المشرف موادع يرقد في المستشفى ... نتمنى الدعاء له بالشفاء العاجل ؟؟!!:(:(

[العـاقل]

ماتشوف شر ياموادع وطهور ان شاء الله وماقدامك الا العافيه ..

والله الخبر محزن وانا في الحقيقه من مده ما دخلت المنتدى .. لكن لما دخلت وليتني ما دخلت تفاجأت بهذا الخبر المحزن ..

اتمنى منك اخوي توصل تحياتي للغالي موادع وتمنياتي له بالشفاء العاجل وياليت تقولنا عن اخباره اول باول ..

[الخنساوي]

الحمدالله هو الحين في صحة عالية وممتازة ...... وهذا راد في هذا الموضوع والحمدالله عدت على خير
....

[كوكتيل]

الحمد لله ..

ردت فينا الروح .. بردك الرائع .. يا موادع الخير
الف الف لا بأس عليك .. و جعلها في عدوينك .. آمين
و حنا بدونك .. مثل شجرة .. بلا ماء . .
نورت .. و أنت النور .. .. يا نور عيونا
=============================
و إذا يسمحلنا حبيبنا الغالي (( الخنساوي ))

أحب أسلم على أخونا .. الغالي و الغائب (( العاقل ))
و أقول له . . مبطين عنك .. يا روح المنتدى ..
و لله ما أقدر أقول هذي الساعة المباركة ..
لانها وافقت مرض الغالي (( موادع ))
لكن .. أتمنى أنك .. ما تقطع في أخوانك
خلك مثل الهلال ..
و سير .. يا رجل .. لو في الشهر .. مرة

و حيا الله الجميع

[الخنساوي]

الا غريبة محد من الاعضاء سئل وقال وش سبب عملية المشرف موادع وهل هي خطيرة ولا ...لا

[العـاقل]

اخوي الخنساوي .. محاكيك مطيفيق حبتين انا يوم دخلت الموضوع ماقريت الردود ورحت مباشرة الى اضافة رد ولا شفت رد الغالي نور المنتدى موادع ...

عموما الحمدالله على سلامتك ياموادع ( ماخليتنا نقلق عليك ) ماامداك تمرض الا واستصحيت تف ماشاء الله تف ماشاءالله لااله الاالله تف تف ( غرقت بالتفال ) .. والله يخليك ذخر لهالمنتدى ياغالي ..


العزيز كوكتيل .. والله انكم على البال وماغبتوا عنه , لكن وش اسوي الاشغال يعلم الله مغرقتني الين اذاني .. وفي اقرب فرصه وفرغه بتشوفني مرتز عندك فيذا وبادبل تسبدك واغثك الين تقول وشالله بلانا بذا النشبه قلناله سير علينا والرجال امرح فل حجاجه وجازت له الجلسه ..

ومشكور على سؤالك وعسالله لايحرمنا منكم ..


العاقل ,,

[دايـم السيف..]

يامرحبا فيك اخوي العاقل

وشلونك ان شاءالله تمام

نورتنا بالخيمة الرياضية

وين الغيبة يارجل ياهلا فيك والله اكيد باقي تذكرني صح

تذكر موضوع ماجد عبدالله ( الزول )

[موادع]

الف شكر للجميع .. وماتشوفون شر ان شاء الله

تسلم والله يادايم السيف على هالمشاعر النبيله <<<< أخت نبيل شعيل

....................

abokhaleel22 .. تسلم والله .. والله يبارك في عمرك

...................


العاقل

يالله حيّه .. تو ماينوور المنتدى
ياخي لوني داري ان هالفراش بيجيبك ان تسان تبطّحت كل يوم في مستشفى على شان نشوفك (لاتصدّق ) !!
وين الغيبات ؟؟ ماعاد لك حس ولا خبر ؟؟ وش السالفه ؟؟

على العموم تحياتك وصلت .. وياليت ترسلي صوره للشورت حقك <<< مهوب قايل صروالك ... على شان اربصه في مويه
عقب ردّك بديت اوجس مرررن في بطني

....................

كوكتيل
تسلم والله يابعدهم ..
انا اللي والله ردّت فيني الروح يوم رجعت لكم ..
ياجعل عيني ماتبتسيك قل آآمين

.....................