حنا بدووووووو

[هنووووود]

السلاام على الجميع مجددا
هنوودة تعتذر عن انقطاعها للجمييع
فيلسووف بشرى سارة ثقال الدم حق ارامكو بحححححح
وش رايكم بهذي:
قالت: بدو؟؟ صدت وقالت بقرف بنت الاْكابر والترف .. متكبره متعالية .. يعني بدوي يقعد طرف والمعني دون المستوى ؟ ماحنا وياها سوى .... حنا بنظرها من نكون .. ريشة يطيرها الهوى .. بمفهومها حنا عدد رقم ولا أكثر بعد يعني مجرد تكمله.. والا أهي أصل البلد.... قالت: بدو .. يعني صفر على الشمال هذا على أحسن أحتمال

قلت: أي نعم .. حنا بدو ... حنا عما عين العدو ... حنا البداوه طبعنا .. وأهل الوفا هم ربعنا ..... حنا بدو أصل وفصل ... حنا بداوتنا الاْصل ماهي بداوة تلفزيون والا مسلسل أردني.. بس بدوي بالمكرفون ... ولا هد سيفة ينثني .. حنا بداوتنا تراث من جيل لا جيل أنتقل ... بالقمة حنا مو أقل

ماهم بدو ... بيت السدو ... حنا بدو حنا معاني ساميه نروي السيوف الضامية.... نرد المنايا مانهاب ... لو هي سعاير حامية..... حنا بدو .. صعبين ونحب الصعب .. أهل الخشونة والتعب .. حنا يميزنا الوضوح وأذا كرهنا ما نحب ..... حنا بدو.. حنا البداوه عيدنا مانأكل الا صيدنا .. ما نعيش عالة مجتمع نموت ولا نمد أيدنا

حنا بدو.. حنا البداوه .. بدمنا ما نسمي أحد عمنا حتى لو منهو يكون لو هو زعل ما همنا .... يا تارسة وجهك صبغ يا تارسة عينك شدو .. حنا بدو ...... حنا بداوتنا شيم دين وقيم طيب وظفر ومعني كبير .... يعني التمسك بالجذور ماهو التخلف والجهل ... ولا بعد حب الظهور ولا التنكر للاْهل

حنا بداوتنا شمم فعل وكرم .. مبدأ حضارات الاْمم ..حنا القمم ولنا الفخر.... لو عشنا ببيوت الشعر .. عيشة ألم عيشة فقر .. عيشة تعلمنا الصبر ما نحسب أيام شهر ما نقترض .. نشرب من الماي الهماج .. نكحل نواظرنا بعجاج ....ساعات ما نلقى ذرا يكفي نتلحف بالنجوم وفراشنا رمل الثرا ... وسراجنا نور القمر لامن ظهر

نومن بقضانا والقدر .. ماهو كسل ولا نعيش بلا أمل.. نملك طموح علم وعمل ونرعى الاْبل ونرعى الغنم ... ونعزف من ألوانة نغم ونتابع أخبار المطر .. وندور الروض الخضر .. نسري ورا برق سرا .... ولا نتراجع للورا .. نبحث عن المرعى العشيب .. ومن شعيب اليا شعيب ما نستقر

عنواننا كل الديار تجوالنا ليل ونهار وهذي حياه البادية سنة ربيع سنة دهر.. رغم الفقر نخاف من قوله أفا.. ونتعب ورا قوله نعم ونعيش عالين الهمم نرعى الذمم .. نأخذ من الصحرا الهدؤ لاْنا بدو .... يا تارسة وجهك صبغ يا تارسة وجهك شدو.. ياللي تقولين بدوي عزمي قوي ... يبدا نهاري بالصلات وأصارع أمواج الحياة

محافظ على الخمس الفروض واضح ولا أحب الغموض .. ما ألتوي لاْني بدوي.. متمسك باصالتي ولا أغير لهجتي .. أنا بدوي في فزعتي في جلستي ... في كلمتي في نخوتي حتى عقالي ولبستي .. ولو قلتي عني فوضوي .... ما همني .. بالحيل يا بنت بدوي .... ويسرني أعرف زين من أنت ومن أنا ويكفينا نعرف بعضنا

والفرق واضح بيننا .... أنتي مثل عمر الزهور مالك عمر... شهرين ويجيها الجفاف وتندثر .. وتصبح الوانه باهته وأنا جذوري ثابتة ... يا تارسة وجهك صبغ يا تارسه وجهك شدو حنا بدو ... حنا عما عين العدو ... كنا ولا زلنا بدو وبنموت هم وأحنا بدو

القصيدة من جد تستاهل انكم تقرونها: