وانت داري
أصدق احساسي على عيني يبين

إيه احبك وانت لو تقدر تداري
ما قدرت استر غرامك واستكين

جيت الملم كل حزني واحتضاري
جيت اقول: ارجع ولك قلبي رهين

لكن انت اخترت من دون اختياري
واصدق الحب اللي يشيله خافقين

دامك ارخصت المحبه ليه اداري
وانتظر قلبك يحنّ بكلمتين

رح فمان الله لك منّي اعتذري
عن وفا قلبي وعن حبي الثمين

وان بدا لحزني على عيني مواري
بمسح دموعي واقول: الله يعين

للشــــــــاعر / وديع الأحمـــــــــدي

الشــــامخه · #4 17-01-2005, 12:50 PM

مـاقلت احـبك ولا قـد قلت ماحبك
احـب مـالي عـيوني وانت تسواها
لو تدري اش كثر تعني لي تعرف انك
اخـر امـل فـي حياتي واول مناها
يـاكثر احـس ان بك مني وبي منك
روح قـسمها عـلى شخصين مولاها
لا تقول وش تحب فيني اعشقك كلك
مـن لـيل شعرك لكلك واخر اقصاها
سـميتني نـصفك الـثاني وياشحك
انـا بـسميك كـلي وانـت مـعناها
تـعبت اوديـك لـه يـاقلب ويردك
لا اخـذ حـلومي ولا خلاني انساها
كـل الـحمام استراح وناح في ظلك
والورد الاصفر سقته الروح من ماها
لـيتك بـعمري ثلاثة اشخاص ماملّك
واحـد معي دوم وواحد روحي يملاها
والـثالث بـجفن عيني لا فقد حسك
او غـمض الجفن جاني فيك يتباهى
مـو بـس احـبك انا والله من حبك
احـب حتى ثرى الارض اللي تطاها

****
الشاعر طلال الرشيد(رحمه الله)

قلم المنتدي · #5 17-01-2005, 03:56 PM

يا بنت صوتك عبر الأسلاك يسري
ويسري عبر شريان قلبي وتاجـه

ودموع عينـي يعلـم الله تجـري
وقلبي على بعـدك تعكـر مزاجـه

اسمع ونيني داخل أعماق صـدري
وازريت أعدل للزمـان اعوجاجـه

يا بسمة ايامي ويا نـور فجـري
ويا طب قلبي يوم يصعب علاجـه

أمـر دارك يعـلـم الله مــدري
لي حاجةٍ وإلا على غيـر حاجـه

لا تعلني يا بسمة العمـر هجـري
ويزيـد بعـدك للفـؤاد إنزعاجـه

لاجلك نظمت الشعر واقصيت نثري
والنثـر قـدم للفـؤاد إحتجاجـه

وما بينهم حكمت بالعـدل فكـري
وقال كبـو عـن سعيـد اللجاجـه

النثر له معنـاه والشعـر يغـري
وكلٍ على وزنـه يعيَّـن خراجـه

لكن وزن الشعر كالنهـر يجـري
ويخلِّي العاشـق يزيـد ابتهاجـه

هذا شعوري بعد ما قـل صبـري
أهديه لك والصبر حـان إنفراجـه

انتِ رضاي وشمس عمري وبدري
والشعر في غيرك اشوفه سماجـه

للشاعر((سعيد الغامدي))

همس الأحاسيس · #6 21-01-2005, 04:38 PM

ليالي نجد

<******>doPoem(0)

خالد الفيصل

همس الأحاسيس · #7 31-03-2005, 02:18 PM

<******>doPoem(0)

للشاعر / مخايل

الشــــامخه · #8 16-04-2005, 11:59 AM

خـــــــــلاص

ياصغير السن قدرك طاحت ابراجه
الجرح خلّى الصخر ينطق ونطقني

خلاص....ماعـاد تعنـي لـي ولا حاجـه
رح..جعـل ربــك يوفـقـك ويوفقـنـي

من بعدمـا كنـت نـور العمـر وسراجـه
اليـوم صـرت الظـلام اللـي يطوقـنـي

عطيتك اكثـر مـن اللـي كنـت تحتاجـه
اسرفت فـي الحـب ليـن الحـب وهقنـي

خلاص..مالـي ومـال الحـب وازعاجـه
مالـي ومـال الـدروب اللـي تضايقنـي

تعبـت اضـم البحـر واهديـه امـواجـه
تعبت اجامـل واشـوف الوقـت يسرقنـي

شكـواي ل( للي)عليـه الضيـق وافراجـه
الـلـي اذا شاء..يرحمـنـي ويرزقـنـي

امـا انـت يابـو جبيـن عقـد حجـاجـه
لا عـاد تسـال علامـك منـت طايقنـي

النـاس كـل علـى دربــه ومنهـاجـه
وانـا عـن النـاس مابـه شـي يفرقنـي

الا انـي دايـم احـب الصـدق واواجــه
مخلـوق..والله علـى ه(الوضع)خالقـنـي

حتـى رفيقـي ضمـاد القلـب وعـلاجـه
على كثـر مـا اتمسـك فيـه ..صدقنـي

لـو ادري انـه مرافقنـي علـى حـاجـه
ل(امسّكه)حاجته...واقول فارقني

***********

الشاعر فهد المساعد

المتيم المجهول · #9 16-04-2005, 02:29 PM

تسلم عيوني

<******>doPoem(0)

عبدالرحمن بن مساعد

همس الأحاسيس · #10 21-04-2005, 02:16 PM

تسلمين حبيبتي الشامخه
ولا يهون أخوي المتيم
وجعلكم على القوة دوم ييارب
ومن جد إختياراتكم من أروع ما قريت