إليكم قصتي بعد شرب الماء !!
هلا والله بالشباب .. أشكركم على حسن الضيافة والكرم ..
الأخ المهند والشيماء .. لا بالعكس العشاء في وقته والا انتم عندكم عصر ؟؟
هاتوا لي ماء علشان اشرب .. شكراً خذ الكاسة فاضيه ولا تعيدها مرة ثانية (:
شوفوا يالربع .. أنا كنت في سحاب وما أدراك ما سحاب متربع على عرشها مشرف على أحد المواقع لكنه رجل ديكتاتوري صاحب أطماع توسعيه وشكله يخوف ، تدرون إن كل المشرفين يخافون منه ..
المهم .... كنت ماشي معاهم زي الحلاوة وكل شيء تماااام تمااام وفجأة وبدون مقدمـات ولا مؤخرات .. شاهدت قدم تهوي على مؤخرتي! فتشوتني شوته .. ياهي شوته .. وما حسيت الا وانا ضارب براسي في كوكب زحل .. والله ستر أنكسر من الكوكب قطعة صغيرة وارتجت بعض الكواكب .. لكن أخوكم راسه قوي ماصار فيني شي .. المهم طبعاً سقطت من ذاك الكوكب ولقيت نفسي في الصحراء ، قلت ياديك الجن لا يكون انت في صحراء نيفادا وما تلاقي لك خيام ولا عرب يضيفونك ؟؟ ثم مشيت وشفت خيمتكم قل أمر ارتاح عندهم .. لكن والله ووجدت الكرم والقهوة والذبايح والعلوم الطيبة ..
لكن وراكم يالربع مخلين حريمكم يكشفون على الضيوف ..؟؟؟
وين الغيرة يا مهند؟؟ ورى اختك جايه تصب الشاهي والقهوة ؟؟ ياخوي خل البنقالي (الراعي) .
ملحوظة .... لا تقولون وش تهمتك وليش انطردت من سحاب فأنا ما أعرف السالفه واللي فيكم عنده حيل يروح ويسألهم .
|