@ موضة المنتديات الجديدة .. وارتفعت الأسهم @

[النابغة الطائي]

السلام عليكم ورحمة الله وبركاته ..

الله عليك يازمان ..

منتدى سوالف والساحة والعرب وكيوكات والمجالس ..

ثم تطور الزمن ..

فكثرت المنتديات وصرنا يالله نلحق عليها ..

ثم تطور الزمن .. فما هو هذا الزمن ..

طلعت موضة جديدة .. ما تدخل المنتدى إلا بتسجيل .. يعني ما تشارك .. ولا تشوف المواضيع ..

إلا بالتسجيل ..

ثم خرب الزمن ..

وخربت الأدلة .. وخربت المنتديات .. وخرب سوق الشات .. وخرب سوق أحسن المواقع ..

وطلع سوق جديد .. طلع سوق الفضائح .. الله يخس سوق الفضائح ..

تبي تربح .. حط آخر الفضائح .. فضيحة جديدة ..

تبي الناس تجي .. تبي الموقع مزحوم .. تبي تكون متقدم بإليكسا ..

مالك إلا سوق الفضائح .. ..

لابارك الله باللوبيات .. فهم من ابتدعوا هذه البدعة ..

لا ومن قوة الوجه .. صار عند هذه المنتديات إعلانات وبفلوس ..

أصلاً كل هذا عشان الربح التجاري ..

ففي السابق كان الكُتّاب يستقطبون .. ويراسلون عشان الكتابة بالمنتدى ..

واليوم أصبح خبير الصور مشرف ومشجع الفضائح يستقطب ..

فخربت منتديات الكتابة وأصبحت خاوية على عروشها ..

الكُتّاب تردت عزائمهم .. يقول أكتب ولا أحد يرد على موضوعي .. والقرّاء قلة ..

وارتفعت أسهم الفضائح ..

فتجد هذا المنتدى المفضوح ..

مجمّعين الناس عشان صور وفيديو بمسمى فضيحة .. غيروها بغير اسمها ..

وتعال ياصاحب أي موقع .. وحط بنر بفلوس .. أصلاً عندنا تجمع لم يسبق له مثيل ..

لا يهمك أيها المشترك ..

عندنا تعارف .. وإسلاميي .. وثقافي .. وكمبيوتر .. ومسابقات .. وأسري .. ورياضي .. وكل شيء ..

وأهمها أعطنا مشاركتك .. أي حط صورة حليوه .. يالله شغل جوالك .. وصوّر وحط .. ونحن نستقبل ..

.. هذا إذا فكر المشترك أن يشترك بغير الفضائح ..

الله .. هذه فروع لأبليس .. جديدة .. خدمات بالمجان ..

يالله ومثل ما أنتم شايفين الجوالات تصوّر .. والكميرات الصغيرة .. السوني تصوّر ..

والأخوات ماعندهن مانع .. المهم اشتهر .. يالله صوّر ..

بس وجهي لا يطلع .. وبعد ما أوصيك وضح الصورة ..

الله لايبلانا ..

ياناس .. ياعرب .. يامسلمون .. يا أهل الغيرة ..

ياشباب .. أعقلوا ..

من تصورون .. أخواتكم .. تفضحون أخواتكم ..

يا أخي العزيز ..

أعلم بكل رؤية .. تراها عين إنسان أنت آثم بها .. فما بالك وقرّآء موضوعك الذي تفتخر به ..

وصل 15000 قراءة .. وهذا موضوع واحد .. إذاً كم موضوع نزلت ..

وكم نقلها واحد في منتديات آخرى ..

إذن كم سيئة جمعت .. يا اللــــــــــــه ..

ماتدري كم أنت مسكين ..

أبليس حريص عليك ..

يا أخي كفّر عن ذنوبك .. وتب .. فأنت تستطيع ذلك ..

حاول فقط ..

----
أعتقد أنني حاولت أن أوضح فكرة .. ولم أغفل عن البحث عن العلاج ..

لكن أريد العمل جماعي .. بالإمكان التفكير عن أفكار للقضاء على هذه المصيبة ..

بالإمكان مراسلة المشرفين وتذكيرهم بالله .. بالإمكان أمور كثيرة ..

ولنحتسب الأجر .. ونتوكل على الله ..

فما طار طير وأرتفع إلا كما حلق وقع ..

لنسقط أسهم هذه الفضائح ..

----

معلومة صغيرة .. غالبية المشرفين ..

صغار سن .. ومنا وفينا ..

تحياتي ..