إسمحي لي يالغرام ...!!!

[الوافـــــي]

إسمحي لي يالغرام

اسمحي لي يالغرام العذب يالوجه السموح ... إن لزمت الصمت أو حتى لبست الاقنـعه
اعترف لك ما بقى من عالي الهمه سفوح ... انحدر كلّي مثل طفل تحدر مدمعه
من يبي بالله يفتح لي غلق صدره وابوح ... ضاقت الدنيا بشاعر طيب قلبه ضيّعه
ما قبلنا الحظ قولي وين ابارحل وين اروح ... الصبر ياهو يعذب والاماني موجـعه
آه يا جود الحزن وياي ، والفرحه شحوح ... ضايع (ن) بهمومي الغبرا بوسط المعمعه
اشتكي لوسادتي دنياي واسمعها تنوح ... كنها بعضي وبعضي وين هو من هو معه ؟
إيه انا والعالم المغرور والياس اللحوح ... خايض (ن) حرب الرياح اللي تسوق الاشرعه
مختلط في عبرتي حبر الشقى ودم الجروح ... ومستوي في نظرتي غرب الوجود ومطلعه
عودي المبري بقى به من عطايا الوقت روح ... وفصل خامس حاير بين الفصول الاربعه
وراس مالي ذكريات حلم وأمال وطموح ... لا صديق ولا رفيق ولا طريق واتبـعه
نوب اسافر في سديد الراي ونوبٍ في جنوح ... مختفي صوت الحقيقه كيف وشلون اسمعه
سامحيني دام هجري واضح كل الوضوح ... واسمحي لي بالرحيل بلا تذاكر وامتعه

( أسير الشوق )
نواف بن فيصل