قصيدة اعجبتني ( فسرقتها )

[الدومري]

كتب الفجر البعيد

يقول : ..

تحياتي الصباحيه ,, ( بعد ما تشرق شمس العيون )
____________________________________________

صباح الخير على عيونك .. صباح النور بجفونك ..
صباح الشمس اللي اشرقت من ضيا بسماتك ونونك ..
.,.,.,.,.,.,.,.,.,.,.,.,.,.,.,.,.,.,.,.,.,.,.,.,., .,.,.,.,
شكاوي الليل ,, ( ليش ما نمت )
____________________________________________

وش بيدي أسويه ,,
اذا اشتقتلك حد الجنون .. وقعدت ارسمك في جفوني عيون ..
وانتي تعرفيني خيالي حنون .. ما يخون .. يرقي ويصون ..
ياصل حدوده .. وتمنعه الجفون .. وتطغى هقاوي خياله بالظنون
وش بيدي أسويه ,,
.,.,.,.,.,.,.,.,.,.,.,.,.,.,.,.,.,.,.,.,.,.,.,.,., .,.,.,.,

وصية ,, ( أعترافات محب )
____________________________________________

اذا مت .. ادفنوني بقلبها .. وخلو لحادي .. عينها ..
وكفنوني .. بجفنها .. وعطروني بشعرها ..
وتكفون .. ابي اخر من يلامس شفتي .. يدها .. واخر من يغطي
اهدابي .. ثغرها ..
.,.,.,.,.,.,,.,.,.,.,.,.,,.,.,.,.,.,.,.,.,.,.,.,., .,,.,.,.

سوالف الذكرى ,, ( صحوة ضمير )
____________________________________________

تعالي .. واساليني كيف كنت وكيف صرت كيف كانت ايامي بدونك ..
وكيف غيرها حضورك

كيف كنت اعد النجوم .. ولا تعبت افترش جاله وانوم..
واذا صحيت .. ارسم اسمك بين الغيوم .. وارقى على اوراقي ..
اصعدبه واحوم ..

وجوم .. يا وردتي دونك .. حياتي وجوم .. اساليني بعد .. ليش
يوم شفتك سكت ..
ليش .. يوم جيتي حياتي .. لازمني الصمت .. ليش .. يوم بغيت
اصافح عيونك ما قدرت ..

هذا الوجوم اللي بغيابك .. اعتراني جاء يوادع بسمتي .. بس
بشكل ثاني
تدرين كيف .. وجوم الشوق .. اللي اعتراني واسكت لساني..
انا بكتبه لك .. قبل لاتجين .. لاني ادري .. اذا جيتي .. بيرد لي ..
يعتري جالي .. وبعاني

قلت اوصفه قبل .. يموت من شوقه لساني..
ولا تسكتين .. اساليني .. ودي اجاوبك ثاني
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,

و اعجبني رد الجاهل عليه:

من انت
انت انسان فوق الوصف

من انت
انت انسان حساس

و انا اقول
اعطني اية كتابات لاقول لك من صاحبها

انت فجر بعيد
تكاد شمسه تحرق اهداب عشقه
نوره طغى على انوار النور

بين يدي السراب
فحبل النهار قصير
تحس الفوارق
بين رفوف المعاني
تضيء اعينها الساهرات
و تهجر اعشاشها الدافئات
و تدمى على عجلات الزمان


-----------------
و انا اقول ان هذا الفجر البعيد
مليء بالاحاسيس و المشاعر الرقيقة
يكتب بقلم من احساس
و يتدفق شعره جمالا و نورا
--------------------
فما رأيكم انتم باختياري

بالمناسبة الفجر البعيد من اعز و احسن اصدقائي الذين تعرفت عليهم من خلال شبكة العنكبوت هذه و انا اعتز بصداقته كثيرا فلطالما حركت احاسيسه و مشاعره مشاعري و هزتني كلماته --و الباقي عليكم

الدومري