طااااح .. الجمل

[fhdkw]

السلام عليكم ورحمة الله وبركاته ؛؛

هذه قصيده وصلتني بالايميل .. واقل ما يقال عنها انها راااااائعه .. بكل ما تحمله من معاني .. اتمنى لكم قراءه ممتعه


تباشـــروا كل العدا ,, طاح الجمل طاح الجمـــل !!

كل(ن) شهــر سكينتــه , و يســــنها باقــرب حصـاة !!!

احد(ن) مسك , وحد(ن) نحر , وحد(ن) قطع , وحد(ن) اكل !!

وحد(ن) عرش مـخ العظم ,, حتى اصبح الهيكل فتـات

محد(ن) شبع من قســـمته !! تهاوشــــوا بعد و قبل !!

أكالة لحـــوم البشـــــر ,, تباشـروا به مــات !! مــات !!!

ثم غســـلوه بغسلهم ,, بئــس الغسيــل و من غسل !!

بئس الكفــن من خامهــم !! بئس الجريـمــــه و الجنـــاة !!!

دوك الكفن لونــه " حمر " يشــهد على جرم(ن) حصل !!

هاك الايــادي القاتله !!! بالــدم تبقـــــــى مـلطـــخــــات !!!

بالصــف الاول كلهـــم ,,, تملمــــــلوا كل(ن) عجل !!

حتى اســــتقامـــوا واســـتووا أدوا على الميت صلاة !!!

ثم(ن) مشـــوا بجنازتــه !! خلف النعش كل(ن) يهل !!

دمعـــة حزن !! يا كذبهـــم ,, بعيونهم تقـــرا الشــــمات !!!

ثم دفنــــوه بحفرة(ن) ,, في معمع(ن) باسفــــل جبـــل !!

من حقدهــــم , بعــد الدفن , حطــــوا على قبره صفــــاة !!!

ثم اشـــعلوا نيرانهم !! في ليلهـــــم دقـــــوا طبــــــل !!

تســـامروا حول القبر , تراقصـــوا رقص البنــــــــات !!!

حل الصبـــاح و لا تجـــد فيهـــم احد ماهـــو ثمل !!

من كــاس ليــــل البـــــارحه واســـتغرقــوا باعمق سبات !!!

حتى اســــتفاقـــــوا بالمســــا , من سكــرة البارح تقل !!

ما همهــــم هاك الجمــــل !! ما همهــــم هاك الرفــات !!!

هاك الجمل في عرفهم بالذاكــــره مالـــــه محـــــل !!

دام الظــــروف تغيرت ,, لا تذكـــــــرونـــه يا الـــرواة !!!

يا لعنبـــــوهم كلهم !! عبـــــادة الــلات و هــبـــــــل !!!

عبـــــادة الكرســــي الخـــشــــب !! عبادة العــزى و منــاة !!!

يا لعنبــــوهم كلهـــم !! عبــــادة القـــرش و هــلــل !!

وريــــال واحــد عندهـــم , اكبـــر صديـــق بهالحيـــــــــاة !!!

يا لعنبــــوهم كلهم !! واللـــــــــه فلا فيهــم رجل !!

واكبـــر شنب بامثالهــــم تستخســـــره يلبس عبـــــــــاة !!!

امــس القـــريب بمجلســـــي , كأنهــــم حسبـــة اهل !!

آويتهــــم !! كســــيتهــم !! سترتهـــــم كانوا عــــراة !!!

الأقنعـــــه بوجيههـــــم !! والألســـــن تنقــــط عسل !!

والا ســـــواد قلوبـــــهم ,, خلف الضـــلوع المبهمــات !!!

ابن ســـلول يقودهم , و ابو لهــــب , و ابو جهل !!

ومسيلمــــــــه , و اتباعهــم , مثنى و ثلاثه و اربعــــات !!!

خلف المصــــالح كلهم , بامثالهم , وحي(ن) نــزل !!

والا الغــــريق ببحـــــرهم , ما يأمل بطــوق النجـــــاة !!!

واستصــــرخك يا هالزمــن ,, كم مجرم(ن) فيك انتحل !!

شخصيــــة انســــــان(ن) بريء من كل سبع الموبقـــات !!!

هاك الجمل يبقى جمل !! دامـــه على اللـــه يتكل !!

كبـــوة جــــواد و ينتهض ,, يا مرهــــم بدفع الزكـــــاة !!!

تباشــــروا كل العدا !! يا ويلهــــــم حـــان الأجل !!

ثار الجمــــل ما يندفـــن ,, عايش معي رغم الوفـــاة !!!!!



للشاعر عادل الشمري


صح لسانك يا الشمري

[عسى&ى&ى ماشر]

صح لسان الشمري

وسلمت اناملك

بس انا عجبني بيته اللي يقول

واكبـــر شنب بامثالهــــم تستخســـــره يلبس عبـــــــــاة

والله كثير اللي نستخسر فيه الخمار

سلام

[fhdkw]

السلام عليكم ؛؛

الله يسلمك اخوي عسى ماشر .. ومشكور على المشاركه ..

وفعلا المراجل قلت هالأيام .. والظلم والطغيان صار شي طبيعي ..

الله يكون بالعون ..


وتقبل تحياتي وتقديري ؛؛؛