محاورة بين الاستاذ والطالب المشاغب

[aboutaha]

بمناسبه العام الدراسي الجديد جرت هذه المحاورة
واعذرونا في الوزن


الطالب المشاغب:

سلامي علاكم عد بروق الخيال = ببداية المدرسه في العام الجديد
قم قامت عصبكم ياستاذ المدرسة = واللي عقد روس الحبال يحلها

الاستاذ :
البقابك عد ما هل الهلال = ماندّرس الا اللي وده يستفيد
والمهمل وين اللي يجلس في مجلسه = واللي عقد روس الحبال يحلها

الطالب المشاغب :
علمنامن علمك يا كريم السبال = عسى علمك ياستاذ للطالب مفيد
الله يعين الطالب اللي تدرسه = واللي عقد روس الحبال يحلها

الاستاذ:
الطالب المهمل بين يابن الحلال = بعد شفتك عرفت انك طالب بليد
اشوفك تهمل واجبك وشغلك مرطسه = واللي عقد روس الحبال يحلها

الطالب المشاغب:
اباازعج فالحصة ليا جالي مجال = واصبح فالمدرسه أكبر طالب عنيد
انا والعيال اللي فيهم بسبسه = واللي عقد روس الحبال يحلها
الاستاذ:
قام يهددنا ورع من ضمن العيال = لكن ابا اضربه مثل ضرب العبيد
ان كان ما سرت به عصا المكنسه = واللي عقد روس الحبال يحلها

الطالب المشاغب:
والله لاحطها فوقك كبر الجبال = ياللي مسو نفسه علينا شديد
وتعيش دنياك وانته في وسوسه = واللي عقد روس الحبال يحلها

الاستاذ:
يالضايع اللي ضيعت دروب الرجال = لابدرسك مضبوط ولا الراي ايضا سديد
دشاره مع تفحيط وتتن وهلوسه = واللي عقد روس الحبال يحلها

الطالب المشاغب:
حنا النشاما لا جا وقت النزال = ماتسمع الا الضرب مع صقع الحديد
موترك انكسره لوانك تحرسه = واللي عقد روس الحبال يحلها

الاستاذ:
يا طيبكم ياعيال في سهر الليال = اعقولكم يوميا تنقص ما تزيد
واعلامكم طول الايام منكسه = واللي عقد روس الحبال يحلها


م ل ط و ش