ليتك سكت يا بشار

[لبناني]

شكلك يا ملاك عمتخربطي وما عارفة راسك من اجريكي

ما انت اللي سالتي عن شبابكن وينن ؟

وحكيتي عن سوريا قتلتكن

ما انت اللي عمتفكري انو كم جسر بناهن صدامك الغبي ورجع هدن على راس شبابو ونسوانو وهلق سلم نفسو وصرخ ما تقتلوني دخيلكن بدي فاوض تعو انا بايس صباطكن يا امركان؟

اذا بدك تقارني البناء فاللي بناه البعثي التاني الاسد اكتر من اللي بناه صدامك البعثي المتخاذل الجبان ابو قبو

هون في نفط هونيك ما في نفط


بعدين سؤالك عن اللي قدموا اللبنانية غريب كتير وخللي صاحبك عمو ابو وجاهة يفهمك شو عملوا اللبنانية اذا انت ما تقري جرايد ولا بتسمعي اخبار ولا بهالدنيا


واذا حابة تعرفي شو قدم صدام للعرب رح احكيلك
هو اللي بعت الدعم لشبيهو ميشال عون تيضرب الغربية اللي كل اهلا مسلمين ويضرب المدارس والاطفال كلو منشان يضغط على السوريين بلبنان يا ست

ميشال عون نفسو نفسو صدام حسين تنين عنجهيين
قبل ما يقتحمو السوريين بيوم قال انو القبطان ما بيرتك سفينتو
وتاني يوم راح تخبى بملجىء وطلب اللجوء من الفرنسيين



بالاخير بعذرك اذا انت عاجبك صدامك وزعرنتو ومنظرو وحركاتو الصبيانية وهو حامل البارودة والسيجار
لعنة الله على كل ظالم مستبد ديكتاوري خبيث لعين عنجهي