الشرطه في خدمة الشعب ! ! !

[الشاب الألماسي]

بسم الله الرحمن الرحيم


السلام عليكم ورحمة الله وبركاته


هذه قصه حدثت مع احد الاخوان وهو مشترك في احدى المنتديات وكتبها هناك وطلب مني ان انشرها



اتمنى ان تنال على اعجابكم

بسم الله الرحمن الرحيم
ودعني جاري الذي يسكن في الشقّة التي تعلو شقتي متوجها الى الاردن وقال

يا محمد خل بالك من الشقة الله يخليك تراها امانة.!! قلت ابشر على خشمي وانشاء الله مايصير الا الخير

عموما امسينا ذيك الليلة ويوم جات الساعة 12 من الليل الا وحرمتي تقومني من النوم وهي خايفة

هي: .. محمد محمد قم قم فيه صوت فوق في الشقة حقة جارنا

انا: .. (قمت فزعان ) ويش ... ش شش !!

رحت على طول الى الباب الرئيسي للشقة وطليت من العين السحرية (واحد خواف) ولا اشوف ذاك الفلبيني اللي شايل اغراض ولا هوب طالع الا نص وجهه وطالع فيها فوق على شقة خوينا . في ذاك الوقت جاتني ام الركّب اللي يقولون قلت الله يستر حراميّه وفلبينين ...يعني الموت الاصرم.

قلت مالها الا اهلها ........ 9 9 9

والله وارفع السماعة واتصل 9 9 9 (وانا اتصل تذكرت البرنامج الامريكي 911...لا وحنا زايدين عليهم بـ رقوم واجد 999)

التلفون : طووووووووووووط ....طووووووووووووووط .... طووووووووووط ....طوووووووط (اربع مرات) طوووووووووط (الخامسة)

العمليّات: هلا (صوت شيبه في الـ 45) وشكلة يفرك خشته من اثار المشويات

انا: السلام عليكم

العمليات: وعليكم السلام ... (بصوت بعيد عن السماعة ويكلم واحد وراه) ...يا سعيد زبط الشاهي الله يخليك ترى عيوني شوي ولا بتطيح

رجع مره ثانية يكلمني

العمليات: هاااه وش عند

انا: (بصوت صغير وفيه خووووف) يااخي في حرامية عندنا بالشقة اللي فوقي وانا شفتهم بعيوني

العمليات: طيب عطنا رقم تلفونك وسكر التلفون

بعد 5 دقايق (كنها خمس ساعات) واذا بالتلفون يرن

العمليات: هلا .....انت اللي كلمتنا قبل شوي ...هااه وش عندك

طبعا قمت وقلت له القصة من جديد

العمليات: وين عنوانك؟

انا: الخبر عماره رقم ....وشارع رقم ...........

العمليات: يااخي ماندلها .... اقول احسن شي انك تطلع لنا

انا: ( عيوني تبي طلع من الخوف) .... وش لون ؟؟!! ماااااقدر صراحة انا معاي اهلي ولا اقدر اخليهم لحالهم (طبعا انا خايف بس ماودي اقوله اني خايف فتعذرت بالحرمة). المهم وانا اكلمة صوت الشقة اللي فوق شكلها ماباقي الا الكراسي ماتسمع الا سحب وحط وشيل قلت الله يستر لايجون شقتي........اصرّ علي الا اني اقابلهم في أي مكان واخذهم الى الشقة واما تدبر روحك . قلت له خلاص. الله يعين

انا: طيب نتقابل عند مسجد الشيخ المنّجد

العمليات: خلاص ........ (صار يكلم واحد وراه) تعرف مسجد الشيخ المنجّد وينه فيه ....قاله زميلة ...ايه فيه دوريه راقدين اقصد واقفين هناك.

وش سويت اقنعت حرمتي انها الطريقة الوحيده في القبض على المجرمين اني اروح اجيب لهم الشرطة ... قمت وسلّحت حرمتي بسكين الخضرة وقلت لها اللي بيدخل عطيه على بطنه ..... فتحت باب شقتي ونزلت من الدرجه تقول كني(بنك بانثر) على اطراف اصابعي ... وشغلت سيارتي ورحت للمسجد الساعه الحين تقارب وحده ونص في الليل والدنيا هادية ولا تسمع ولا صوت قمت وقفت السيارة وطفيت المحرك ...وفتحت الدرايش (النوافذ) ... ولا مااسمع الا صوت كل ماله ويقرب

سووووس...اسووووووو .....اسسسسسوووو (شي يحتك مع بعضه) تدرون وش طلع الصوت ......... هذي صوت الفحمات(القماشات) حقة النجدة .... اول ماطلع علي وجه النجده.... الاصطاب الامامي طايح من مكانه ومتعلق بالواير واللمبة مشتغلة يعني(تلوّح) . النجده بونيفيل مديل 85 بدون طيس .... شكل يوحي لك انها نجده من جد( ياكذبي)

ويقوم ويصفط جنبي ولا نزل ...استغربت انه لوحده العادة يكونون ثنين(نفر) . المهم قمت وحركت وحرك وراي يمشي 10 كم في الساعة (بط كبدي) وكل شوي وانا موقف له علشان يلحقني.......اخيرا صفطنا عند العمارة وقال لي وين الحرامي .. قلت في الشقة اللي فوقي مباشره ...المهم ان النجده طلع فيها شرطيين اثره كان سادح السيت ونايم ... قال لي الشرطي اطلع قدامي

انا: ويش يااخوي انت الشرطي صراحة مانيب طالع

الشرطي: اقول لك اطلع قدامي

طلعت بالعافيه وانا خايف ورحنا للشقة واول ماشفنا الشقة قام الشرطي بسرعة ولزق على الجدار اللي في جنب الباب

الشرطي : طق الجرس

انا: كيييييييييييييييف ؟!!!

الشرطي: اقول لك طق الجرس

قمت وانا ابا اموت من الخوف واطق الجرس ... ولا يطلع لي صوت واحد ضخم ( يكلم بكلام ماسمعته زين).خوينا الشرطي هو سمع الحرامي ولا ماسمع .......قال لي

الشرطي: اقول اجلس هنا وانا بااروح ابلّغ

ولا تسمع الا زلق جواتي العسكري مع الدرج ........طبعا انا وش سويت قلت والله مانيب التالي خلني اهج مثلي مثل غيري ... رحت ونزلت عند اخر درجه في السلم وانا اناظر الباب متى ينفتح ... وينفتح الباب وطلع الحرامي وعينك ماتشوف الا النور. وانا عازم اني احط رجلي (اهرب) لمحت الحرامي

..

..

..

..

..

..

..

..

..

ولا طلع هو جاري صاحب الشقة ... فااستحيت وقلت له ...يااخي حرام عليك وش سويت فينا بهذلتنا والله ان احسب شقتك انسرقت .

المهم جلست اسولف انا وياه لمدة لا تقل عن ربع ساعة

انا: يااخي وش جيبك وانت قد رحت؟

جاري: يابن الحلال نسيت اوراق مهمة جدا ولا تذكرتها الا انا في الطريق ورجعت اجيبها

انا: طيب يااخي انا شفت فلبيني شايل اغراض وطالع فوق ظنيت انهم حراميه فلبينيين

جاري: لا هذا الفلبيني حق المطعم كنا طالبين عشى (مشويات وخلافة)

ضحكت ...وبعد مسكت على راسي قلت يووووووه الشرطي تحت ...قمت وبسرعة ونزلت للشرطي

ولا اشوفه ماسك جهاز الارسال

(صوت جهاز النجده) طرورورط ... طرورورط

الشرطي: يااخي كلمناه

(صوت جهاز النجده) طرورورط ... طرورورط

العمليات: وش قال لكم

(صوت جهاز النجده) طرورورط ... طرورورط

الشرطي: قال لنا .....

قمت وقاطعته قلت له يااخي طلع الرجال هو راعي الشقة .... خلاص مافيه مشكلة

قام الشرطي وكلم الدوريات

(صوت جهاز النجده) طرورورط ... طرورورط

الشرطي: (وهو معصب علي) يكلم العمليات ...خلاص الحرامي طلع راعي الشقة

التفت لي الشرطي وقال لي .................................................. .........اركب النجدة ...

انا: كيييييف ؟!!

الشرطي: اقول لك اركب النجدة

انا: يابن الحلال انت هجيت وخليتني عند الحرامي لوطلع حرامي صحيح كان قطعني وحطني في اكياس وانت عادك ما جبت دورياتك الثانية.

شوي ولا اربع دوريات جايه والله اني خفت ونزلو كلهم وقعد يكلمهم بلغة ماعرفتها تقوول سريالية ... المهم كلهم اجتمعوا علي الا اركب الدورية لاني ازعجت السلطات.

بعد دقيقتين ولا نجده (كشخه) فورد عليها ملازم اول (نجمتين) واول ماشفته رحت له قلت يااخي القصة كيت ...وكيت ...وكيت ...وخوياك يقولن اركب النجدة.

الملازم: ياعسكري .....

..

..

..

..

..

..

..

..

..

..

..

..

..

.. .. اركب النجده

------------------------------------------------- انتهت

تحياتي للجميع





وسلامي للجميع

[الاميره]

ههههههههه

يعطيك العافيه

[الشاب الألماسي]

السلام عليكم ورحمة الله وبركاته

مشكوره اختي الاميره



وسلامي للجميع