للشباب المقبلين على الزواج فقط(18ومافوق)

وليد الظهران · #1 06-05-2002, 12:45 AM

للشباب المقبلين على الزواج فقط(18ومافوق)

أكيد لاحظتوا ان مواضيع الاعراس دايما تركز على العروس على ملابسها
على مكياجها

على صحتها

على اعصابها و.و.و...

والعريس المسكين

محد جايب خبره

ماغير ادفع انت وساكت

لذلك جرى التنويه لما يلي:

تضامنن مع اخواننا المعاريس

المقبلين على الزواج

واللي محد واقف جنبكم

اهدي اليكم هذه النصائح

واذا عندكم زود لاتقصرون قطوا في الموضوع عادي

قبل العرس بشهرين:

تاكد انك سويت الاشياء التاليه:

حسابك في البنك مغطى(مو تتوهق بكره وتقول ماقلتولي)

حجز تذاكر السفر لشهر العسل

حجز الاوتيل في بلد شهر العسل

(خللي اختيارك رومنسي شوي يعني روح لمكان بعيد انت وياها(جزيره

نائيه(فرصه

تضيعها وترجع وحدك كنك ماتدري

او مكان في الجبل والهواء حلو

هديه بسيطه(مش بسيطه اوي تهديها لعروستك في اول يوم عسل

تجهيز كل الحاجيات لبيت الزوجيه

قبل العرس باسبوع:

لاتحلق ابددد اسبوع كامل علشان يوم العرس تلق

استلام التذاكر السفر

استلام تاكيد حجز الاوتيل

علق ثيابك في بيتك مو تروح طرزان

ثوب العرس والبشت جاهزين

ادواتك الشخصيه كامله وجاهزه

فرشاه اسنان

ماكينه الحلاقه

عطوراتك

ملابسك الخاصه

بيجاما

روب نوم فوق البجاما حق الكشخه.

نظف وجهك بالبخارقبل اسبوع من العرس

( علشان مايطلع وجهك منفخ في العرس)

حجز موعد عند الحلاق علشان حلاقه ومساج و الخ الخ الخ.

(احجز عند حلاق لكزس) ياللا يالكزس هاذي دعايه ببلاش

يوم العرس:

خذ كفايتك من النوم

بعد ماتقوم خذلك دوش دافي وتفرك زين تلاقيك من العيد للعيد تتسبح

روق بالك وعقلك

وفكر في افكار حلوه ورايقه علشان ينعكس الروقان على وجهك

(يعني لا تروح العرس وانت مكشر او مرتبك او او او.)

تغدى كويس لا تطيح علينا في العرس وتفشلنا

عشاء مافي !!

لاتحلم انك تاكل في الليل علشان تكون خفيف ياخفيف

(في واحد من قرايبنا مشفوح وتعشى قبل العرس وجاله تسمم من الاعصاب

ليلتها

وقضى الليله وانتو بكرامة مابين الحمام والحمام

وكانت ليله مايعلم فيها الا ربنا ولين الحين

نضحك عليه بسبتها ).

بخر الثوب والبشت وهدومك اللي بتلبسها كلها

روح موعدك للحلاق وخليه يسويلك حلاقه معتبره ومساج

علشان يروح أي ضغط عصبي وريلاكس

(برضه نرشح لك صالون لكزس)

البس هدومك وتبخر وتدهن بالعود وبخ من العطور الزينه

وهذه لسته على البيعه بانواع العطور الرجاليه الحلوه:

هافن

هريريرا

كارتييه

ساندرا

بولغاري

س ت ديبون

فلس الرجال مسيكين وهو بعد ماعرس

روح الحين لعرسك بدري مو تحسب نفسك معزوم وتروح متاخر (يعنني اتغلى)

ارسم الابتسامه الحلوه

لحظه الدخول لصاله النساء للقاء العروس:

سمي بالله

ارسم ابتسامه حلوه

وجه عيونك لعروستك اللي قاعده في الكوشه

(هذا اذا سوت فيك حركه نذاله وسبقتك للكوشه وقعدت على الكرسي قبلك)

اما اذا كنتوا ماشيين سوا:

الحين اقعد على الكرسي

انتبه لاتقعد على كرسيها

(واحد من الربكه بعد ماقعدت عروسته وهو كان يسلم على خواته وعماته

وقام من الربشه قعد على العروس وكل الصاله قامت تضحك عليه (بغى يطلق

هذيك

الليله من الاحراج

بعد التصوير بيجيبولكم عصير علشان تشربون

(انتبه لاتفشلنا وتشرب العصير لازم تشربها من كاسك وتشربك من كاسها

وياريت تنتبه انك لاتطيح العصير على فستانها ..

واذا لاسمح الله وطيحت العصير على الفستان (اضحك ضحكه هبلاء

وقولها طيحي عصير على ثوبي علشان نصير خالصين)هههههه.

وانت قاعد في الكوشه مع العروس

انتبه تستخف دمك وتسالها مين هذيك ومين هاذي

(في واحد سال عروسته وهم في الكوشه قال لها مين هذيك اللي لابسه

عدسات زرق

وتضحك

(من يومها وزوجته فاقده الثقه فيه(اجل بالعرس وعيونك ضربت شوط وشافت

العدسات؟؟

ندري كيف عندي لك حل البس نظارات سوود في العرس علشان لاتشوف احد

بعض الاعراس يقومون العريس مع عروسته للرقص

(لاتنسى نفسك وتردح وتفشلنا)

ترى والله صارت رحت مره عرس وقوموا العريس مع عروسته علشان يرقصون

شوي

والعريس استنزل

عند تقطيع الكيكه:

امسك يدها وروحوا للكيكه(يمكن ماتدل مكان الكيكه

امسك السكينه ويدك فوق يدها على السكينه (كذا الاتيكيت) وقطعوا

الكيكه

خذ بالشوكه قطعه صغيره مره علشان تاكلها (مو تحط نص الكيكه في الشوكه

وتقولها كلي

ترزز مره ثانيه للتصوير

بس خلاص نادوا الناس للعشاء وكل واحد يروح بيته

قلنا خلاص وش منتظرين؟؟

ايييه صح غنوا معهم:

ومباركين عرس الاثنين .

شمس الغروب · #2 07-05-2002, 05:53 AM

السلام عليكم ورحمة الله وبركاته

ما شاء الله عليك ما خليت شي إلا ووصيتهم عليه حتى ابسط الاشيا

اللي ممكن ما ينتبهون لها قلتها

عسى بس يسووونها

(كنت بنفجر من الضحك وانا يالسه اقرا معقوله في ناس تزل وفي ليلة العرس)

سبحان الله

اختك شمس الغروب

وليد الظهران · #3 07-05-2002, 11:48 PM

ههههههههههه شمس لمى حتجربي حتشوفي

رفيع***الشان · #4 08-05-2002, 09:10 AM

....... بسم الله الرحمن الرحيم .........
الله شي يا وليدووووه
خليتني ادخل الجو من بدري

انا بالنسبه لي عارف الحركات هذي كلها, تربيتك

فيه حركه لازم تعملها اول ماتدخل اديها خماسي

شديد .. احم احم
...............
رفيع الشان

..............

أطياف الأمل · #5 08-05-2002, 09:28 AM

ههههههههههههههههههههههههههههههه
ه ه ه ه ه ه ه ه هه ه ه ه ه ه ه ه ه ه هه ه
حلوووووووووووووووه
زيييين سوييييييت
انا قبل لا اعرس بجييب ريلي يقرا النصايح
كل شي ولا الاستنزال ولا الكيكه ههههههههههههههههههه
عاد انا مو بس افقد الثقه فيه لو يقول لي عن العدسات!!
انا افقع عيونه واقلب العرس على راسه!!

وليد الظهران · #6 10-05-2002, 11:31 PM

رفيع الشان دلوعهههههه هههههههههههههههههههههههه و الخافي اعضم

خولة2 · #7 11-05-2002, 02:39 AM

اولا الحمد لله على سلامتك...

وبعدين سؤال برئ

انت من وين جبت هالمعلومات...

اكيد مو عن خبرة شخصية..

أخاف تكون كل الضحكات اللي ضحكناها واحنا نقرا الموضوع..تكون عليك

قول الصراحة

حنــــــو نة 84 · #8 11-05-2002, 07:17 AM

هههههههههههههههه
وليدوووه00صدقني يوم العرس ولا شي من هالاشياء بيصير00حرااااام مو كلها ماتصير00يمكن بالغلط تصير شي من هالاشياء00بس هذا الغالب00
:")
الله يوفق يارب الجمــــــيع
رفيع الشـــــــــــان00الف مبروك مقدما00و حنشووووووووف شبيصير يوم العرس يا تربية وليدوو000
عزة اللللللللللللللله فلحنا

عقبال الباقي ياااارب

تحياتي
الدكتورة عاشقة

المد · #9 11-05-2002, 12:45 PM

جميل هالنصايح يا وليدوه مشكور