احذروا * سهيل اليماني *

[*سهيل*اليماني*]

المشاركة الأصلية بواسطة اليمامة

ذكي .. نعم

لكن عليك اختيارات شعرية تدل على شاعرية فذة


ذكره قريـب ولا عرفـت التفاصيـل
حتى الشهر يمكـن مايكمـل سبوعـه
بـس الوكـاد اللـي موكـده بالحيـل
عيني على الهدهـد واراقـب وقوعـه

ابرك من حساب العجيـري بودربيـل
العـود ضايـع بيـن كوعـه وبوعـه
قـام يتخبـط والسـوالـف تهـاويـل
عطـوه قـروة خـيـر ولا نقـوعـه
محلا مـن حسـاب البـدو بالتماثيـل
قـدام نجـم سهيـل يلمـع لمـوعـه
يعطونك النشـره علـى كـل تحليـل
وامثال في ضـرب الكـلام ورموعـه
ويحكون عقب سهيـل لاتامـن السيـل
لا عـاد تنـزل فالشعيـب وقشـوعـه
خوفن عليـك اليـا غشتـك الهماليـل
وتروح مـرواح الشريـف وجموعـه
ياجد مـا فـالارض هـذي محاصيـل
الدهـر خـيّـم والليـالـي قطـوعـه
امس العصر دوجت فيهـا ليـا الليـل
اخـذت لـي سجّـه ولاهـي متوعـه
لقيتهـا بحصـه مثـل ساحـة الخيـل
جربوعهـا ماعـاد يشبـع شبـوعـه
من الصـداوي وغـرب رد الاقاويـل
مافيـه عـوداً مرتكـز فـوق قوعـه
واهل الحـلال اللـي عليهـا منازيـل
النـوق ضمّـر والشـيـاه مهلـوعـه
حتى البعير اللي يشيـل الدهـر شيـل
لو يعترض لك عرض تحسب ضلوعه
الدهـر مايفـرح وجيـه الرياجـيـل
ومن لا احتسى للدهر يعلن خضوعـه
وترى السنين الشهب حـل وتراحيـل
تثّر على اوضـاع النفـوس القنوعـه
وترى الصدوف اليا صدفت تخلف الكيل
امّـا بأمـان الرجـل ولا جـزوعـه
وترى الليالـي غيبهـا غيـب ويهيـل
تلمس حكيـم الـراي ويطيـر شوعـه
الله يـبـدّل حـالـة الارض تبـديـل
عقب التويبـع مامضـى مـن تبوعـه
الارض تشحـذ والليـالـي مقابـيـل
مـن واحـداً ماتغتنـي عـن نفوعـه
جعل السحـاب يعّلهـا عـل ويطيـل
من الربـوع اسبـوع حتـى ربوعـه
اليـا ادلهمـت كنهـا داجـي اللـيـل
يدفّهـا ريـح الجـنـوب وتطـوعـه
غـرىً تكاشـف برقهـا بالمخايـيـل
تلمـع لمـيـع سيوفـنـا فالنـزوعـه

بعض العرب ماينعطي وجه بالحيل
وليا عطيته وجه صارلك عله

وبعض العرب ماله سنع لكن حليل
بالظبط كأنك لاتمعنت ظله

وبعض العرب شقرا وشقرا مع الخيل
ماينفعك لولا الرموش المضله

وبعض العرب لايعجبك ثرثرة ليل
وباكر ترى ماقالك شي لله

وبعض العرب يسلخ وينفخ وهو ريل
وفى زعمه انه يفهم الكون كله

وبعض العرب ما غير بندق ودربيل
ومن وين ماهب الهواء جايزله

وبعض العرب يطلع كما طلعة سهيل
ويغيب نجمه قبل دربه تدله

وبعض العرب يذيك بالقال والقيل
تجلس معه ساعه والاخرى تمله

وبعض العرب منضر وكشخه وتعليل
وليا لقى له طيب يستغله

لا شفت زولة من خيار الرجاجيل
وليا عرفته ماتجيه ابمحله

وبعض العرب لا والله الا تهاويل
مهما عقدت الحبل لازم يحله

قد دربوه ولكعوه الرجاجيل
من قبل لايصير الحدث جاهزله

وكانك شجاع صحيح حارب اسرائيل
قبل اليهود القدس لاتستحله

وكلش يهون الا الثلاث الغرابيل
المهزلة والمسكنه والمذله

[اليمامة]

المشاركة الأصلية بواسطة *سهيل*اليماني*

بعض العرب ماينعطي وجه بالحيل
وليا عطيته وجه صارلك عله

وبعض العرب ماله سنع لكن حليل
بالظبط كأنك لاتمعنت ظله

وبعض العرب شقرا وشقرا مع الخيل
ماينفعك لولا الرموش المضله

وبعض العرب لايعجبك ثرثرة ليل
وباكر ترى ماقالك شي لله

وبعض العرب يسلخ وينفخ وهو ريل
وفى زعمه انه يفهم الكون كله

الخ

لا تحتقر كيد الضعيف فربما
تموت الأفاعي من سموم العقارب
فقد هد قِدماً عرش بلقيس هُدهُدٌ
وخرب فأر قبل ذا سد مأرب