الف مبروك ياجماهير القادسية...؟

دايـم السيف.. · #1 15-05-2003, 06:10 PM

اخواني الاعزاء :

تأهل اليوم الفريق العالمي (القادسية) بكل جدارة واستحقاق

بعد فوزه على فريق النصر بهدف مقابل لاشئ وبهذا يتقابل القادسية

مع فريق الاهلي الحاصل على المركز الثاني كانت المباراة سجالاً بين

الفريقين لكن اغلبية اوقات المباراة كان المسيطر هو النصر لكن

كالعادة دون فائدة تذكر مع العلم ان الفريق النصراوي اضاع ضربة جزاء

(مشكوك في صحتها) من قبل اللاعب الحلوي وكان لاعبين الفريق المنافس

اكثر جدية وحيوية وتنساق بين خطوطه وخاصة الدفاع والوسط بينما

كان فريق النصر يعاني من تخلخل دفاعاته وضعف خط الوسط وضياع الكثير

من الفرص السهله من قبل هدافين

الدوري المحترفين بوسكاب وتورينيو(فالحين يسجلون في الرائد والشعلة

)

والف مبروك للقادسية وحظ اوفر للنصر

=========================================

احلى مافيه مباراة اليوم

هذه النكته اللي وصلتني بعد المباراة

يقولون فيه واحد نصراوي مرته حامل قالوا له تبي ولد والا بنت

قال: ابي بطولة

شكراً لكم

كوكتيل · #2 15-05-2003, 06:22 PM

الله يبارك فيك أخوي دايموووووو <== تدليع حركات

شف الله يسلم عمرك ..
خذ عندك الأخبار بعد المباراة :

1 ) الحلوي : خلوه يمشي رجليه إلى مقر النادي في العريجة .
2 ) جحا مجهز درزن عقل يبي يلشط في الحلوى ألييين يقلب بيليه .
3 ) جمهور النصر خرج مبسوط يقولون أيع القادسية على الاقل في
شعارها اللون الاصفر <=== أمحق تصريفة .

خذ الرسالة اللي جتني بهذه المناسبة :
ليش كؤوس الماء عند برادات المساجد مربوطة ....

عشان ما يأخذها النصراوية

كوكتيل · #3 15-05-2003, 06:25 PM

و هذي واحد ه أحسن من للي قبلها :

ياللي أخترعت الفياقرا و رجعت الفحوله
ما عندك دواء يجيب للنصر لو بطولة

دايـم السيف.. · #4 15-05-2003, 06:32 PM

هلا هلا ابو عبدالله

الله يوسع صدرك

2 ) جحا مجهز درزن عقل يبي يلشط في الحلوى ألييين يقلب بيليه

والله المفروض جحا اللي يلشط

لانه مدام هو موجود والحولي والخثران

والجنوبي والحارثي======>> كل الفريق

النصر ماراح ياخذ بطولة وحده

لكن الشكوى لله

شكراُ لك

كوكتيل · #5 15-05-2003, 06:57 PM

أوه ... صاحي إلى الحين

هلا ....

شف حبيبنا ..

من يوم رجع جحا لمقر نادي النصر و هي معوكسه معهم
و صدقني لو يقدع قهوة و تمر .. أريح له و للنادي كله

المشكلة أنه متربس في النادي كأنه شركة من شركاته !!!!
ما نوى يعتقه لوجه الله . .

شاطر يكبب كأسات الموية ..
<=== الله لا يلومه يحلم يشيء أسمه (( كأس ))

تحياتي يا سكر

بومبا · #6 16-05-2003, 10:44 AM

سلام شباب

لا يفوتكم فلاش يحكي حالة النصراويين