((( لــــعبـــة الايـــام )))

سطام بن أحمد · #1 14-10-2003, 02:54 AM

[poet font="Simplified Arabic,4,darkblue,bold,italic" bkcolor="transparent" bkimage="backgrounds/18.gif" border="none,4,gray" type=2 line=200% align=center use=ex length=0 char="" num="0,black" filter=""]
أنـا و القـلب في حيـره خسرنا لعبـة الأيّـام =و أنا في حيرتي مدري سيوف الوقت مسلـوله؟

تجرّحني و أنا صابـر عسـاها تنـفرج قـدّام =الاقي جرحي النازف فيـاضان ٍ و هملـوله

و قلبي مسكنه غربه و ساكـن عالم الأحـلام=وهوّ بْحيـرته يسـأل معاليـقي لمن هو لـه ؟

حياتي كلّها وحـده وحيـد ٍ بالهـوى سـطّام=همومي سيّرت عمري و عمر الهمّ يـا طـوله

شربت الصبر من حظّي جريـح ٍ و الألـم دوّام=أدوّر من يـداوينـي و كـلّ النـاس مشغـوله

تمنّيت التـقي فيـها عيون ٍ صيـدها بسهـام=و طلّة و جهها تنسـي هموم القلب و حمـوله

تسلّيـني و تسعدنـي معـاها زهرة الأعـوام =ولكن وصفي الواهـم مجرّد وصـف مجـهوله

تعبت أبكي تعبت أشكي تعبت أقصد من الأوهام =حروفي و القلم جفّواو أيادي البـوح مغلـوله

أناجي ربّي الـواحد و بعده لأمّة الأسـلام=عساها فرحتي تكمل و أيـادي الحـزن مشلوله

أبصبر و الوعـد بـاكر و أقفّل شكوتي بختـام =أصلّي لْخالقي و أدعـي عسـاها دوم مقيـوله

سطام بن أحمد15 / 7 / 1424 هـ

[/poet]

همسة العنا · #2 14-10-2003, 08:30 AM

مقيولـه ..... صح لسانك أخوي سطام

وتسلم أناملك وعاش راسك

ولا هنت ولا انهان مقدارك ...

وموب غريب على شاعر مثلك الإبداع والروعه

الدائمه في شطور قصايدك التي تحمل الإحاسيس والمشاعر

بكلمة رنانه ... وبفن ومهاره ...

والتعابير التي ترسمها بإتقان وجذاره

والله ما يحرمنا من جمال إبداعك

واتمنى أن تستمر بإسعادنا ولي يسلمك

ولك كل إحترامي وتقديري

وأجمل وأطيب

تحياتي

الـــــــــريم · #3 14-10-2003, 05:44 PM

[font=Simplified Arabic]

صح لسانك والله يعطيك العافيه على هالقصيدة الحلوه
بس يااخوي بلا هالنظره التشائم اللى راح تتعبك وتسود الدنيا بوجهك
تبسم للحياة واتحفنا بقصايد كلها فرح ونشوة وحب في المرات الجاية ان شاء الله وانت قدها ولها

وتراني بإنظارها ان شاءالله

[/FONT]

سطام بن أحمد · #4 03-11-2003, 03:37 AM

هلابك و الله و غلا همسة العنا

ما أقدر أقول شيء بعد اللي قلتيه

سوى انك أخجلتي تواضعي

و جعلتيني أفتخر بنفسي أكثر و اكثر

تحياتي لك

سطام بن أحمد

سطام بن أحمد · #5 03-11-2003, 03:38 AM

الريم

هلابك و الله و غلا

صح الله بدنك و أن شاء الله يكون القادم فيه نظرة أمل أكبر

ولك منّي أرق تحيّه

ويا هلا

همس الأحاسيس · #6 06-11-2003, 08:03 AM

أخوي سطام خلني آخذ من قصيدتك بيت واحد
لأني لقيته وحده يكفي لوصل المعنى وبالذات بها الشهر الكريم
[poet font="Simplified Arabic,5,blue,normal,normal" bkcolor="white" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
أناجي ربّي الواحـد و بعـده لأمّـة الأسـلام= عساها فرحتي تكمل و أيادي الحزن مشلولـه

[/poet]
ويكفيني من القصيده هالبيت

تسلم أخوي وماهو غريب إبداعك المستمر

بااااي