هلا فيكم كلكم .. من اولكم..لتاليكم ..

[المنشق]

هلا بالجميع ... والحمدلله على سلامة رجعة الكهرب للخيام ...

بيني وبينكم انا السبب بخراب الخيام ....وقلت لازم اصارحكم بالشي هذا علشان ضميري مايأنبني ...


صراحة .. راعي الخيمه عطاني مية ريال وقال رح يالمنشق .. عب الماطور حق الخيام ديزل وتعال ولا تنسى تجيب فاتوره ..لإنك بصراحه ماينوثق فيك ابدددد... قلت سم طال عمرك ..

انا قهرتني كلمته انت ماينوثق فيك .. وقلت فرصه اروح للرياض
واجلس فيها كم يوم .. وصراحه انا انسان مااحب اشوف بجيبي ريال واحد .. وعلشان كذا قمت وصرفت المية كلها .. وبعد مارجعت للمخيم قابلني راعي الخيام .. وقال وين الديزل؟؟؟ قلت صراحه ثقيل وماقدرت اشيله من المحطه ,, قال طيب يالله انا بروح معاك للمحطة نجيبه .. (( والله البلشه)) ... قلت طال عمرك لاتتعب نفسك .. اللي مثلك حرام يتوسخ من الديزل (وجه منافق)..
المشكله انه مصمم انه يروح معاي .. مالقيت قدامي الا اني اخذه معاي ... ورحنا للمحطه...وفجأه طلع بوجهي جمال حمدان .. ودايم
يوم شافهم راعي قال ,, يالمنشق .. جمال ودايم وش جايبهم هنا ؟

قلت طال عمرك هذولا يشتغلون هنا بالمحطه .. واحد يغير زيوت والثاني يغسل سيارات ... واضطروا علشان يوفرون مصاريفهم ..قال الراعي .. طيب يا سيد المنشق لو سمحت .. عط كل واحد فيهم خمسه ريال ( كريم الراعي) .. قمت وعطيت جمال خمسة .. وقام يحببها .. ماهو مصدق ... ويوم عطيت دايم خمسه .. قام يطالعني بعين حاره .. مادري وش يقصد ؟؟

المهم ... انا توهقت الحين ... الراعي جالس بالمقهى يشيش .. وينتظرني احمّل برميل الديزل ..وانا مامعي فلوس اجيب ديزل ... وهو ينتظرني ... عطوني رايكم .. هل العب على القراوه (الهنود)
جمال ودايم .. والطش منهم فلوسهم ... ولا ادور اكبر مسجد بالرياض؟؟ واجلس اطر عنده؟؟ولا اروح للراعي واعترف له .. وامري لله ؟؟؟

وهلا فيكم بخيمتكم اللي انشاءالله تكون جديده من اليوم .. بغض النظر عن اي شي فات ..واي موضوع فات .. مع احتفاظنا بصداقاتنا ... وكل اللي اتمناه من ربي سبحانه .. ان الخيمه المفتوحه بالذات .. تكون خيمة الاخوان والاخوات اللي يحبون بعضهم .. ويقدرون بعضهم. ويرخون وقت الشد . وموسعين صدورهم .

..واتمنى من كل شخص يحس ان تفكيره فوق مستوى تفكير البشر .. يشوفله مكان ثاني غير هذا ...