مقابلات مع ابو النكبات!!!!!!!

البسمة · #1 20-06-2002, 12:16 AM

ملاحظة هذه السلسة من المقابلات من وحي الخيال و لا اقصد بها شي... فقط مجنونة خيالها واسع))

يا جماعة الخير كنت رايحة اعمل اللقاء مع ابو النكبات و انا ميته من خوفي... لا لا مو منشان خايفه منه و من سلطته لا، يعني شو بيطلع بإيده يرفع علي مسدسه الفاضي؟؟!! و لا يقوم لاطشني كف ... بسيطة بعدها بساعتين بيتصل فيه البيت "الكحلي" : "روح عشيها في مطعم و راضيها مش ناقصين موقفك الصبيانية في ورانا الف شي اكبر من هيك" ... بالضبط متل ما عمل ب "الرجوب"...

بلا طولة سيرة انا كنت خايفة انو كيف بدي اسلم عليه ؟؟!!!!!!! هذا رجال ما في فرق معه بيسلم عليه رجال ... صبي ... ست ... صبية كله واحد يجب ممارسة الهواية في السلام "تق ...تق...تق"
فكرت بالاول اني اقول :" يا ريسنا اعذرني على وضو ... وحياتك متوضية و جاية" بس قلت ما بتزبط لانه في سبيل الهواية بيصير يفتي و هات شو حكى الحنبلي و الشافعي و مالك ... بصير مفتي بعدين ...
قلت معلش يا بنت لا تهكلي هم ربك بدبرها ...

المهم
شرف حضرته .... معاليه... سموه ... رافع راسنا و رايتنا ...
و بس شافني اجا وجهه متهلل من بعيــــــد...
- "الله لا يوفقك يا بعيد كل مصايبنا من وراك انت؟؟"
– "لسة يا بنت ما بدا اللقاء هاتي اسلم عليك بالاول ... شو واجبك علينا.."
مديت إيدي و انا مرتاحة ... سحب إيده و هو مفزوع و قرفان "ولك يا مسخمة شو هو هادا؟؟!!"
- يا ريسنا بعيد عن حضرتك "نقرص و صدفية"
- بقرف "سلامتك"
- بابتسامة :"الله لا يسلم فيك مغز ابرة"
- إيش بتقولي يا مقصوفة ؟؟!!
- انا كنت بدعيلك الله لا يصيبك و لا بغزة ابرة
- آآآآآآآآه ، يلا اساليني زي ما انتي عااااوزة ... انتي و الكل بيعرفني واااااضح الكم متل كف ايديكم...
- آآآآآه طبعا الله يديمك علينا "من غير شر"؟؟!!
- شو وله ؟؟!!
- الله يديمك إلنا و يبعد عنك كــل شر...
- آآآآه ... فكرت اني سمعت شي تاني
- يا ريسنا انا بدي احكي معك بموضوع قديم متجدد بس صرنا نسمعه هـ الفترة كتير "الابعاد" يعني بدل ما نطالب بعودة اللاجئين ... بنقبل بترحيل و نفي فوج جديد؟؟؟ وين صارت هاي باي منطق هذا و اي عقل بيقبله؟؟؟
- وله وله انت شو كاعدة بتخبصي؟؟؟ بس يلا منشان مرضك مش هجاوب على هبلك ...
و لك يا هبلة راحوا على بلاد الغرب يعني احسن الهم من فلسطين و قرف مخيماتها و ريحة شوارعها ...
- ريحة شوارعها دم الشهداء
- آآآآه و انا شو بحكي .. انت فكرك ريحة الدم حلوة ؟؟؟ و لك خلينا في المهم ... هدول ضوا طول عمرهم في المخيمات و انا قلت خليني اريحهم و اورجيهم وجه ربهم بدل المخيم فندق 5 نجوم ... يعني يا مقصوفة انت مفكرة اني ما بحسدهم ... بدل هـ القرف اللي انا عايشه هنا...
– يعني انت حابب سعادتك تبعد عن فلسطين و قرفها -على قولتك- ؟؟؟
- ياريـــــت بس الكرسي اللي نفسي فيه هو اللي كاسر ظهري ... نفسي امسك فيه كمان و كمان باسم رئيس دولة فلسطين قبل ما الله يقصف عمري ...
– آآآآآآآآآمين يـــارب
– يقصف عمري؟؟!! و لك انتي مين مسلطك علي؟؟ مستحيل شارون لانه بيعرف انه مستحيل يلاقي احسن مني ... يعني و الله ما بتذكر قلت له لأ... آآآآه بالمناسبة سؤالك هذا مش للنشر لانه سؤال مرفوض ...
– بس انت قلت لك انك متل الكف بالنسبة لكل واحد فينا... واااااااضح ...
– بس يا هبلة مش في كل شي ...
- آآآآآه فهمت الان ... بتعرف يا عمو اني لما سفرت مناضلين كنيسة المهد بكيت بكيت بحرقة ... يعني حرام هدول يكونوا متلي ... عمري ما شفت فلسطين و لا اكلت شي من ثمرها ... حرام هدول يصير فيهم هيك بعد ما عاشوا فيها و ربيوا فيها و الله حرااااام ... بهاي المناسبة انا بهديك محاولة قصة انا كتبتها عن ابعاد هدول الشباب ... كتبتها و الله دعيت عليك فيها بس بشكل مو مباشر ...
- شو وله ؟؟؟!!!! دعيت علي ....
- لا لا دعيت لك ... لانك بتستاهل ...
- و غير هيك لا تجيبي لي سيرة الادب لا كتابة و لا شعر و لا رسم و خاصة الرسم ...
- ليش خايف اسالك كيف قتلت ناجي العلي ...
- شو وله مالك انهبلت براسك ,,, مالك عيدي ما فهمت ... ماله ناجي العلي ؟؟؟!!!

(اساله كيف قتل ناجي العلي و لا أضل ساكته ؟؟!!

سلاف · #2 22-06-2002, 01:50 PM

ماذا أرى ؟
كاتبة ساخرة من الطراز الأول.
كثْرٌ رسامو الكاريكاتير في عالمنا العربي، ولكن رسم السخرية بالكلمات بهذا المستوى الراقي أمر نادر، وعلى قلة مطالعتي لا أذكر أن فراغ ابراهيم عبد القادر المازني قد ملأه سواه. فلعلك تملئينه.
وأنا أتوسم فيك ذكاء وقدرة أدبية متميزين، وأتوقع أن تتبوئي مكانا رائدا في هذا النوع من الكتابة. رقي في الأسلوب ورقى في المضمون.
اقترن الأدبي بالفكري والسياسي في لوحة من أجمل ما قرأت .
أفهم دور العامية هنا في إبراز نواح معينة. وأقترح عليك أن تتناولي مستقبلا وبعد هذه السلسلة موضوعا عربيا عاما بلغة فصحى فذلك أضمن للانتشار والفائدة على مستوى عربي.

هذا من ناحية أدبية، أما من الناحية السياسية فأسرة النكبات من المحيط للخليج هي من أنجبت هذا الفذ .
أدعو الله لك بالتوفيق وإلى المزيد من الإبداع.

سلاف · #3 22-06-2002, 01:52 PM

النقيب · #4 28-10-2003, 02:11 AM

البسمة

ماذا حصل في النهاية! سألتِ أم لا!؟

تحياتي لك

البسمة · #5 28-10-2003, 08:50 AM

أخي الغالي سلاف...
آآآه من الايام..!! ابو النكبات وما أداركم ما أبو النكبات!!
كلماتك تشكل لي دعما كبيراً لا يمكن وصفه اشكرك من كل قلبي

النقيب
والله لا اعرف، ربما جَبُنت فنحن العرب لا نأكل الجُبن كثيراً لأننا نحياه..
ربما خفت من أكمل وربما تأتي الشجاعة (التهور) مرة أخرى لا ادري
اشكرك لإحياء الموضوع الذي عمره سنة ونصف الان

تحياتي

النقيب · #6 28-10-2003, 10:36 AM

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]

(أبو النكباتِ) تاريخٌ = تراثٌ عندَ عربانِ
لنا في كل عاصمةٍ = لهُ مِثْلٌ ومثلانِ
(أبو النكباتِ) إنسِيّ = ولكن ألفُ شيطانِ
***

أتتنا بسمة تحكي = فذا ردٌّ وذا ثاني
وما أشقاكِ يا اختا= هُ في الحكامِ أشقاني
[/poet]