^_^ دمــوع الثلــج ^_^
^_^ دموع الثلج ^_^
أبرد من ليالي البرد
أبرد من دموع الثلج...أحاسيسك
مصرك مامسح دمعه على خدودك
وحزني ما غرس زهره على عودك
ياجبار،ياظالم أحاسيسي وأحاسيسك
أبرد من دموع الثلج
أبرد من ليالى البرد...وتحبني
ياجبار...شنهو الحب علمني
برودك هذا قطعني
حنانك ما مطر لمسه على خدي
ما رش الشموس اللي احرقت ودي
يا جبار...ياجبار
ياماسك طريق الشوق بس عني
يامجرح قصايد قلبي كلمني
شنهو الحب
شنهو الحب علمني...
برودك هذا قطعني
أكلمك ساعه وأنت بصمت...مثل البااب
مثل "الطوفة" ياجبار
مثل الأصمخ الأطرم
مثل الشايب الخمار
حتى الباب
حتى الطوفه تتكلم...إذا حبت
حتى النسمة تتكلم...إذا هبت
وأنت باب...بعدك باب
ياجبار
وصمتك نار
حتى لابتسامات الشفايف
تسدل الأستار
أنا إنسانه غير الناس
إحساسي ورق أبيض وسط كراس
انفعالاتي عواصف نار للجلاس
قلبي شوق
حديقة شوق وردية بلا حراس
وعيوني مدينة حب سهرانه
ولساني مطر فوق الورق
يقطر الحانه
أنا إنسانه غير الناس
أنا إنسانه...فوق المعنى
أرسم للهوى معنى
وأحس في الناس
وأخلي للصخر أحساس
صمتك الأسود المشلول كسرني
ضيع من حياتي سنين وضيعني
كل مرة تقابلني
تقول تحبني تعبدني
وعلى سطح القمر في نظرة تأخذني
أنت الإبتسامة والهوى الأول...
أنت النور...وأنت الشمس
وأنت الصمت...وأنت الهمس
أنا كل شيء عندك
أنا شوكك مع وردك
هات...ايدك
أبي ايدك تحوطني
أبي بلمسه تذوبني
أبي بقبله تبعثرني
أبي بنارك تقطعني
ليش البرد...دفيني
بهذي الصوره...ياجبار
ابرد من ليالي البرد في عيني
دفيني...دفيني
( فايق عبد الجليل )
__________________
¨°o.O (اســـ الرمش ـــير) O.o°"
|