ألو بوش .. أنا رئيس عربي .. ماذا أفعل ؟؟

تمساح بري · #1 10-08-2003, 12:21 PM

سيادة المحروس:ألو .. ألو .. البيت الأبيض !!

ايوة ايوة البيت الأبيض .. عاوز ايه ؟

سيادة المحروس:أنا أنا ..

انت ايه ما تتكلم يا ابني !!

سيادة المحروس:أنا رئيس عربي

ايه بتؤل ايه .. النمرة غلط يا روح أمك

سيادة المحروس:لا أرجوك .. أرجوك .. ما تافلش السماعة

يووووووووووه .. عاوز ايه يا يني .. انت عاشر رئيس عربي يكلمنا النهرضة
يادي اليوم اللي مش فايت .. خلصنا عاوز ايه بسرعة خلصنا

سيادة المحروس:أنا عاوز المستر بوش

ايه بتؤول ايه .. عاوز بوش حتة وحدة

سيادة المحروس:أرجوك أرجوك

اسمع هنديك موعد بعد سنتين

سيادة المحروس:ايـــــه سنتين .. دا وئتها أكون مت و شبعت موت

ههههههه بتئول موت .. دنتو بسبع أرواح الواحد فيكوا بيعفن على كرسيه من كثر ما هو آعد عليه .. ههههههه آل موت آل

سيادة المحروس:انت ما فهمتنيش .. أنا مش هموت موتة طبيعية

ههههههه و أنتو بتموتوا موتة طبيعية أصلاً .. ده لو كان على الموتة الطبيعية كان عمر الواحد فيكو ثلثمية سنة ههههههه

سيادة المحروس:أنا هموت على يد الشعب .. الشعب ها يكلني أكل

ياكلوك!! .. يا كلوك ليه!! .. ليه هو انت رئيس عربي و لا بيج ماك!!

سيادة المحروس:لأه أنا بيج ماك أصدي رئيس عربي بس الشعب ها يقتلني

يقتلك ليه!!

سيادة المحروس:لأني ظلمتهم

طلمتهم لي!!

سيادة المحروس:ايــــــه! .. ايه الأسئلة دي .. هوا أنا دئيت على البيت الأبيض و لا ملك الموت

لأ البيت الأبيض

سيادة المحروس:أيوه كويس .. اذاً اديني بوش لو سمحت

أألو مين

سيادة المحروس:أول له عمو أصدي رئيس عربي

يوووووووووووووه .. يادي النيلة .. آخرتها معاك

سيادة المحروس:أرجووووك

عارف ايه .. ها أكون صريح معاك

سيادة المحروس:ايوه

الرئيس بوش رافض يكلم أي رئيس عربي

سيادة المحروس:ليه بعد الشر

الراجل محبط منك أوي

سيادة المحروس:ليه

مزعلاه حكاية ال19 عيل اللي ضربوا الWTC

سيادة المحروس:دول ارهابيين ملناش شغل فيهم

ايه .. بتؤول ايه .. و احنا معينينكو رؤساء ليه؟؟ مش عشان تريحون من شوية العيال الصغيرة دي

سيادة المحروس:عاوزينا نعمل ايه أكثر من اللي عملناه .. نص شعبنا حاجزينه في السجن .. و اللي بيتكلم على أمريكا نرسله بتذكرة درجة أولى الى غوانتناموا.. نعمل ايه أكثر من كذا؟؟

ايـــــه بلاش كذب .. احنا عندنا عملائنا في بلدانكم و عارفين البير و غطاه .. الأخبار بتجينا أول بول

سيادة المحروس:ايه هي الأخبار اللي بتجيكم؟؟؟

كثير كثير

سيادة المحروس:ايه هي؟؟؟

جانا ان الشعب عندكم بيصلي و بيدرس الدين و يحفظ القرآن

سيادة المحروس:ايــه لأ مش ممكن .. مش ممكن

جانا كمان ان شعبكم بيكره الأمريكان و الاسرائيليين المساكين

.. و انه بيحب الارهابيين الفلسطينيين المجرمين

سيادة المحروس:بس الفلسطينيين مش ارهابيين

ايـــــــــــــه .. ايــــــــــــه !!!!

سيادة المحروس:لأ أصدي اللي بيفجروا أنفسهم ارهابيين بس باقي الفلسطينيين مش ارهابيين

لأه يا روح أمك ده كان أول .. دلوقتي الفلسطينيين كلهم ارهابيين

سيادة المحروس:طب احنا أدمنا مبادرة .. فين مبادرتنا؟؟

ههههههه مبادرة أصدك ورقة التواليت بتاعة كلب السيد الرئيس

سيادة المحروس:ايــــــــــه .. حطيتو المبادرة ورقة توالت لكلب الرئيس

هوا كان رافض في البداية

سيادة المحروس:مين اللي رافض ؟؟؟

كلب الرئيس

سيادة المحروس:رافض ايه ؟؟؟

رافض يستخدم ورق التواليت ده اللي مكتوب عليه مبادرتكو

سيادة المحروس:رافضه ليه ؟؟؟

يخاف انه تكونوا مخبين فيه اراهابيين و لا حاجة

سيادة المحروس:أوووووووووووه .. ارهابيين مرة ثانية

سيادة المحروس:طيب ادوه ورق تواليت تاني

لأه ما نأدرش

سيادة المحروس:ليـــــــــــــــــه؟؟؟؟؟؟؟

دي تعليمات المستر شاروون .. آل لنا حطوا ورق المبادرة ورق تواليت للكلب بتاع الرئيس

سيادة المحروس:طيب .. ممكن تديني الرئيس بوش ؟

اسمع .. ما فيش كلام مع المستر بوش الا بعد تنفيذ الشروط

سيادة المحروس:ايه هي الشروط ؟؟؟

انكو تعترفوا باسرائيل .. و تقضوا على الارهاب (الاسلام) .. و تدخلوا الحرية (الاباحية) الى بلدانكم

سيادة المحروس:بس كده

توت .. توت .. توت

سيادة المحروس:ألووووووووو

توت .. توت .. توت