من أدب الحواري ...للكاتب مطفي النور
يازين كورة اول - الجزء الأول
كانت العطله ايام زمان مااروع منها ومافيه احسن منها.... وكانت الحوطه ماتنمل في العطله .... و اذكر اننا كنا قاعدين نلعب كوره.... وكان فيه مبارات حماسيه بينا وبين الحاره اللي جنبنا .... و المبارات تاجلت اكثر من مره والسبب انا مختلفين على الطقوم... الله واكبر على هالطقوم الي يشوف هالكلمه يقول لبس كوره .... اللبس عندنا اول مغير ثياب بس لا وماتحتها شي... ايه يازين ايام اول والبراد الي ماتدري وين يجيك معه .... وكنا اليين جت مبارات بيينا.... فريق يلبس ثياب شتويه ملونه وفريق يلبس ثياب صيفيه بيض ....واتفقنا معهم على دق القرعه... ودقينا القرعه وطلعت لهم الثياب الشتويه..... آه يالقهر حضهم حتى القرعه معهم ..... بيني وبينكم كنافي عز الصيف ونتمنى نلبس الثياب الشتويه استر... لكن الحظ ... وبدت المبارات ولعبنابهم لعب وكان احسن لاعب فينا اسمه الترنجه وكان مااحد يقدر يوقف في وجهه عشان ظفور رجليه طوال ... وكان الوحيد في العالم كله الي يقدر يشوت البلنتي بساقه .... المبارت صار فيها اهداف واجد مع كل هجمه ماتشوف الاعبين من العجه... وكلها دقيقه الا واحد طالع من هالعجه يطامر يقول جبت هدف ... وكان الحكم مايحسب الهدف الا بعد مايحلف اللاعب .... و انتهت المبارات وفزنا عليهم .... ورحنا بعد المبارات نسبح.... طبعا في قليب نخل ابو الترنجه ... و صفينا ثيابنا وياحليل ثياب اول المريكاني ... مايحتاج معلاق تفصخ الثوب وتوقفه جنبك ..... ويوم خلصنا سابحين لبسنا ثيابنا الي قاعده تحترينا وتفاجئنا يوم رجعنا انهم احتجو علينا علشان ثوب الترنجه كان وسخ.... وصاير كنه شتوي ويوم شفنا الدعوى كذا احتجينا على هدفهم العاشر الكوره اصلا طالعه برى ....و رفعو احتجاجهم لقعيس القانوني وقعيس هذا ازبط واحد في الحوطه يعرف القانون ..... وجمعنا قعيس صاحب كتاب (طبق النيه وافتك من الناس الشريه) وقال قبول الاحتجاج يعتمد على نية الترنجه... اذا كان لابس هالثوب الوسخ علشان يصير كنه شتوي في هالحاله نقبل الاحتجاج..... اما اذا كان ماعنده الا هو ففيه كلام ثاني .... و جابو الترنجه وحلف لهم ان ماعنده الا هالثوب وان غسالتهم خربانه .... و قال القعيس لازم اتاكد هو صادق والا لا ابشوف غسالتهم ...المهم ان غسالتهم كانت خربانه لكن يلعنبو الحظ يوم جا يشوفها القعيس اشتغلت
وتعرفون غسالات الاوليين مالها خاتمه تشتغل بالنيه زي قانون القعيس
وقال القعيس احتجاجهم مقبول .....و رفضنا وقررنا ان نرفع تضلم لأمارة الحوطه على هدفهم العاشرالكوره طالعه برى الخط .... ورحنا للآماره وطلعو معنا مري يقص الجره وقرر المري ان الكوره طالعه برى الخط.... وكتب تقرير بهالشي وقلنا للقعيس لو ماترجع عن قرارك وتعطينا النتيجه والله ان نرفع تقرير المري للأتحاد الدولي
المره الجايه
وش سوى القعيس؟
ماذاعمل الاتحاد الدولي؟
احتجاج جديد اكتشفنا ان واحد منهم لابس كنادر؟
|
.gif)
حوار الخيمة
15-11-2000, 10:10 AM
النمط الخطي
