ياعلاوي نجد علك مراديم السحاب ...

[*سهيل*اليماني*]

ياعلاوي نجد علك مراديم السحاب
ديرة فيها تربيت يوم اني صغير

ياطبيب النفس وشو علاج الاكتئاب
اعطني وصفة علاجه ترى وضعي خطير

عشت في غربة حقايق وفي وضع اغتراب
والتجارب عرفتني على الشيء الكثير

شفت ناس ترسم الورده على صدر الغراب
والغراب اليا بغيت المس الورده يطير

استفدت من الذيابه ومن نبح الكلاب
واستفدت من الرغا واستفدت من الهدير

ولا كسبت الا معرفة عزيزين الجناب
ولا خسرت الا معرفة عديمين الضمير

اقترب لا مقترب شين بعض الاقتراب
ابتعد لا مبتعد شيء في حقي كبير

ياسؤالي كل ما اطرحك ما ألقالك جواب
مالي الا الصبر وأهل الصبر توعد بخير

وصف خلان الرخا مثل ضحضاح السراب
يفرح العطشان شوفه يحسب انه غدير

الردى لو هو ولد عم لا تحسب له حساب
كم عزيز ذله الوقت بضيافة حقير

الدروس انواع تطبيق والا أنتساب
بس انا اللي طبَّق الدرس قدام المدير


من بريدي ..

[رهينة شوق]

صح لسانك اخوي سهيل

[خالد الدوسري2]

صح لسانك اخوي سهيل .

[على رسلك]

يا شاكي صروف الدهر وصل حرمان
لا تشتكيلـي ثـم تسمـع حنينـي

لو زان لك وقتك ودانت لك ازمـان
وعلّيت من حلـو الحيـاة الثمينـي

لاتفرح وطول الأمل فيـه خسـران
ترجع تدين الوقت عمـرك سنينـي

اكسب من ايامك تجاميل واحسـان
واحذر من احباب الرخى لو تشينـي

هذي تصاريف الزمن كـل الآحيـان
يومٍ معـك وايـام تبقـى حزينـي

ياصاح انا من بدة الخلـق شفقـان
علـى زمـانٍ راح وينـه ويـنـي

أديـن للغالـي بكـل الـذي كـان
واعيش بالحاضـر بقايـا حنينـي

وارسل مسافات النظر طـي كتمـان
وارسـم معالـم للـذي فاهمينـي

ما دامت الدنيا على الشرط لإنسـان
ولا دام بالدنيـا نطـول وأميـنـي

الكاس كاس المـوت للكـل مليـان
والحـق ثابـت والمقـدّر يِبيـنـي

من بريدي

[ابن اليمامة]

ابيات جميلة من عقول جميلة
اتحفتونا اخي سهيل و على رسلك
دمتم وسلمتم للخيمة نور وهاجا