خاطره

[ام فاطمه]

صابني... سهم المحبه... والسبب... نظـرة عيونـه
فيهـا.. نـار اللـي تلظـى.. فيهـا ..بـرد وسـلام
صوبتني ....واتركتني.... وإلعبت .فينـي. طعونـه
وقتهـا... حسيـت ..انـي.. مـن ضحايا...هالغـرام
لو أوصف ...وش أوصف ؟...يتعب الوصف... دونه
فيهـا شـي ٍ .... لــو أقوله...مايوفيـهـا كــلام
كل شي ٍ.. فيها يفتـن ..لامشـت ..شمـس ٍفتونـه
شمس ..فوق الارض.. تمشي ..وانتهى عصر الظـلام
لاعكاظ.. ولابسوقـه... يعجـزو ..هـم يوصفونـه
الله اكبر.... من جماله ..(ضعت في وسـط الزحـام)
قلبي.. اللي من عشقها... زادعقلي... مـن جنونـه
آآياقلبـي... آآياعقلـي... ضعتـوا ..أدري يـاحـرام
رحت أنادي... ياحياتـي... ياعيونـي... يالحنونـه
ردي قلبي... ردي عقلـي... ومانبـي غيـر السـلام
قالت اصحى.. هذا واقع.. ماهـو حلـم ٍ يرسمونـه
انتهض.... واغنم زمانك.... والهـوى مابـه انقسـام
خذها مني... وبصراحـه... ماهـي كذبـه يكذبونـه
انت عقلي.... انت روحي.... والعتـب.. خلـه ينـام
وروح لاهلي ..واطلب ايدي.. لجـل كتبـن يكتبونـه
لجل نصف الديـن... يكمـل ...مثـل بـدرك يالتمـام
قلت ..صبرك.. أنا شخص ٍ غـارق بجمـة ديونـه
والفقـر شقـق ثيابـي .....بسلـة السيـف الحسـام
قالت.. اسعى بارض ربك ..من سعى ربـي يعونـه
قـوي عزمـك ...شـد حيلـك... ولاتفكـر بانهـزام
شجعتني.... وحملتني.....حمل.. منهـم يحملونـه.؟
أنـا شلتـه لجـل حبـه ولجـل نـهـوى بانتـضـام
بعد عام..من المحبه ...طيري غـرد فـي غصونـه
بعـد عــام الغـربـه الـلـي علمتـنـي مـاأنـام
بعد عام ..من الجلاده ..عام.. يمشـي علـى هونـه
عـام يومـه والليـالـي كنـهـا عشـريـن عــام
جبت مهره... وثوب زفه ...وكـل شـي ٍ يطلبونـه
رحت لاهله.... وأنـا وجهـي ممتلـي.... بالابتسـام
فجـأة ٍ مـن عنـد بيتـه شفـت شــي ٍ ينقلـونـه
شفت شـي ٍ خـلا ّ جسمـي يشتكـي وهـن العظـام
شفت خلي... فوق نعش المـوت... أهلـه يرفعونـه
بين صدق وكذب عيني ضعـت فـي وسـط الزحـام
صحت باعلى الصوت أنـادي.. ياعـرب. لاتدفنونـه
هذا قلبي .....هذا عمـري .....هـذا حبـي والهيـام
هملونـي ..واتركونـي.. رغـم صوتـي يسمعونـه
مثل مجـدور البـدوا , معـزول عـن باقـي العـوام
ويوم جابوا النـاس رمـل ٍ فـوق جسمـه يردمونـه
ماقويت أصبر وأنـا أنظر,رحـت أزحـزح هالركـام
شلت جسمه في يدينـي ,وكـان ودي لـو أصونـه
مير ناسـه,.. (عيّـو)...ألا.. يندفـن.. مثـل الكـرام
قالوا أنت ..منهو أنت ..لجل. تغـرق فـي شجونـه
قلت.. أنا اللـي ..فـي حياتـه.. لايبـاع.. ولايسـام
قالوا أنت اللي (وصـت بك)عقـب دمعـن يسبقونـه
الله الله ...فــي حبيـبـي... لاتخلـونـه يـضــام
هذا حبي... اللي عطيته... عهـد انـي.. ماأخونـه
وهذا.. هواللي ..أحطـه ..فـوق صـدري كالوسـام
هذا بدر... اللي أحبـه... وانتـو لازم ...تنصفونـه
وأختمت ..هذي الوصيه..( وصلـوا عنـي السـلام)
ومن عقب.. سرد الوصيـه ..والنصايـب يركزونـه
فـوق قبـره ,..والنصايـب يركزونـه.. بااستـقـام
رحت أكبر.. رحـت أهلـل.. والخسايـر يحسبونـه
بعد موتـه ..وش بقالـي؟.. مابقـى إلا .. هالحطـام
وين رمحه؟ وين سهمه؟ ويـن نظـره مـن عيونـه
ياحلو.. رمـح المحبـه ....وياحلـو.. ذيـك السهـام
وابتدى ..هالورد يذبـل.. يابـس ٍ .. مابـه ..ليونـه
وغابت الشمس بشعاعـه.. وابتـدى عصـر الظـلام

[عاشق القمر]

أكثر من رائعه تحياتى للبنان الذى خط هذا الكلام

[أسعد المصري]

لم تكن تلك خاطرة .. بل كانت قصة .. رواية .. ملحمة .. منسوجة بنظرة شعرية رقيقة ..

كلماتٌ جد رائعة وزاد من جمالها تراجيديتها وخاتمتها المأساوية ..


أجمل تحية لك سيدتي أم فاطمة ولقلمك المبدع ..

دمتِ بكل خير ...