التحضيرات .. لكأس العالم

كوكتيل · #1 28-05-2002, 08:34 PM

السلام عليكم

الأخوة الكرام ..

تريد تغطية .. لكأس العالم .. قبل أن بيدأ ..

من خلال التعريف بالفرق المشاركة و تاريخها الرياضي و غير ذلك
من الموضوعات الهامة للمتابع الرياضي ..

دعونا .. نسمي بالرحمن و نبدأ ..

بومبا · #2 29-05-2002, 09:38 AM

اول شي بسم الله علي كل حال

ثاني شي هلا والله ابوعبدالله هلا بطق الديره

من زمان عنك والله وين الناس يا حبيبي او مشغول مع عبدالله في اختباراته

كني اشوفك عاد تدرسه الله من الصراخ والهوش عندك

وبنسبه لكاس العالم والله انا ما لي فيه يعني ان كنت فاضي شفتها ولا بسلامتهم

يعني مالي لا في تغطيه ولا تلحف

الهلال وخذ الدوري وسلامتكم

كوكتيل · #3 29-05-2002, 05:10 PM

بومبا ...

يالله حييييييييييييييييييييييييييييييه .. و أحيه

و لله .. ما حلفتني .. كل يوم .. يعني كل يوم
أتذكرك و أنا على مرتفعات (( كوبري الخليج ))

وين الغيبات .. و الفقدات <== جديدة ذي ... صح

شكلك .. زاااااااااااابن في منتدى ثاني .. لاحقن شيء مهوب عندنا

الله يوفقك وين ما كنت .. و عشان من (( الجماعة )) آمين

شف الله يسلمك ..

أن كان أنك .. منتب لم كأس العالم .. فصدقني
أن (( محاتسيك )) ما يدري متى يبي يبدأ كأس العالم

تتقولي .. وش خلاك تكتب ذا الموضوع .. أقول لك :
أنا عكوز بكوز الخيمة

.. لو فيه خيمة أسمها خيمة اللزقات
كان لقيتني راااااااابص فيها ..

لكن هذا ما يمنع أني أتابع .. نتائج مباريات المنتخب .. من باب الوطنية
ولا أن ردت لي .. فأنا ما فضيت أزين أشغال بيتي .. عشان أناظر مباراة

قبل أنسى .. يسلم عليك (( عبودي + حسوني ))
و تراهم .. مره .. ناصين الهلال من غير شر ..

حواس · #4 30-05-2002, 02:15 AM

ياهلا والله بكوكيز افندي .. وبالغايب بومبا

انتم يالاثنين تذكروني بأم ويزر .. أكيد انكم من مقاطعة الوشم وتعرفون وش ( أم ويزر ) و ان كانكم من طقة ياي وما تعرفونها .. اسألو شيبانكم !

والله كلامكم مليان عمز ولمز !!
===> مرتفعات (( كوبري الخليج ))

===> و عشان من (( الجماعة ))

===> يسلم عليك (( عبودي + حسوني ))

===> هلا والله ابوعبدالله هلا بطق الديره

===> لله من الصراخ والهوش عندك

المهم .. ما يحتاج تقولون وتنطقون ( وش دخلك ) أو ( وش حارقٍ رزك ) .. اعتبروها واصله .. الله مير يسلمكم

.

<~~~~~ جحد الموضوع

دايـم السيف.. · #5 30-05-2002, 03:10 AM

هلا باخوي كوكتيل

ابشر ياطويل العمر ولا لك الا طيبة الخاطر والمواضيع السنعة

اهم شي خلصنا من غثا الاختبارات

تقبل تحياتي

كوكتيل · #6 31-05-2002, 01:43 PM

هلا حواس باشا ..

لا تشفير ولا شيء

كوبري الخليج .. معروف الداخل مفقود و الخارج مولود

في الرياض

الجماعة .. هذي ما يبغالها .. فك شفرة .. واضحة من الديره

عبودي و حسوني ==> ذولا المبزره حقيني

الباقي .. للخلف در أنا ما بعد فكيت الشفرة حقته

الله يحييك و يسلمك .. أخوي حواس .. خذ راحتك .. تراك راعي محل
ولا يمكن يجي اليوم اللي أقول لك .. ضف وجهك .. أنت غالي و عزيز
بس لا تكثر الاسئلة <----- خربها في الاخير

كوكتيل · #7 31-05-2002, 01:46 PM

كفو .. ولله يا أخوي الغالي / دايم السيف

عز الله أنك كفيت و وفيت .. و ما جاء منك إلا كل علم طيب

بس القصور .. فينا .. حنا .. الله يخلف .......... بس

الله يوفقك و ينجحك بتقدير 100 % .. لان 99.9 ما عاد تزبّن