طلعة للشرقيه مع الشباب وتكبيس على الخط .. وموادع في حالة نفسية

[الخنساوي]

هاي قايز

<===== تخبرون اللغة بعد ما طلعت للبر

..

ياجماعة لا تستغربون لاني دخلت في الموضوع مباشرة ...
لان الموضوع .. هذا فيه هسترة

<==== يا شين اللي يمدح مواضيعه

.. أبقولكم وش سويت ...

نبدأ بالموضوع


في ذات يوم بينما أنا أتمشى في حجرتي

<==== حشى حديقة الملك فهد مهيب حجره

طقت براسي فكرة .. وهي أن حنا نطلع ... للبر بس بعد الساعه خمس العصر
تخبرون الحر .. ولا نرجع الا بعد صلاة الفجر
...

قلت مالي الا دايم السيف وموادع وكوتيل وهوندا وحواس وبومبا ....

وأدق على دايم السيف وأقفل
<=== حاط حد أئتماني في الجوال ولا وده يكلم

المهم يوم دقيت أحتريه يتصل ولا أتصل قلت ما بدهاش
أبخربها وأتصل عليه
<=== اللي يسمعه بيكلم واحد في واشنطن

يوم أتصلت عليه ويعتذر ... ما لازمت خفت أضايقه

<===== ذابحته الاخلالالالالالالالالالالالاق

ودقيت على كوكتيل وقال تم ومثلها لموادع وبومبا وحواس وهوندا
وننطلق بعد صلاة العصر ..
في موتر أمريكي .. ولاحقنى الاكورد ..

وخبط علينا الامريكي ... أرتفعت الحراره ...

<=== في موتر بومبا مهوب في موتري أبد

يوم وقفنا وأشوف راعي الاكورد ( هوندا ) يكبس من بعيد ..
وقلت للشباب بس عرفنا والحين بيوقف ...
وأشوفه شطفنا كنه ما شافنا ..
قلت لبومبا وراه زلبنا .. قال مدري
قلت أبسئل موادع وقلت وراه زلبنا
قل ( الصمت صمتنا صمت ذل صاحبه وصمت عز وفخر )

أنا يوم قالي ذا الحكمه قلت .. الاخ صار حكيم زمانه
........
قلت مالي الا أني أدق على راعي الاكورد ( هوندا ) وأدق عليه وأقوله
وراك تكبس لنا .. ولا وقفت ..
قال وراكم موقفين .. قلت خربان الموتر .. ثم سألته وراك أجل تكبس
رد علي هوندا وقال شرهتك على اللي شافك أصلن أكبس على السيد ( الطريق ) اللي
جاي علشان فيه موتر يرصد سرعه ولازم نعلمهم أن فيه واحد يكشفهم ( الرادار )

<====== رايحين على خط الشرقية

.. وبعدين رجع لنا هوندا وحملنا يوم قالنا الحمدالله على السلامه

رد موادع وقال ( الصمت صمتان صمت ذل صاحبه وصمت عز وفخر )
قال هوندا ما عليك زود
ودلينا نتهامس فيما بيننا أنا وهوندا وحواس
وبومبا ... وما عرفنا وش فيه
وأنا من ركبت الاكورد .. أحس فيه شي مضايقني ...
ودليت أرد يا ليل ما طولك وقلت ( منت رايق في شي ومتضايق )
وبومبا يناظرني بعين حقد.. وشكيت في الموضوع كل ما قلت بيت الشعر طق فيني
العالي بنظراته ..
يوم وصلنا ونزلنا في الجو العليل قبيل المغرب ..
وقلت لازم نحط أمير علينا .. قالو الشباب مالنا الا هوندا
وهوندا وافق على طول....
وقال شب الفحم وشوي الدجاج على بومبا
والرز على الخنساوي
وغسيل الصحون على موادع
وتجميع الاغراض على حواس ....
والمراقبه على كوكتيل
<==== طالع كوكتيل ( بلديه ) مدامه يراقب
وبينا نحن في جلسة سمر وأشوف موادع شارد وناديناه
وقلنا نص الاف خمس ميه وأربع وعشرين ريال
<=== محشش يحسب نص الأف
المهم وألتفت علينا وقال أبعلمكم حكمه وقال ( الصمت صمتان صمت ذل صاحبه
وصمت عز وفخر )
ودلينا نتناقش فيما بيننا عن حالة موادع النفسيه
وقلت أنا الظاهر أنه متهاوش هو وواحد ثم وراه العين الحمراء
وصلفقه وموادع ساكت من الخوف .. وطلع الخوف عنده من سكوت ذل

قال حواس لالالالالالالالا أنا أعارض أخي الخنساوي على هذا الرأي
ولكن أنا عندي رأي أكثر موضوعيه وثبات من رأيك
قلت وشو ..
قال هذا حال المتخرجين هالسنين الاخيره .. اذا طلعوا وما لقوا وظايف
....
قال بومبا .. يا جماعة الخير مالكم الا الصبر ...
وتجمعنا وكلنا العشاء على شوي بومبا وطبخ الرز ... من محاتسيكم

..
وموادع على تغسيل الصحون ... ولكن وهو يغسل يقول حكمته المعتاده ...
ورجعنا وحملنا الاغراض ... ودعسنا على خط الشرقية
... وأستلم هوندا التكبيس على خط الشرقية علشان حقين السرعه
... لكن وأنا راجع فيه شي مضايقني ودليت أقول مقولتي ( منت رايق في شي ومتضايق )
ويوم قلتها طقني بومبا بعين بنظرة حاده
قلت له وش فيك كل ما قلت هالموال صكيتني بنظرة ... قال ياخي
كذا تجرح مشاعري قلت وش فيك قال جالسن على كميرتي ..
قلت أيه هذا اللي مضايقني كمرتك

قلت مسيكين وراء ما علمتني من قبل ... قال ما ودي أجرح شعورك وأحسسك أنك دب
قلت ترفق يا الرشيق ... وقلت له صورت شيء وحنا بالرحله قال أيه
قال صورت موادع وهو يقول الحكمه وهو يغسل الصحون
وقلت لهوندا وليرحم والديك أقرب أستديوا نبي نحمض الفلم
قال طيب .. يوم وصلنا وينقز كوكتيل ... وحواس بالفلم
وتقاطو في الحساب يوم جو ... وقال الفلم كله منحرق
.. قال بومبا ( قسم بالله العلي العظيم ما حرقته ولا ولعت عليه النار )
وفهمه حواس وش معنى محروق الفلم
وكوتيل عرف وش السبب .. قال أنا أذكرك يا بومبا يوم تصور كانت العدسه
مقفوله
قلت أيه هذا هو السبب ...
ورجعنا لم الرياض على صلاة الفجر وصلينا ورقدنا عقبها ...
ثم حرمت أطلع مره ثاني ومنيب دايرن في حجرتي مرتن ثانيه ومنيب مخلي الهواجيس تجيني



لهذه القصه فوائد وهي

* عدم القنوط من رحمة الله في أن يعطي الوظائف وهذا هو رزق الانسان ( موادع )
* الركاده في أستخدام الاشياء وقراءة الكتلوج لمعرفة أستخدام الوسائل ( بومبا )
* مساعدة أخيك المسلم وتنبيه عن الاشياء الخطره كالسرعة ( هوندا )
* مساعد أخوانك الضعوف وشرح لهم الاشياء من أجل أن لا يتفوهون بكلمات ليس لها أصل من الصحه
كما فعل ( كوكتيل و حواس ) وقاموا بشرح بعض من الاشياء وتفسيرها لبومبا
* تغيير الاجواء وتغيير الحياة الدائمه من أجل أن ننعم
بالحياة ونطلع بران ونسوي أقتراحات ( الخنساوي )
* شغل أوقات الفراغ وملئها بالاشياء المفيده - عشان ما تجينى هواجيس ( الخنساوي )

[دبدوب]

يصراحةما تعبت نفسي وقريت خرابيط الرحلة لاني عارف انها حوسة

بس رحمتك ورديت عليك عشان يصير عدد الردود 1
بالتوفيق للجميع واتمنى للموادع شفاء عاجل

[كوكتيل]

ههههههههههههههههههههههههههههههههههههههههههههه
ههههههههههههههههههههههههههههههههههههههههه
ههههههههههههههههههههههههههههههههههههه
ههههههههههههههههههههههههههههههههه
ههههههههههههههههههههههههههههه
ههههههههههههههههههههههههه
ههههههههههههههههههههه
هههههههههههههههههه
ههههههههههههههه
هههههههههههه
ههههههههه
ههههههه
ههههه
ههه
هه

الخنساوي ..
عز الله أنك منتب سهل .. النثري تحكره صح
و بومبا .. الله يصلحه ..
ياخي يتفلسف و مغير شايل ذا الكميرى و طاخ طيخ
على باله يصور و هو ما فتح الكميرى أصلا ..


عاد تصدق ..
فيه شيء كان مضايقني .. ما حبيت أقوله
أخاف تتفركش القعده الحلوه أو تشين الانفس ..

ترى ما لكم حق تخلوني اركب في النص وراء
أنا قايل لكم أني أنكتم إذا جلست بين اثنين ..
المفروض أني مسنتر قدام جنب هوندا ..
عشان اراقب معه الرادارات
<== المراقبة في دمه
بعدين السواق المفروض يكون جنبه واحد يسولف معه
عشان لا يخدر و ينام ..
همن ما ندري إلا حنا مشخصين على صدام تريلاء .. يا كافي

بعدين ..
إى متى نبي نسكت على حالة موادع ...
صراحة حالته تقطع القلب ..
المفروض نشوف له حل سريع ..
هو قد راح للمغرب ؟؟؟
ترى السحر هناك على قرش ..
كانك تبي نوديه لواحد يقرا عليه
و ان كان ما فاد .. ما له إلا التسوي
الله يرحم حالك يا موادع ........

شف أبعلمك بشيء ما تدرون عنه ..
يوم حنا قلنا نبي نرقد .. نأخذ غطه
كلنا نمنا ..
بس حواس الله يسلمه ..
طمر لراعي العسكريم .. و قام يلط بسرعة
يخاف نقوم و نشوفه ..

ابسألك ..
هوندا ..
عقب ما تعشينا ..
يقعد لك خمس دقائق ثم يقوم
و يقعد تدور كم دقيقة و ثم يرجع
و يقعد معنا عشر دقايق ثم يرجع
و يقوم يروح يدور ..
شكل البصل عامل عمايل في بطنه

المهم ..

الكميرى حقت بومبا .. لا زالت تشتغل
يعني ما خربت من قعدتك عليها .. هاه

السيارة .. الحق و جررررررها للرياض
ترى إن قعدت فيذاك حتى الليل ..
عز الله راح تلقاها عظم .. هذا إذا لقيتها ..

و ابرجع بعدين أكمل السالفة ..
بس اشوف فيه واحد راد على الموضوع ..
شكله منضغط من شيء

[كوكتيل]

دبدوب

على هامان يا فرعون

[HONDA999]

الخنساوي طالبك انك ما ترفع ظغطك وترد على المنضغطين على قولت كوكتيل

وبالنسبه للرحله الله يرجك لين تطيش اجل موادع في حاله نفسية هههه مسكين بعد ما خلعوه وهو في هالحاله<==صدام على غفله ..

وبعدين لا تحرجون دايم تراه مشغول بالمراقبه , واذا تبيه يجي معنا جب معك لاب توب علشان يراقب

كوكتيل المره الجايه ما نخليك مراقب ..الله يهديك ما رقبت الشباب مظبوط وهم يطبخون ويجيبون المقاضي..الا من وين جايبين البصل

عن اذنكم ابمسك خط الشرقيه يقولون الرادارات زايده هاليومين

[الخنساوي]

السلالالالالالالالالالام

كيف الاحول يا جماعه عساكم بخير وصحه وعافيه ومازولا
....

دبدوب : أولاً الكلمه الاولى تكتب كذا
( بصراحه ) مهوب ( يصراحه ) وش حارقن رزك علي أبد اذا شفتا موضوعي
سو له طناااااااااااش ... وبعدين وراك عجاااااز شكلك راضعن من سودانية
موضوعي حق النصر ما قريته زين وردك مدري وش يبي
وذا ما قريته اللي يشوفك يقول ذا مغصوبن يرد

كوكتيل : تسلملي هالضحكه ... الا على طاري الكميره
ترى بومبا قاعدن يصورنى ولا درينى ..
أشوف هالفلاش يصقع فينا يوم نتكلم عن حالة موادع النفسيه
يوم تقول ماشاء الله ( روّح الخير ... أقبل السحاب )
أنا كنت فاهمها على أنه غيم .. طلع فلاش ..
الله يهديك بس يا بومبا أنت وفلاش ذا الكميره ذا اللي تسنه كبسة لاندكروزر
وعلى طاري ( الايس كريم )
<=== ياشين اللي يتحضر تكفى

وعلى طاري العسكريم ترانيه أحب العسكريم اللي من باسكن روبنز ولا من
كون زون ذاك ( الفنيلا مع حبات الجوز اللي تقرض قرض واللي معه شين مايع
تقل حقت توكس ذا البني الفاتح شوي ) ياهو أنه مسوي بي الهوايل
أخاف أحلم بذا العسكريم ... عرفته يا كوكتيل وعلى طاري الكميره
.. لاتحرجنى يابن الحلال
... والموتر تراه مهوب حقي حق بومبا .. أظن أنك عرفته
تعجبني على الرد ..... فاهمني

هوندا: أنا خايفن ترفعون ضغط بعض الناس مهوب أنا بس هين كوكتيل لك
عليه متأثر بالانقلابات وناوي ينقلب على رائيس الرحله وقاعدن يراقبك
ولا وش قصده يوم يقول أنك تروح كل شوي ... يبيك تبطي علشان ياخذ الحكم منك

[دبدوب]

الرحلة المحترمة لازم لها تخطيط على الاقل يوم
اماوانت قاعد تدور في ساحة الكندي وتدق علا العالم وتمشي ماصارت بصراحة ما لقاها الا دايم السيف

الا على فكرة وش صار في السيارة الامريكي الي معكم؟