اضحك مع الشعر(^ّّ_^)

[ماضي الجرح]

اخوكم ماضي ايام الثانويه توقف لااثناءالفسحه في غرفة المرشد الطلابي
معه زميله ابو نوووووواف
المهم دخل الفصل وكان يوم الاربعاء........الرجال وخويه (ماتوا من الجوع)شاور خويه وكان خايف من الهروب خوف ينكشف امره واثناء شلرح احد المعلمين ارسل بورقه صغيره لابونواف وعندما فتحها ابو نواف وجد فيها





يالله مشينايابونواف
ناكل مشكل وتبوله
اليوم ماضننا ننشاف
وان جت على السبت محلوله



فعلا اكلوامشكل وتبوله لكن السبت اكلوا خصم وتوقيف ......

[غــيــث]

أخي ماضي الجرح

أجل أكلتوها مفلفلة ؟؟

تسلم أخوي على المشاركه..

-----------
هل سمعتوا بالشعر والحب الإلكتروني( مب التكروني)

يقول الله يهديه:

[poet font="Simplified Arabic,4,black,normal,normal" bkcolor="silver" bkimage="backgrounds/9.gif" border="none,6,gray" type=0 line=200% align=center use=ex length=0 char="" num="0,black" filter=""]
قلبى صحن دش وعيونك عربسات
والبث حى مباشر من شفاتك
سلكى ولاسكى وعبر المسافات
يسري أثيرك فى فضاى وصفاتك
القلب مخرج والمشاعر مذيعات
والشوق مبعوث مراسل لذاتك
إرسال متواصل على خمس فترات
ينقل وقايع ما يصير بحياتك
صورتك فى فكرى على سبع شاشات
وأفضل برامج سهرتى ذكرياتك
وإرسال حسادك قطعته عن السات
بدلت كيبلهم بكيبل غلاتك
والغيث يا ثريا الغلا الإشتراكات
ما عاد أشاهد غير ما بث ساتك
لو شوشت على البث كل المحطات
يلقط رسيفر خاطرى ذبذباتك
جرب على ريموت الإحساس ضغطات
تلقاه ما يختار إلا قناتك


[/poet]منقول

[همس الأحاسيس]

خخخخخخخخخخخخخخخخخخخخخخخخ
والله يقطع القلب هالشاعر أخوي غيث
بس أظنه مولع بالدشوش وعلشان كذا كتب عنهن

باااااي

[غــيــث]

ضاقت عليك الأرض يااريل شارون**تهدف ديارن خفوقي ولفها


يبن اليهودي تاركن كل هالكون**جاي لدمشق العشق تضرب طرفها


شف اليمن عندك عسى مالك عيون** أو عندك السودان إلعن جدفها



**************

********

****

**

*


رويلي..مدمن سوريا

[متفائلة]

غيث .... رووووووووووعه

[غــيــث]

تيس مندي

للشاعره مرام الشوق زوج مزعج ولها رأي فيه:

لي قصةٍ مع صاحبي فلــم هندي ------ دايــم انا ويّاه فـ هواش ودموع

ودّه يســامرني على تيس مندي ------ وانا رقيقه ودي بازهار وشموع

خلّي غبي والعقــل عنده مصدّي ------ وبفن التخلف حايزٍ شكر ودروع

قلت له تطـور عيش باشا وافندي ------ الى متى وانت بتخلفك منزوع

قـــام وتلفّت قـــــال قومي تغدي ------ هذرتك واجد يوم انا ميتٍ جوع

[غــيــث]

عندما زارالشاعر ضيدان صديقه سعد وتأخر عليه في تقديم القهوه والقدوع قال:

جاك المسّير مالقى منـك ترحيـب *** لاجبتلـه قهـوه ولامـن قدوعـي

ياليتني دورت غيـرك معازيـب *** جيتك جويع ورحت منّك بجوعـي

الظاهر انك ماتعـرف المواجيـب *** لاشك طبعك يختلف عن طبوعـي

حنّا لاجانا الضيف ننفض له الجيب *** ونجيبله من كـل شكـلٍ ونوعـي

عاداتنا والرزق من عالـم الغيـب *** هذا وانا ابخل واحدٍ مـن ربوعـي


جائه سعد بالقدوع والقهوه ورد عليه غاضبا :

اقدع عسى يقدع على راسك الذيب *** في خايعٍ مابه من الناس دوعـي

متعطـلٍ بالبـر قبلـي تناقيـب *** من ليلة الجمعه ليـوم الربوعـي

ومروك ناسٍ غايب عنهم الطيب *** وخلوك وحدك في مكانٍ يروعـي

ثم جاك ذيبٍ ماسنونـه بتركيـب *** ذيبٍ ولد ذيبٍ وشـرس قطوعـي

سوّى بك سواةٍ على غير ترتيـب *** يجزع لها قلب الشجاع البتوعـي

مرحوم ياعودٍ كسا راسه الشيـب *** هنديته تـذرف عليـه الدموعـي


***
ملحوظة: بعض أجزاء الموضوع الآولى تضررت من ناحية التنسيق عند نقلها

الى السيرفر الجديد ..فمعذرة

[الدلــnanaــوعة]

الله يسعدك ياغيث موتني من الضحك,,

نانا

[غــيــث]

وهذه مساجله ايضا بين سعد وضيدان عندما طرأت على سعد فكره

جهنميه وعرضها على ضيدان وقال :


ضيدان ماودك نشكل عصابه
نحتل بعض بنوكها والمحلات



اما يجيلي ولك قدر ومهابـه
والا تبيتنا بيـات الشريفـات



والرجل ودك يشتهر في شبابه
بالطيب والا بالعلوم الرديات


ولكن ضيدان رد على هذا التفكير المتهور بحكمه وبعد نظر قائلا


لاتحسب انّا ياسعد وسـط غابـه
هاللي تراوالك تراهـن عمـارات



وموضوعك اللي جبت كله غرلبه
والظاهر انّه من سابع المستحيلات



واخاف لاتنبـح علينـا الكلابـه
ثم هات نسلم من مخاليبها هـات



ويابوك ماعمري دخلـت النيابـه
ومن العمر ماباقيٍ كثـر مافـات


وان كان تبغى الراي قيبل ايغدابه
من واحدٍ جرب جميع الحيـالات



خل الحطب للي يعرف الحطابـه
نهارنا شمـسٍ وبالليـل لمبـات

[غــيــث]

وهذه قصيده للشاعر عبدالله البراك يخاطب بها صديقه سعود حين شاهد فتاة غنيه
وتذكر حالتهما الماديه وقال


فوق الشبح ياسعود حطت ايديهـا
وانته وانا يا خوك نكشخ ابنيسان



انا اشهد ان الوقت مرهي عليهـا
ماهو بمثلك في هوى الدين غرقان



وانا ادري ان دنياك بلشان فيهـا
لاوفيـت ديّـان تذكـرت ديّـان

مسكين