مساجلة بالشعر النبطي ( شاركونا )

[الــنــدى والـــمــا]

هـزت القلب الحـزيـن ولا صمدها مــن صمدها .... واسدلت رمش المحاجر والظلام ارعب خدينه

ليلـة الظلما تخيـف وخـيـرهــا للـي رقــدهــا .... يستهيف بها المزاج وجرحها يـنـزف وتينه

والحلوم اللي حلمنا مـاقـعـدنـا فـي نـصـدها .... يشهد الله ما ستهنت ولا نبي النفـس المهينه

[غــيــث]

سلام مني عد مايدمح الشوف *** بعيون خلٍ شاف ميلة خليله
أو عد من عدا على راس مشعوف *** شاعر وقام الريح يطرق شليله
او عد ماتضحك هنوفٍ لنفنوف *** ماتن عليه منقضات الجديله

****
وجه الشمال مدلهه كل ملهوف*** دارٍ عربها كاسبين الجميله
دارٍ لها في ذمة الوقت معروف*** حتى على التاريخ ماهي بخيله
والدار داري وين ماالد واشوف *** وانا بحب الدار..راعي طويله
تبرق شمال وتلمع قلوب وسيوف *** جنوب وكل عزًّ نخيله
وتهب شرق ويشمخ العلم وينوف *** وتهب غرب ويسرج العزّ خيله
جينا ولافينا مسايير وضيوف *** للدار حق ولـ..ابلج الشعر ليله

مساعد الرشيدي

(( الهاء ))

[الــنــدى والـــمــا]

هذي حياتي كلها بين اياديك..........خذها كأني لحظة ٍ من دلالك
ياغاية المطلب عقدت الأمل فيك ..........ملكتني وأسرت قلبي لحالك
أطلب وآمر يا أبيض القلب وأعطيك..........انا وقلبي والاوادم فدالك
أبيع كل الناس برخيص وأشريك..........ما اريد غيرك واعترف لك بذالك
يافرحة العمر الكبيرة أناجيك..........وأشوف قمة بهجتي من خلالك
بالقلب جنات وغصون لمعاليك..........ما لا رأت عينك ولا جا ببالك
يهتز عرش القلب لا حل طاريك..........وتقتح لي ابواب الحياة بوصالك
اموت واحيا فيك واهواك واغليك..........من ندرة عيوبك لروعة خصالك

واضن حبي لك بعد مايكفّيك..........ولا ضن يملا العين شخص ٍ بدالك
معك انت عانقت الفرح كيف اخليك ؟..........مقدر وفال الله ولاهوب فالك

[مستبشر الساحات]

كويت قلبي كيةٍ فوق كيه::::كويت قلبي من قديمٍ وتالي

[الشــــامخه]

يــا نبيــلٍ .. فــي أحـاسيســـه عظيـــم .... يــــافطيــنٍ فـــاهمٍ وش مقصــدي
المشـــاعر هزهـــا هـــب النســـيم .... واســتثار الــود لحظــات ســـعدي

[الوردة الندية]

ياليتني لابغيت اكره قـدرت اكـره ... ماكان قلبي ليا جيت اكرهـك عيّـا

[الصوت الرخيم]

الولع غنى وانا فيني ولع 0000هاضني مغناك يا ورق الحمام
مثلك اصوت ولا حي سمع0000 ما لقيت احد ولو ينقل سلام
غيبه عني زماني وانقطع0000 ول يا وقت التفرق والهيام
كل حر لين ضاق به جزع0000القهر ياصل به حدود العدام
كل ما لمته هوى قلبي شفع000ذا حبيبي كيف محبوبي يلام
لو تمادى بالتغلي والدلع000 ما تمادى بالقطيعه والخصام
مع اختصار
...خالد الفيصل..

[الوردة الندية]

من زمان أكتب على شان تقرا.. من زمان .....بس ما شفت المكاتيب جابـت همهـا!!!

متعب التركي

[الشــــامخه]

اعترف لك بشوقٍ عنك مـــاهوب ســالي ... واعترافي بحبك .. نقطة الضعف فينــي

[الوردة الندية]

يا ندى الغيمه على ورد الجبال .... يا عبير زهور ريضان السهل
اجتمع حسن الحلا بك والجلال .... ما تبدل بك مع العالم بدل