لبناني بسيط يرد على مقابلة نصرالله

[عمر 1965]

هذا الرد مقتبس من أحد المواقع لمواطن لبناني بسيط
وعذرا على اللغة العامية اللبنانية كوني تركته كما هو

قال السيد نصر الله انه لو كان في 1% شك انو اسرائيل حتعمل يللي عملتو ما كان الحزب قام بخطف الجنديين
طيب, انو كتير منيح, و خلينا ناخد الفرضية انو السيد نصر الله مفكرني انا شخصيا مصطول و ما بفهم بالعمل العسكري, بس السؤال الغبي يللي حضرة "معتوهيتي بتحب تسألو, انو يا سيد حسن, يا سيد المقاومة يللي كانت عم بتجاهر خلال العدوان المسعور انو عند الحزب معلومات استخباراتية عن كل شي عم بيصير على ارض فلسطين المحتلة, بدك تقنعني انو صورة الجيش الهمجي هو و عم يمسح غزة عن بكرة ابيها منشان عسكري واحد, هل المشهد ما بيشكل 1% شك انو هل آلة المتوحشة حتنقض على لبنان و تلعن سنسفيل اهله؟

انو يا اخي بالهوية, انا معك انو اسرائيل شر مطلق, بس بدك شوي تحترم انو الشعب اللبناني منو مصطول صطلة مطلقة كمان!!! انت عم بتقول انو اسرائيل كانت ناوية تعمل عدوان, طيب عال, يا اخي كنت خليها تبلش و الله يلعن يللي ما كان ترك كل شي و راح حمل سلاح و قاتل تحت رايتك, و ما تقلي تحضيرات و مواقع, صرلكن من سنة ال2000 عم تحفرو انفاق انا بحط بدمتي انو بتوصل صور بمارون الراس

يا سيد حسن, ارجوك ارحم عقول البشر, و خلصنا بقا, الشعب بدو يعيش, و اسرائيل باقية طالما في فراكيح عم تحكم البشر متلك و متل بشار و نجاد و هلم جرا و ما بستثني حدا

رفعتلنا راسنا, انا معك, س بترجاك ما تربطلنا رقبتنا بمياه نجاد الثقيلة و عقل بشار السميك
و الله يحمي هل البلد يلي الله بلاه بأنجس جيران و معتوه بعبدا و البردقاني يللي حيموت -انشاء الله- تيوصل ويصير معتوه بعبدا و قنديل و ما شابه من دود السياسة اللتي يعيش على العفن...
بعد في البحر ما نط و قعد بأرابيزنا و مسحنا عن بكرة ابينا

ــــــــــــــــــــــــــــــــــــــــــــــــــ ـــــــــــــ

[عبدالله 123]

اسمحلي ارد على هالمواطن البسيط لانه من اسئلته امبين انه مو فاهم اللي بيصير مو زيك ما بدو يفهم !

ما علينا اول سؤال

قال السيد نصر الله انه لو كان في 1% شك انو اسرائيل حتعمل يللي عملتو ما كان الحزب قام بخطف الجنديين
طيب, انو كتير منيح, و خلينا ناخد الفرضية انو السيد نصر الله مفكرني انا شخصيا مصطول و ما بفهم بالعمل العسكري, بس السؤال الغبي يللي حضرة "معتوهيتي بتحب تسألو, انو يا سيد حسن, يا سيد المقاومة يللي كانت عم بتجاهر خلال العدوان المسعور انو عند الحزب معلومات استخباراتية عن كل شي عم بيصير على ارض فلسطين المحتلة, بدك تقنعني انو صورة الجيش الهمجي هو و عم يمسح غزة عن بكرة ابيها منشان عسكري واحد, هل المشهد ما بيشكل 1% شك انو هل آلة المتوحشة حتنقض على لبنان و تلعن سنسفيل اهله؟

وانا معا لانه حسب العقل العسكري والمنطق السياسي والعسكري انه لو في دولة فاتحة جبهة على احد الحدود لو انفتحت جبهة ثانية معها المفروض تفقد التوازن العسكري . وهذا اللي صار فبطلت قادرة تتصرف هي بدها تحارب المقاومة الاسلامية في فلسطين وللا في لبنان فخف الضغط على فلسطين والتعن سنسفيل اهل اللبنانيين وهذا دليل على انها كانت محضرة لهذه المعركة من قبل سنسفيل اهلكو ما ينلعن.

انو يا اخي بالهوية, انا معك انو اسرائيل شر مطلق, بس بدك شوي تحترم انو الشعب اللبناني منو مصطول صطلة مطلقة كمان!!! انت عم بتقول انو اسرائيل كانت ناوية تعمل عدوان, طيب عال, يا اخي كنت خليها تبلش و الله يلعن يللي ما كان ترك كل شي و راح حمل سلاح و قاتل تحت رايتك, و ما تقلي تحضيرات و مواقع, صرلكن من سنة ال2000 عم تحفرو انفاق انا بحط بدمتي انو بتوصل صور بمارون الراس

حلوة هاي يا خي بالهوية

انت معه انه اسرائيل شر مطلق بس بدك دايما انت تكون اللي بتتبلش الحرب عليك بالاول (اما منطق)

يا اخي اسرائيل صارلها اكثر من 60 سنة قاعدة على قلوبنا ودايما هي اللي بتبلش يعني ما بصير ولو مرة وحدة احنا اللي نبلش في امل انه نسترجع اشي النا ما ناخذ شي مو النا ؟؟!!
وبعدين عشان شغلة حمل السلاح انت مبين من لهجتك انك من بيروت يعني انا بحكي تروح عند امك احسن بلاش تسمع صوت رصاص يصير عندك انهيار (عفوا على الاستهزاء بس هذا الواقع)
وخلي الجهاد لاهل الجهاد سواء عنا في غزة او في جنوب العزة في لبنان
وعشان الانفاق بدك تحط"بدمتك" انها ما بتوصل بين مارون الراس وصور ؟
يا اخي احنا عنا بغزة زتحت القسف والاحتلال وعملنا انفاق من غزة لمصر ولولا العملاء لكانو لهسا مفتوحين بوصللنا منهم اسلحة! فما بالك بحزب مسلح لو بدو باشارة وحدة بيقلب لبنان عاللي فيها ما بدو يعمل انفاق توصل لايران وسوريا واذا بدي احط "بدمتي"زيك انا بحط "بدمتي" انها بتوصل لروسيا منيح هيك؟؟!!

يا سيد حسن, ارجوك ارحم عقول البشر, و خلصنا بقا, الشعب بدو يعيش

شو هالعيشة وفي عندكم ارض محتلة واسرى وللا عيشتكوا كلها عالكيف والصرمحة؟؟!! شو هلاعيشة اللي بلا كرامة واللي بنادو للسيادة ولكم مطيارات اسرائيل كل يوم قاعدة "بتكزدر" بسماكوا
حتى قبل الحرب يا اخي شو هالعيشة انت بتضحك على حالك وللا شو؟

اسرائيل باقية طالما في فراكيح عم تحكم البشر متلك و متل بشار و نجاد و هلم جرا و ما بستثني حدا

يا سلام ! والسنيورة وامارتاديلا وعبدالله بن الحسين وحسني مبارك و العميل عباس

يا اخي بلا عبط انت اخذت الامل وسويتهم السبب؟؟

رفعتلنا راسنا, انا معك, س بترجاك ما تربطلنا رقبتنا بمياه نجاد الثقيلة و عقل بشار السميك

مياه نجد الثقيلة لعلمك هي اللي راح ترفع راس الامة العربية والاسلامية بالمستقبل بس خلص احنا هيك دايما ما بنحب التقدم.
وعقل بشار السميك هي اللي مش مخلية حدا يستوطي حيطهم ولا حدا يقرب عليهم الا عن طريق زارعي الفتنة ويا كثرهم بمنتدانا!

اخي انا جاوبت على اسئلة هالشخص بكل ادب ومنطقية ارجو انك يكون ردك على شكل رد على اجوبتي وما يكون مثل غيرك من زارعي الفتنة وتصير تشبر وتشتم ووريني وجهة نظرك