مجلة الخيمة حوار الخيمة دليل المواقع نخبة المواقع Muslim Tents
التسكين المجاني التسكين المدفوع سجلات الزوار بطاقات الخيمة للإعلان في الخيمة
الأسئلة الشائعة قائمة الأعضاء التقويم البحث مواضيع اليوم جعل جميع المنتديات مقروءة

العودة   أرشــــــيـــف حوار الخيمة العربية > القسم العام > الخيمة المفتوحة
اسم المستخدم
كلمة المرور

 
 
خيارات الموضوع بحث في هذا الموضوع طريقة العرض
  #1  
قديم 17-08-2000, 08:38 PM
سقراط سقراط غير متصل
Registered User
 
تاريخ التّسجيل: Jul 2000
المشاركات: 98
Cool سقراط وصلللللللللللللللللللللللللللل

سقراط وصللللللللللللللللللل
والله العظيم ادري انكم مشتاقين اللي بس يالله ما عليه هذا انا وصلت بحفظ الله ورعايته ...(السلام الملكي)...
أقول وش اخبار الشباب والشابات انشاء الله كويسين ..
راح تقولون وين كنت (صح)
انا كنت في رحله سياحيه لمصر بس اسكتوا والله ياهو موقف اللي صار لي هناك راح تقولون وشهو(صح) أقولكم
كنت أتمشى في شارع جامعة الدول العربيه ولا وجوالي يدق (ابغى أعلمكم ان معي جوال) مرحبا مين يتكلم آلا هو صديقي طبعاً مصري الجنسيه وكان يدرس معي أيام الثانويه الله يذكرها بالخير واسمه(مجدي)...
وش اخبارك وكيف الدنيا معك(زفت) الله يكفيكم..
شف انا عيدي ميلادي بعد ثلاثه ايام طبعاً هذا خويي المصري ويقولي لازم تجي.. ولد أصل مو مثل بعض الشباب اذا تزوجوا نسوا يعزمون اصدقاءهم ..
قلتله شوف انا موجود في مصر هالايام ..قال حلو وين وانا أجيك.. المهم جاني مجدي وتمشينا والله وداني أماكن ما كنت أتوقعها في مصر المهم بعد ثلاثه أيام قالي الولد اكشخ والبس احسن بدله عندك انتم عارفين ليش.. المهم أخوكم ما صدق خبر قلت ياولد البس البدله البنيه المشجره باخضر والمخططه بازرق اللي مرسوم عليها ورده بيضاء((يا عيني على الورده البيضاء))..والبنطلون الاسود آللي مقطوع من عند الركبه (للقراوه شورت) المهم في تمام الساعه الثامنه وانا ادق الجرس ..ويستقبلني مجدي واسلم على الموجودين الله لا يوريكم ما هو عيد ميلاد كأني في عرس المهم جابوا الطرطه وعليها الشموع وطفوا الانوار ..((ياعيني على تطفيت الانوار جو شاعري)).. وبدا الجيمع في ترديد أغنية عيد الميلاد (هيبي بيرقر تو يو ) انا قلت الجمله الاولى وسكت (طبعا ما أعرف الباقي أول مره أحضر عيد ميلاد) المصيبه كانت فيه بنت واقفه جنبي وشافتني ساكت والجميع يردد الاغنيه وسالتني ماءلك ساكت كدا ليه والا مو فرحان له (تبغى تورطني الملعونه) قلت لها لا بس انا ما اعرف آلا الجمله الاولى البنت ماتت من الضحك وانتبه الجميع للبنت وضحكتها.. والمصيبه (معجبتها سنونها الا الواحد عن الثاني كيلو الله لا يبلانا التريله تلف فيها وسواقها مغمض) وبعد ما وزعوا الطرطه وطبعاً انا أخذت صحني ومليته طرطه وبغيت أخذ صحن ثاني بس أستحيت (الله ياخذ الحياء أحرمنا من الطرطه) ...
المهم سالؤا البنت عن سبب ضحكتها وقليلة الاصل علمتهم بالسالفه وقعد الجميع يضحك علي وانا طبعاً(وجهي صار الوان من كثر الاحراج) طبعاً كنت غريب والغريب لازم يكون اديب (مثال الزنقات) المهم بعد ماراح الجميع وانتهت السهره مسكت خويي المصري طبعاً(لا يروح بالكم بعيد)...
قلت شف انا انهنت في بيتك ولازم تاخذ لي حقي من البنت طبعاً(انا انهانت كرامتي) المهم قعد الولد يراضيني وانا اسوي فيها زعلان واقعد اتغلى عليه وفي الاخير قالي الولد وبكل صراحه يا غبي (اول مره ينقال عني غبي ) بس ما عليه نشوف اخرتها مع الولد ..البنت تحبك هي قالت لي كدا ومعجبه فيك وفي حياءك (اول مره يصير الحياء له فايده) والا والدنيا تدور بي تسعه وتسعين لفه .. واقعد أفكر في كلام خويي يا ترى صحيح هالكلام واللا لا((ويش اللي عاجبها فيني)) المهم قلت مالك الا يا سقراط(تروح على النيل ..وتشتري لك ميتين حبه طعميه وتقعد على النيل ..وتأكل الاولى وتقول تحبني..وتأكل الثانيه وتقول لا ما تحبني ..لين تنتهي الطعميه ..والمصيبه الحبه الاخيره ما لقيت في الكيس منها الا نص بس ..قلت هذي كيف نحلها هالحين..(حلوها انتم بطريقتكم..واللي راح يحلها راح أخذه معي مصر السنه الجايه يعيش معي باقي المسلسل )..وبعد تفكير عميق ومستفيظ .. قلت لازم هي تجيني وتصارحني بحبها ..المهم راح الولد وجابها وقالها قولي انكِ تحبينه وفكينا ...
(((خلص الجزء الاول)))
ونكمل بعد سنه الجزء الثاني بعد ما ارجع لمصر واعيش باقي القصه وأجي أعلمكم ..بس وش رأيكم تحبني البنت وآلا لا ..تكفون قولوا لي وأنا اكمل لكم الجزء الثاني ......
((((((اه شو بيزل الحب))))))
xxxxxxxxxxxxxxxxxxxxxxxxxxxx
((سقراط يكره أعياد الميلاد والطعميه بعد اللي حصل))
xxxxxxxxxxxxxxxxxxxxxxxxxxxx
  #2  
قديم 17-08-2000, 08:46 PM
فجر فجر غير متصل
Registered User
 
تاريخ التّسجيل: May 2000
المشاركات: 630
Lightbulb

  #3  
قديم 17-08-2000, 09:43 PM
SHAIMA
 
المشاركات: n/a
Smile

..اخيييييييرا....

كيف حالك يا سقرااااط افندي..؟؟؟...

والله ولك وحشة.....((بس لا تشوف نفسك علينا الحين))...كخخخخ

المهم....شو هالقصة...؟؟؟...ها...؟؟...انت كنت رايح سفرة سياحية ولا سفرة اشرار وهكرزات تلعب...ها..؟؟؟....

ياله احنا في انتظار منظمتكم...بعد ما حطمنااااكم وحطمنا الريس.....

وعلى فكرة...في منظمة انقلااابية ريسها السووووبر والقائد الاعلى الشيخ ابو الاطفال ومعاهم عمر الشادي...هؤلاء اقرا عليهم الفاتحة...لانهم من البداااااية متخرعين...زوباذن واحد احد...راح يكون مصيرهم مثلك.....فاتمنى انك تنصحهم انهم يبعدون عنا....

ماشي الكلام...ماابي الصراحة عوار الراس مع شوية عيال......كخخخخخخ

شيطونة هانم...شريرة 1
  #4  
قديم 17-08-2000, 09:56 PM
مزاح مزاح غير متصل
Registered User
 
تاريخ التّسجيل: Aug 2000
المشاركات: 60
Post

الحين
  #5  
قديم 17-08-2000, 09:58 PM
مزاح مزاح غير متصل
Registered User
 
تاريخ التّسجيل: Aug 2000
المشاركات: 60
Post

ها الحين
  #6  
قديم 17-08-2000, 10:01 PM
ABDULLA ABDULLA غير متصل
Registered User
 
تاريخ التّسجيل: Jun 2000
المشاركات: 158
Talking

حياك الله ياولد البرازيل , الظاهر أنك تبى تألف كتاب مو سالفة
تبى تقولها , أنت متأثر بالبرازيل .

وحياك ياسقراط وين دايم تعرف عنا شيىء .

ABDULLA

  #7  
قديم 17-08-2000, 10:39 PM
Hadia Hadia غير متصل
Registered User
 
تاريخ التّسجيل: Jul 2000
المشاركات: 1,344
Cool

هلا و الله بسقراط:
ياخوي أنا مطلعة خبر القضاء عليك قبل أمس.
وش الي جابك الحين (مزحة ثقيلة دم <<
انا من رأيي اثقل عالبنية و في نفس الوقت وريها انك مب هين
أقول لك تذكر البدلة الي لونها أحمر وفيها خطوط وردية
(أكيد فاكرها) ايه البسها مع البنطلون الأخضر الي شريته قبل
سبع سنوات (خلها تشوفك ي أكشخ الحالات).
الخطوة الثانية: حط الجنيهات الي عندك في جيب البدلة وخلي أطرافها طالعة عسان تشوفها البنية (اذا كنت خايف لاحد ينشلها منك دبسها مع البدلة).
المرحلة الثالثة: خلي الجوال دايما في يدك واذا تبي تتكلم حرك
يدك (لازم تشوف انه عندك جوال)
===============================
هذه نصائح هادية جربها وستجد افضل النتائج
===============================
HADIA الناصحة
h1alsaieq@hotmail.com
  #8  
قديم 18-08-2000, 01:03 PM
سقراط سقراط غير متصل
Registered User
 
تاريخ التّسجيل: Jul 2000
المشاركات: 98
Cool

سقراط وصلللللللللللللللللللل
((فجر الصديقه * والفنانه الحالمه))
أشكركِ على هذه الباقه الرائعه والجميله والتي
لا تاتي الا من انسانه مرهفة الاحساس ..تحمل في قلبها
اجمل صور الحب وأعذبه..
شكراً لكِ
xxxxxxxxxxxxxxxxxxxxxxxxxxxx
هلا بالطش والرش والبيض المفرقش
شيوووووووومه
يا مرحبا يامرحبا
أقول شيوووووومه متى الوصول
بعدين انا توي جاي من سفر يعني ابغى ترحيب فاهمه
والهواش والحروب الطاحنه لاحقين عليها ..واللي يرحم والديك
أبغى أعيش في سلام هاليومين ..أبغى أعيش قصت حب بدون منغصات ومشاكل ..
شيوووووومه وين الهدايا((طلعيها بسرعه أبغى هديتي))
xxxxxxxxxxxxxxxxxxxxxxxx
مزاححححححححححححححححححححح مزحزح
هلا فيك حبيبي صديق عزيز علينا
xxxxxxxxxxxxxxxxxxxxxxxx
عبدالله هلا وغلا فيك يالغالى
ترى والله سعيد بوجود أسمك في موضوعي
وأشكرك على هذا الترحيب
وبعدين دايم أنا تركته في مصر المسكين أنسرقت فلوسه
وصار طفران حتى قيمة تذكرة الرجعه ما معه ((لا تقولون ليه
ما سلفته انا بلشان بعمري هناك ))
xxxxxxxxxxxxxxxxxxxxxxxx
هاديه
المصيبه الاسم هاديه والمشاكل يا كثرها
وبعدين تعالى أنتي كيف تقولين دمرنا سقراط (وانا حي ارزق)
يعني تبين المشاكل معي طيب (ياشباب تراني لقيت هاديه في مصر تبيع ذره مشويه على النيل ويوم عرفتني حذفت نفسها فالنيل وانا طبعا ما صدقت وأخذت الغله كلها))((يا بياعت الذره ولا..حرقانه بعد))
xxxxxxxxxxxxxxxxxxxxxxxx
((سقراط سعيد بوجود فجر في موضوعه المتواضع
وفرحان برجوع شيووووووومه من تركيا
ويرحب بصديقه الجديد مزاح
ويقول لعبدالله يا هلا وغلا فيك
وميت من الضحك على بياعت الذره ((هاديه)) ..))
xxxxxxxxxxxxxxxxxxxxxxxx
  #9  
قديم 18-08-2000, 09:21 PM
مهند مهند غير متصل
Registered User
 
تاريخ التّسجيل: Jun 2000
المشاركات: 594
Post

هلا سقراط
الحمدلله على السلامة
توها الخيمة نورت بوصولك
وش هالاخبار الزينة اللي عندك ويازين بدلتك يا سقراط
ومادام البنت سنونهامفرقة الى هالحد وش اللي عجبك فيها
حتى سواق التريلة ماخذ بلف فيها وهو مغمض،
وانت ميت عليها والله ما عندك ذوق.
على كل ونستنا بقصتك
والحمدلله على السلامة مرة ثانية ولا تغيب عنا.
................

هادية وش اخبار الذرة المحروقة
ما قلنا لكم من البداية هذا سقراط لا حد يجي صوبه قلتوا
لا، يالله زين الحين فضحك قدامنا
هههههههااااااااااي
والله محد كاسر خاطري إلا دايم هالمسكين
ورا ما ساعدته يا سقراط تكسب فيه ثواب تراه زميلنا
.
.
.
مهند
  #10  
قديم 19-08-2000, 09:08 AM
سقراط سقراط غير متصل
Registered User
 
تاريخ التّسجيل: Jul 2000
المشاركات: 98
Cool

سقراط وصللللللللللللل
هلا ومية هلا والا أقول الف هلا تستاهل أخوي مهند
(((غالي وسير على غالي)))
اقول أخبارك أخوي مهند ..واخبار الرحلات معك انشاء الله
استمتعت فيها ..كنت اتمنى اكون معك ..بس محفول مكفول (يعنى كل المصاريف عليك)(واحد مصلحه)
مهند الحب عذاب
صحيح البنت شيفه بس ياخوي البي دق يوم شافها(طبعاً دقات الحب )
لا تغرك سنونها تراها حلوه اذا كانت مبصمه( يعني مقفله فمها)وبعدين هي ماراح تضحك اليوم كله (اصلاً انا ماراح انكت معها علشان ما تضحك (يعني راح أكون شديد مع البنت)................
.........
بعدين مهند (هاديه)
تستاهل كل اللي يجيه لانها راعية مشاكل
(بياعت الذره المحروقه لاتزعلين)ترى ما نقدر على زعل احد من الاعضاء ..
.........
وبعدين (دايم) يستاهل كل اللي يجيه (اللي ما هو قد السفريات لا يسافر)ولا مسوي فيها عنتر بعد عند المصريين ومحد قده (ويقول لي انه ساكن في فندق ماريوت بعد )
على باله يتكلم مع واحد غشيم في السفريات ......
انا مدري هالاشكال وش تبغى بالسفريات ..
xxxxxxxxxxxxxxxxxxx
(سقراط يقول لمهند حمدلله على السلامه وين الهدايا
والا نحبكم على الفاضي)
xxxxxxxxxxxxxxxxxxx
 


عدد الأعضاء الذي يتصفحون هذا الموضوع : 1 (0 عضو و 1 ضيف)
 
خيارات الموضوع بحث في هذا الموضوع
بحث في هذا الموضوع:

بحث متقدم
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
الإنتقال السريع

حوار الخيمة العربية 2005 م