سؤااااااال مهم لاعضاء الخيمة ....؟

[ريانة العود]

لقد عدت للكتابة في منتدى الخيمة بعد انقطاع دام لمدة الثلاثة اسابيع .
فالسؤال ماهى اخر الاخبار والتطورات التى حصلت في الخيمة
وماهي اخبار الاعضاء
وكل عام وانتم بخير

[HONDA999]

هلا ريانه
والله مثل ما انتي شايفه الخيمه تصفر(يعني فاضيه) والشباب عطلو ولا شفنا احد بعد كذا ..والمشكله مهيب فيهم ..هم يروحون ويجون ..بس المشكله في المراقب موادع.. هو اللي ما ندري وينه فيه ..الظاهر يبي له اعادة تأسيس

وان كانك تبين اخبارهم بالظبط أظغطي هنا

[الحنين]

الحمد لله على سلامتك اخت ريانة
انا موجودة دووم هنا

[كوكتيل]

هلا بريانه ..

الحمد لله على السلامة ..

شوفي الأخبار .. الرمضانية كالتالي :

هوندا .. ما غير ضرب من ذا السمبوسة بالزيتون
بومبا .. يجلد من ذا الشوربة
موادع .. مدوخته الفطاير و الفطايف <== حشى ذا راعي مطعم
حواس .. ما غير يتاغر من ذا التوت
بنت الهلال .. اشترت باص مدارس و قلبت لونه ازرق
و كوكتيل .. نقص عشر كيلو من عبودي .. مهبل به

و باقي الشله ... يفتون .. بلوت

[HONDA999]

مهوب انا اللي ياكل سمبوسه بالزيتون هذا بومبا

[ريانة العود]

الحمد لله اخبار تسر
بس وش اخر اخبار ريفالدو
بنت الاسلام

[بومبا]

كوكتيل اجل انا دبج في الشوربه الا ما قلتلهم ايش وجبك المفضله ولا اقوله انا يا راعي الهدبا

اللهم اخلف فيه احد يفطر في رمضان كبده مع لبن

اما انت يا هوندا ياراعي السنبوسه بطحينيه اكمل ولا اسكت تدري ما ودي اكدر خاطرك على قبالت العيد اخف تتبلاني بشروخك

اقول شباب ترا هوندا من النويعيه البزارين الي في مصلى العيد الي يشخصون بشمغهم واذا ناديته يلتفت بكل جسمه خوفاً على الشخصيه لا تخرب ودسته الصورايخ طالع نصفها من مخباته

[الحنين]

اختي ريانة العود
بنت الاسلام وبنت الهلال ترى هي شخصية واحدة



كوكتيل
الله يعينك على عبودي ويعطيك طولة العمر وتشوفه زي كذاعريس يا جدي


بعدين تعال الباص ماهو عاجبك ولا ايش

[موادع]

هلا والله بريانه العود .. أسفرت وانورت
الصرحه لك فقده .. وين غاطسه كل هالأيام ؟؟
عموماً ولكم بااااك ياريانه
والحقيقه الأخبار تسرّك كل شي على مايرام وهوندا مستنزل هاليومين في هالمنتدى صار ت العين عليه من تالي من كثر مايستنزل علينا بردوده ومواضيعه
والصراحه انه خير سلف لخير خلف <== أو العكس

حياك الله ياريانه ولاتقاطعينا

[الزعيم]

اهلا بعودتك