|
.gif)
مجلة الخيمة
 حوار الخيمة
دليل المواقع
نخبة المواقع
Muslim Tents
|
|
التسكين المجاني
التسكين المدفوع
سجلات الزوار
بطاقات الخيمة
للإعلان في الخيمة
|
| الأسئلة الشائعة | قائمة الأعضاء | التقويم | البحث | مواضيع اليوم | جعل جميع المنتديات مقروءة |
|
#1
13-04-2003, 01:03 PM
|
|||
|
|||
خالد.. و فهد .. ونـ.... <<<<< خش وشوف
السلام عليكم......
الاخوة والاخوات.. اقرأوا القصة (ولا عليكم أمر) وبالاخير شوفوا المطلوب..  المشهد الاول : نوره : خالد ..... يا خالد..... خالد ......... خالد وينك خالد: هااااه نورة: وينك خالد: هذاني في المبطخ المشهد الثاني... في المطبخ.. نورة : وش تسوي في المطبخ خالد يناظرها وهو يعرم له خياره : زي منتي شايفه قاعد اغسل ثوبي وشماغي . نورة: هههههههههههههههههههههههههههه خالد: اندري عنك يعني بالله الواحد وش يسوي في المطبخ اكيد يدور شي ياكله ميت جوع نورة: طيب شف وش رايك بالفستان اللي علي ( نورة خذت لفه حولين نفسها ) خالد: هههههههههههههههههههههههههههههههه ايه والله وش ذا الفستان وراك ماخذه ستاره الملحق ومفصلتها نورة: حرام عليك والله حلو خالد : وين حلو معه الله يفشلك لا تروحين به للعزيمه تفشلينا نورة: لمعلوماتك سعر هالفستان غالي خالد: لعب عليك صاحب المحل شاف وحده مخفه زيك ..... بصراحه يا نورة ذوقك في اختيار الملابس زفت نورة: انت اصلا ما تفهم في الذوق وما فيه شي يعجبك كل شي تقعد تعيب عليه حتى بلوزتي اللي كنت لابستها الاثنين الماضي تقول كنها وزره عبدالمتوكل فراش المسجد وكل زميلاتي يسالوني من وين شريت هالبلوزه ذي  خالد : يا نورة انا اقولك رايي بصراحه وبعدين ترى فيه بعض الحريم يزينون اللبس نورة: قصدك اني انا اشين اللبس خالد: لا مهوب القصد ...... نورة ...... نورة تعالي.......نورة....... لاتزعلين تعالي........ لاحوووول زعلت يا كثر ما تزعل وش اسوي الحين .... مالي الا اتصل على اخوها فهد المشهد الثالث.. خالد في سيارته ويكلم فهد خالد: الو ... هلا والله فهد كيف حالك فهد: يا هلا والله وسهلا بخير ولله الحمد بشرني عنك خالد: والله ابشرك تمام........اقول فهد ودي اشوفك اليوم ضروري ابيك بموضوع فهد: مشكله ثانيه؟؟؟؟ خالد: يا حبيلك نبيه تفهمها وهي طايره فهد: خلاص عند قهوه المساء الساعه 8 مساء خالد: خلاص تلقاني منطق هناك انتظرك فهد: على خير ان شاء الله خالد: لا تتاخر فهد: ان شاء الله خالد: لا تنسى تكفى فهد: ياخوي ازعجتنا خلاص خالد: طيب خلاص مع السلامه فهد: طوط طوط طوط طوط طوط خالد: اعوذ بالله ضو شابه الله من زين النفس كنه اخته المشهد الرابع ..قهوه المساء خالد: وينك فهد تاخرت فهد: حسبي الله على عدوك الساعه الحين 8وخمس دقايق يعني تاخير بس خمس دقايق خالد: ولو لازم تتعلم الانضباط وتجي على مواعيدك فهد: الحين اللي يشوفك يقول اني متاخر عليك ساعتين ..اخلص بس قل لي وش السالفه خالد: السالفه يا طويل العمر باختصار اختك شرت فستان للعزيمه ولا عجبني وقلت كنه ستاره الملحق وزعلت فهد: بس كذا السالفه خالد: لا وقلت ذوقتس مهوب زين ابد فهد:اسمعني اختي وانا اعرفها انسانه حساسه مره ورومنسيه مره وذوقها في الملابس ما فيه احسن منه بس حظها الردي اللي طاحت بواحد جلف زيك خالد: افااااا.... ايه افزع مع اختك دافع عنها فهد: لا مو مساله انها اختي وانا قاعد ادافع عنها لكن انا اقول شي الصحيح انت رجال جلف والا يوم شفتها لابسه هالفستان وما اعجبك كان جاملتها يعني جبها باسلوب يعني مثلا كان قلت والله حلو وازين ما فيه انك انتي اللي لابسته همن قل لها بعدين .... فيه محل في السوق الفلاني مدري انتي شفتيه والا.. لا عنده فساتين روعه تبي تقول لك لا قل لها وش رايك نروح له بكره وخلاص رح بها للسوق دام فستانها ما اعجبك ..... مهوب تجي وتقول ذوقك شين ويفشل ومدري ايش اللي يسمعك عاد يقول هذا مره فرزاتشي منزين ذوقك عاد انت!!! خالد: والله منتب سهل جبتها فهد: الحين نروح للبيت ورح وكلمها وقل لها كلمتين حلوين خالد: طيب ... ما ودك نطلب شاهي والا قهوه فهد: لا ابد ما له داعي ابتقهوي عندكم في البيت خالد: يالله اجل مشينا... فهد: مشينا ... المشهد الخامس...صاله بيت خالد.. فهد: يالله رح ارقى فوق وصالحها زي ما قلت لك وانا انتظرك هنا فهد: وشفيك متردد ؟؟!!!! خالد: ياخي مدري احس انها مهيب معطيتني وجه.. فهد: ياخوي رح بس ما عليك.. خالد: اسمع عندي فكره وشف وش ابي اسوي ......... نورة..........نورة............عجلي .....عجلي .....انزلي يا نورة.....بسرعه مسلسل الحاج متولي بدى......عجلي انزلي..  فهد: انت متخلف.. خالد: وش فيها انا منول يومي صغير اذا زعلت على اهلي يجون يقولون لي عجل تعال بدت فلونه واجيك طاير مجلعد واطامر كذا كانت طريقتهم اذا بغو يطلعوني من غرفتي.. فهد: طيب نادها من السنترال وخلني اكلمها خالد: صح جبتها ..... الو نوره تعالي انزلي عندنا اخوكِ دوك كلميه.. فهد: مساكِ الله بالخير نورة وين الناس ترى لي ساعه منطق هنا ورجلك ما جاب لي لا شاهي ولا قهوه انزلي خلينا نشوفك.. نورة: هلا والله باخوي فهد دقيقه هذاني نازله لكم.. طلعت نورة من غرفه النوم ونزلت وسلمت على اخوها.. نورة: يا هلا والله زارتنا البركه كيف حالك فهد فهد: والله ابشرك الحمدلله فهد: وش لونك انتي وش لون خالد معك نورة: الحمدلله خالد: نورة فهد يعرف لك محل فساتين روووووووووعه نورة: صدق  خالد: ايه والله توه قايل لي قبل شوي نورة: وش اسمه خالد: ايه صح وش اسمه فهد فهد: احم...... نورة شكلكم ما ودكم تضيفون ضيوفكم وين الشاهي نورة: ايه لحظه هذاني ابجيبه الحين ( نورة راحت للمطبخ) فهد: خالد انت غبي ياخي تو اقول على سيبل المثال تجي وتوهقني وتقول لي وش اسم المحل ولا وتقوله عندها بعد خالد: وشو <=== طايره بوهته فهد: يالله عموما انا ابمشي قبل ما تجي وتسالني واتوهق يالله فمان الله. طبعا انتهى الزعل اللي بين نورة وخالد خالد جاه انتداب من العمل وسافر واليوم موعد وصوله الساعه 9 مساء المشهد السادس في التاكسي.. خالد: السلام عليكم نورة: وعليكم السلام هااه بشر وصلت خالد: ابشرك.. نورة: الحمدلله على السلامه خالد: الله يسلمك..... اقول جهزي العشا تراي ميت جوع نورة: ابشر من عيوني خالد: فمان الله نورة: فمان الكريم المشهد السابع والاخير..داخل صاله المنزل .. خالد: نورة وراك حاطه شموع عسى الكهرب مهوب طافي نورة: لا ابد مهوب طافي بس حبيت اسوي جلسه رومنسيه جو شاعري يعني خالد: بلا جو شاعري بلا جو رومنسي انا منيب رايق للخرابيط ذي ولعي اللمبات تكفين خلينا نشوف طريقنا ونعرف نتعشى.. نورة: ولعت اللمبات وطلعت فوق زعلانه خالد: يا كثر زعل هالحرمه ابتصل الحين على اخوها.. خالد: الو.. هلا والله فهد عاش من سمع صوتك فهد: هلا والله ومسهلا كن صوتك قريب خالد: ايه والله توي واصل الحين هذي دخلتي للبيت فهد: الحمدلله على السلامه خالد: الله يسلمك اقول فهد ابيك بسالفه ضروريه فهد: يا كثر مشاكلكم خالد: ههههههههههههههههههههههههههههههه اقول بس تعال للبيت الحين فهد: طيب ثلث ساعه وانا عندك بعد نص ساعه جا فهد وضرب الجرس خالد: هلا والله تفضل فهد: الله يسلمك .... شف خذ هالورده واطلع فوق لها وعطها زوجتك وحاول انك تراضيها وعطها من هالكلام المعسول يالله رح ما يحتاج تقول لي وش السالفه خالد: طيب راح خالد وطلع فوق وطق الباب.. خالد: نورة افتحي الباب خلينا نتفاهم نورة: فتحت الباب خالد: نورة وراك زعلانه علي هذا استقبالك لي عموما قبل ما نتفاهم في الموضوع خذي هالورده.. نورة: من وين جبتها خالد: ما جبتها.. اخوك عطاني اياهاتحت وقال عطها هالورده قلت يمكنك انتي موصيته عليها... نورة خذت هالوردة ونطلتها في وجه وطلعته برى الغرفه وسكرت الباب نزل خالد وهو مستغرب فهد: وش صار خالد: ابد قلت عطيتها الورده ورمتها في وجهي فهد: افاااا شكلها زعلانه بقوه وش قلت لها بالضبط خالد: ابد قلت انك انت اللي جبتها يمكنتس موصيته عليها وبس فهد: الله لا يبارك فيك ما الومها تزعل اسمع لا تتصل علي ولا تدخلني في مشاكلكم ما قد شفت غباء بالطريقه ذي .... مع السلامه خالد : فهد... تعال فهد.... لاحوووول والله انا مقرود بهالعايله الزعوله ... النهاااااااااااااية.. اتمنى الا تبخلوا علينا بتعليقكم على هالقصة.. والتي فيها من الشيء الكثير الواقعي.. تقبلوا تحياتي وتشكورااااااااااتي ..
__________________
|
|
#2
13-04-2003, 01:44 PM
|
|||
|
|||
|
إقتباس:
مسيكينه بنت النور بااااي
__________________
 لم أزل أرنو إلى عليائها.... قمّة الفخرِ على النهج القويم فـــإذا ما لاح فيـــها قيـمٌ.... فانظرن في سِفرِهِ توقيع ريم
|
|
#3
13-04-2003, 05:44 PM
|
|||
|
|||
|
قصة مرة حلوة وشكلها واقعية كمان
زوجها شكلو مرة طيب وعلى نياتو .. ما يعرف يجامل ولا يعرف يقول كلام حلو .. وهيا تبغى تعيش حياة رومانسية .. تحب تزعل عشان يراضيها  : متاثرة بالأفلام الهندية.. وهو مايحب يزعلها اصلا لانو ما يعرف كيف يراضي  .. بس شكلهم يحبو بعض كتير .. ولو إنو مخه تخيييييين مرررررة .. بس يحبها وصابر عليها !! والله يخليلهم فهد حلال المشاكل !! تحياتي وشكرا على الابتسامة الحلوة
__________________
  
|
|
#4
14-04-2003, 06:26 AM
|
|||
|
|||
|
سامحني دخلت وما قريتها دحين ... حقراها بعديييييييييين على رواقة
ونشوف اش حكايتهم
__________________
ذكراكم تزين القلب ،، فاذكرونا بكل الخير كما نذكركم
|
|
#5
14-04-2003, 08:51 AM
|
|||
|
|||
|
<p align="CENTER">
إقتباس:
السلام عليكم... همس الاحاسيس مشكووووووووووووورة على مرورك الكريم.. اما تعليقك فـ ..>>>>>>>>>>>>>>>>>>> No Comments تقبلي تحياتي وتشكورااااااااااتي كلبوها </p>
__________________
|
|
#6
14-04-2003, 08:55 AM
|
|||
|
|||
|
<p align="center">
إقتباس:
السلام عليكم..... اختي الكريمة *اليشمك*.. اشكر لكِ مرورك الكريم على الموضوع.. فـ.. لا فض فوكِ ولا شلت يمينكِ لكن في هذه العبارة: إقتباس:
اعتقد انك قصدتي مخها <<<< بالالف  تقبلي تحياتي وتقديري </p>
__________________
|
|
#7
14-04-2003, 08:58 AM
|
|||
|
|||
|
إقتباس:
السلام عليكم.... اخي الكريم المتيم المجهول.. اشكر لك اطلالتك الخاطفة على الموضوع وفي انتظارك وانتظار تعليقاتك  تقبل تحياتي وتشكوراااااااااااتي
__________________
|
|
#8
14-04-2003, 02:30 PM
|
|||
|
|||
|
إقتباس:
أخوي العاشق على الرغم من عدم وجود تعليقات لكن الله يعين بنت النور باااااي
__________________
لم أزل أرنو إلى عليائها.... قمّة الفخرِ على النهج القويم فـــإذا ما لاح فيـــها قيـمٌ.... فانظرن في سِفرِهِ توقيع ريم
|
|
#10
17-04-2003, 03:02 AM
|
|||
|
|||
|
السلام عليكم
لا انا قصدي خالد
تحياتي
__________________
|
 |
«
الموضوع السابق
|
الموضوع التالي
»
| عدد الأعضاء الذي يتصفحون هذا الموضوع : 1 (0 عضو و 1 ضيف) | |
| خيارات الموضوع | بحث في هذا الموضوع |
| طريقة العرض | |
النمط الخطي
|
|
