تصويت: هل من الضروري وجود حكام اجانب

دايـم السيف.. · #1 02-05-2002, 04:41 AM

مرحبااااااا شباااااااااب

الكل شاف المهازل التحكيميه التي لم يسلم منها اي فريق

هل الحل هو الحكام الاجانب حتى الحكام الاجانب يمكن توصلهم

الرشاوي الحل هو انهم يجيبون الحكم قبل المباراه بيوم واحد ويصكون

علية في غرفه فيها دريشه وحده بس

الين تبداء المباراه

حواس · #2 02-05-2002, 05:38 AM

حيا الله اخونا دايم ..

وانا اخوك الخوف من هالدريشة

.. والا المسألة مهيب حكام اجانب .. هذا بلقوله عندك .. وانت ابخص في اللي سوّاه قدام النصر .

اخوي دايم .. الشق اكبر من الرقعة

صحيح · #3 02-05-2002, 11:00 AM

انا ودي اسئل ..ليش اي مباراه حاسمه يكون الهلال طرف فيها ..تكون هناك مهزله تحكيميه لصالحه

نبغى نجاوب على ذا السؤل قبل ما نفكر في جلب حكام اجانب

كوكتيل · #4 02-05-2002, 06:47 PM

صبحكم الله بالخير .. يا شباب

و في البداية .. ارحب بأخونا الغالي الصحيح
و أقول .. الله يبارك في الهلال اللي خلانا نشوفك

أنا عندي إقتراح أحسن ..

بدل ما نجيب حكام . . . لا
نأخذ الاعبين للحكام في ديرتهم .. و يلعبون المباراة في ديرة الحكم

يعني إذا كان الحكم فرنسي ..
يروح الاعبين لفرنسا و يلعبون فيذاك ..

هاه .. مهوب أقتراح .. طيب

يااااااااااااااا ويلي ويلاه .. منكم
داري أنكم تبي تحشوني حش ... بس عادي .. خذوا راحتكم

أبو خليل22 · #5 03-05-2002, 02:23 AM

لا مانبغى حكام أجانب لازم السعودة

بعدينت وش فيهم حكامنا بس علشانهم يرتشون ويغشون ويفحطون ...إلخ

نجيب حكام أجانب لا مايصيرحكامنا مافيه أحسن منهم خصوصا أبو زندة