أسمحوا لي .. يسقط الهلال !!

كوكتيل · #1 19-07-2002, 03:55 PM

المبارات كانت ممله من طرف الهلال ..

ياخي لاعبين الهلال فيهم برود غير طبيعي ..

مع أن حنا في (( طباخ اللون )) يعني عز الحر ..

ما كأنهم يلعبون على مبارات قارية مصيريه

و أكثر شيء قهرني أن يفوز نواف التمياط بأفضل لاعب في المباراة !!

لعن أبو المجاملات .. و لله أسوء لاعب في المباراة اليوم هو نواف

قام يتميلح .. و يطق من ذا الكعوب .. !!

العالم على أعصابها .. و الرجال ينفرنك

لذلك ..

إذا لم يلتفت للهلال .. و يتم التعامل مع لاعبينه بشكل متوازن
و عادل .. و حازم .. مؤكد سوف يسقط الهلال

أنا أبريت ذمتي ... و الباقي على إدارة الهلال
<== مسوي فيها مخلص

HONDA999 · #2 19-07-2002, 05:46 PM

الا المخلص

سامي الجابر وينه؟؟

يقولون يتمشى في اوربا..

كوكتيل · #3 19-07-2002, 08:10 PM

أجل ذبحه الحر .. فيذا

يا رجال ... أشوى أنه ما لعب ..

ولا كان كمل الناقص

الخنساوي · #4 20-07-2002, 06:02 AM

هلا كوكتيل ......
هلا بالعسل هلا بالبردقان هلا بالتفاح هلا بالليمون هلا بالفواكة كلها الا الكمثرى والمنقا
تراني منيب أحب الكمثرى ولا ... المنقا

...الا وين شوربة ماجي (مــوادع ) ماله حس

وش أخبارك يا حبيبي ......
يابن الحلال .. لا تزعل على هيك أشياء لانها بصراحة متعودين على الغش
والتدليس في أي مباراة للهلال .......

<==== يبي يرجع أيام أبو زنده

دايـم السيف.. · #5 21-07-2002, 03:37 AM

ياهلا والله باربع كلهم

اجل لولا هزيمه الهلال كان ما شفناكم في الرياضيه

الهلال قدم مستوى هزيل ومستوى يفشل والله

ويجب إعادة النظر في الرياضه السعوديه

لكن كالعاده سيظهر من يقول الزعيم يبقى زعيم

يعطكم العافيه

تسلم اخوي كوكتيل

كوكتيل · #6 21-07-2002, 09:09 AM

هلا بالخنساوي ..

أما المنقا ,,,, الله لا يلومك .. ما تنبلع
بس الكامثرا .. و لله أنها طيبة .. غربية ما تحبها

و موادع .. شكله (( خات )) فارك عن ذا اللهايب
الله لا يلومه بعد .. عاد ذا جو ينقعد فيه

مراحب يا دايم الخيمة

إقتباس:

ويجب إعادة النظر في الرياضه السعوديه

عز الله أنك جبت الزبده .. صادق و الله
أما اللي يطنطنون للهلال على عماها ..
فهم اللي راح يودونه في داهية

مرسية خالص