الرياض تعانق الضباب والسحاب .. صور ..

[دايم العلو]

اليوم الجو جميل جداً في الرياض
أحسست أني فاضي ( مافيه شغل )
وأخذت هذه الصور لبرجي المملكة والفيصلية ..
كان الجو ظباب بعد أمطار اليومين الماضيين فلله الحمد وله الشكر ..
أترككم مع الصور .. عساها تنال إعجابكم .. وقد التقطتها بالجوال

[غــيــث]

ماشاء الله تارك شغلك وتطارد الغيوم

واحد مقهور

الصراحة الجو أمس يطلب حرش .... ماردني غير شعبان بنبان

بس مانيب راعي صور ... راعي معاميل ودلال

شكرآ لك يبناخي على هالصور جبت لنا المفيد عافاك الله

[دايم العلو]

عمرك الباقي والدوام ملحوق عليه
و يامحلا الجو هاليومين خاصة مع دلالك ومعاميلك ياغيث
الوعد قدام ولايردك إلا بنبان أو الصمان ..
تسلم والله

[كرامـ CaRaMiLlA ـيلا]

المشاركة الأصلية بواسطة دايم العلو

برجي المفضل على الإطلاق
حتى أني جعلته مشروعي ،يبدو رائعا بين الغيوم
لك الشكر أخي دايم العلو و بارك الله فيك
و المرة الجاية كثر من صور الفيصلية الله يسعدك

تحيتي

[العاشق الحزين]

مشكووووووووووووووووووووووووووور

على المجهود



تقبل مروري

[على رسلك]

المشاركة الأصلية بواسطة غــيــث

ماشاء الله تارك شغلك وتطارد الغيوم

واحد مقهور

الصراحة الجو أمس يطلب حرش .... ماردني غير شعبان بنبان

بس مانيب راعي صور ... راعي معاميل ودلال

شكرآ لك يبناخي على هالصور جبت لنا المفيد عافاك الله

سوال خارج التفطيه وش معنى كلامك اخي غيث ادري لقافه


وشو شعبان بنبان؟؟؟ وحرش ؟؟؟؟؟

[غــيــث]

المشاركة الأصلية بواسطة على رسلك

سوال خارج التفطيه وش معنى كلامك اخي غيث ادري لقافه


وشو شعبان بنبان؟؟؟ وحرش ؟؟؟؟؟

السؤال داخل التغطية

شعبان ( بكسر الشين ) = جمع شعيب ... وهو مجرى السيول ( توضيح الواضح)

بنبان = منطقة بريّة قرب الرياض و(تكثر فيها جمع الشعيب )

حرش = تعني أن الجو من روعته يتحرش بهواة البر ( الخفيفين مثلي )

[على رسلك]

المشاركة الأصلية بواسطة غــيــث

السؤال داخل التغطية

شعبان ( بكسر الشين ) = جمع شعيب ... وهو مجرى السيول ( توضيح الواضح)

بنبان = منطقة بريّة قرب الرياض و(تكثر فيها جمع الشعيب )

حرش = تعني أن الجو من روعته يتحرش بهواة البر ( الخفيفين مثلي )

يوووووه اخوي غيث وربي احسبها شعبان الشهر

طلعت شعيب! هاذي أعرفها ،وبنبان طبعا ما فيه أمل أعرف ايش المقصود بها

حرش أو مرة أسمع أن يحارش نقدر نشتق منها حرش شاعرك اعليمي

توه ما يعرف الشعر ..

فعلا احيان جمال الجو هو اللي يتحكم في المزاج وكأنه يتحرش فيك

شكرا على التوضيح .بس أخوي دايم وش جايبه الرياض ...؟؟


جيت اهل ابها واهل الوادي.......... انشدهم حضر وبوادي

قــــــــالوا عود يا النشادي ........ما جاى الدواسر والمـــــره

[دايم العلو]

الأخت الفاضلة / كراميلا

هذه صورة لبرج الفيصلية أرسلها أحد الأصدقاء تفضلي ..



وعندي سؤال إذا تكرمتي
تقولين إنك جعلتي برج الفيصلية مشروعك ؟؟!!
وشلون يعني ناوية تسوي مثله يعني .. ؟؟!!

[دايم العلو]

المشاركة الأصلية بواسطة العاشق الحزين

مشكووووووووووووووووووووووووووور
على المجهود
تقبل مروري

أهلاً بك وبمرورك أخي العاشق
واسأل الله أن يزيل الحزن عنك
وأن تناطح السحاب وأنت مبسوط ومستانس ..