مجلة الخيمة حوار الخيمة دليل المواقع نخبة المواقع Muslim Tents
التسكين المجاني التسكين المدفوع سجلات الزوار بطاقات الخيمة للإعلان في الخيمة
الأسئلة الشائعة قائمة الأعضاء التقويم البحث مواضيع اليوم جعل جميع المنتديات مقروءة

العودة   أرشــــــيـــف حوار الخيمة العربية > القسم العام > الخيمة المفتوحة
اسم المستخدم
كلمة المرور

 
 
خيارات الموضوع بحث في هذا الموضوع طريقة العرض
  #1  
قديم 12-12-2006, 05:07 AM
chouchou chouchou غير متصل
Registered User
 
تاريخ التّسجيل: Mar 2006
المشاركات: 2,244
إفتراضي حكاية مشرف راح يتزوج



حكاية رواها لي مصري عن مشرف حول الزاوجة الى جنازة



كان المشرف مرتبط بموعد مع العروس وأهلها
ليتقدم إليها ولكنه لم يشأ إغلاق المنتدى لمدة ساعة هى مدة اللقاء
مع الأهل فأخذ اللابتوب معه وشحنه على آخره وتابع الردود على
الأعضاء فى صفحة الشكاوى وهو فى طريقة للمنزل راكبا التاكسى
بمجرد وصوله إلى العروس سأل عن أقرب فيشة كهرباء لأن الشحن شارف
على الإنتهاء
والد العروس: أهلا يابنى .......إزيك !!
المشرف(وهو مشغول بلوحة مفاتيح اللابتوب): أهلا بيك يا عمى .....
أنا يشرفنى إنى أطلب إيد بنتك مها .....موافق ولا لأ؟!!!!
تبادل كلا من والد العروس ووالدتها وأخيها نظرات الدهشة
والد العروس(مستغربا): حضرتك بتكلمنى ولا بتكلم حد على الإنترنت
المشرف(مازال منشغلا بلوحة المفاتيح): لا يا عمى أنا بكلمك إنت هو معقولة
أتكلم مع حد غيرك وأنا قدام حضرتك!!!
والدة العروس: طب يابنى طالما بتكلمنا بصلنا طيب
المشرف(لم يرفع عينه ويديه من على جهازه):ليه يا حاجة هو أنا هتكلم بعينى ولا ببقى؟!!!!
إقترب الولد الصغير(8 سنوات) من العريس مبهورا بالابتوب(الجهاز المحمول) وهو يقول
الصبى: عمو .....هو الجهاز دة فيه ألعاب كتير زى الأتارى الى عندى؟!!
العريس(مازال منشغلا بجهازه): أيوة يا حبيبى وأحلى من الى عندك كمان
الصبى: طيب ممكن ألعب شوية .....عشان خاطرى يا عمو
هنا فقط رفع العريس عينه من على جهازه لأول مرة وتوقف عن الكتابة
وهو يوشوش فى أذن الصبى
العريس: لو خليت أبوك يوافق عليا هلعبك كتير قوى
طار الصبى فرحا وهو يقول
بابا بابا أنا موافق إن عمو يتجوز أختى الكبيرة أبلة مها!!!!!!
ثم إلتفت إلى العريس وهو يقول
ألف مبروك يا عمو!
الوالد(صارخا): أمشى ياد خش ذاكر ..... مبقاش إلا إنت يا أبو ريالة الى هتوافق ومتوافقشى
مشى الولد باكيا ولم يهتم به العريس وقد عاد إلى جهازه منشغلا
الوالد: إنت يا حبيبى إنت كمان .....إنت إيه حكايتك ؟
العريس: حكاية إيه يا عمى .....أنا معنديش حكايات إنت عندك؟!!!
الوالد(بضجر): إنت جاى تهزر
لم يعره العريس أى إهتمام وقد ظهر مشغولا بموضوع ما على جهازه
فإقتربت الأم من الوالد وتكلمت هامستا
الأم: إلا قولى يا حاج .....هو الجدع دة بيعمل إيه على البتاع الى معاه دة ....
.وإزاى بيكلمنا وهو بيحرك إديه الإثنين على الزراير دى كلها؟
الوالد: والله معرفشى يا تفيدة..... يظهر والله أعلم إنه بيكتب الكلام الى
بيقوله لنا فيطلع من بقه!!!!!!!
الأم: يا ندامتى !!!.....معقولة دى يا حاج ؟!!
الأب:طبعا يا تفيدة معقولة ماهو إحنا فى عصر التكنولوبيا!!!
إنتى مش شفتى إزاى كان ملهوف على أى فيشة كهربا أول ما جيه لأن
الشحن بتاع الكلام بتاعه كان هيخلص!
الأم: يا خويا الى يعيش ياما يشوف!!!
على كدة يا حاج لو النور قطع هيبقى أخرس؟!!!!
الأم: طب يا خويا لازم لو وافقت عليه نشترى للبت كرتونة حجارة قلم
عشان تبقى عاملة حسابها فى أى وقت!!!
الأب(صارخا): هو أنا معقولة أوافق على الآلة دى .....ليه من قلة الرجالة يعنى
العريس: حضرتك بتكلمنى يا عمى
الأب: لأ يا حبيبى أنا بكلم تفيدة
العريس: تفيدة مين ؟
دخلت العروسة فى هذه اللحظة مكسوفة وهى تنظر إلى الأرض
وبيدها أكواب العصير ولكنها لم تلاحظ فيشة الكهرباء فإنقلبت
على وجهها أرضا وإنفصلت الفيشة
العريس(صارخا): إيه الى هببتيه دة .....إنتى إزاى تفصلى الجهاز!!
الأم(بصوت خافت): يا حلاوة .....أهو بيتكلم من غير كهربا أهو يا حاج
الأب(بصوت خافت): ماهو كان شحن على الآخر يا تفيدة .....افهمى بقى
ثم إلتفت إلى العريس قائلا
الوالد: إيه يابنى قلة الذوق دى إنت بتصرخ فى عروستك وإنت جاى تتقدملها؟!!
دة بدل ما تساعدها إنها تقوم وتودها بكلمتين بعد ما فيشتك الهباب دى وقعتها
العريس: يعنى أساعدها تقوم ولا ألحق أشغل الجهاز عشان المنتدى ما يتعطلشى؟!!
الأب: دة جيل إيه دة.....هو جاى لينا منين دة!
العروسة: من النت يا بابا.....من النت
الأم: الله يقطع النت والى شغالين فى النت !
يا رب تيجى عاصفة تسومانى على النت والى فيه!!!!!
الأب:ممكن بقى يابنى تقفل المخروب دة وتكلمنا شوية
العريس: خلاص يا عمى المساعد بتاعى جه بدالى دلوقتى
إلتفت الجميع حولهم يبحثون عن ذلك المساعد فضحك الموديراتور
العريس (ضاحكا): لأ يا جماعة أنا اقصد إن المساعد بتاعى أخذ مكانى
فى الشغل دلوقتى يعنى أنا دلوقتى جاهز لأى إستفسار لمدة ربع ساعة
الأب: لا حول ولا قوة إلا بالله .....طيب يابنى طالما مش فاضى ليه حددت المعاد دة
مش كنت تحدد معاد تكون فاضى فيه
العريس: يا عمى خير البر عاجله
الأب: طيب..... إحنا لسة متعرفناش بإسمك ولا شغلتك
ولا سنك ولا شهادتك ولا أى حاجة خالص!
العريس: أنا اسمى موديراتور ...دة الإسم المستعار!
قامت الأم تحوم حول العريس وتنظر إلى يديه تبحث عن شىء ما ثم مسكت
يده فجأة وهى تقول
الأم :ممكن تشمر إيدك يا عريس الهنا‍
العريس(وهو يشمر): ليه ياحاجة إنتى هطعمينى!!! أنا إطعمت قبل ما آجى عندكوا ‍‍‍‍‍
الأب:ليه قالولك إننا عندنا كوليرا !!!
العريس: لأ يا عمى أصل أنا قاعد ليل نهار فى غرفتى المكيفة
الصحية فلما بروح أى داهية تانية لازم أطعّم
الأب(بصوت منخفض): داهية لما تخدك يا شيخ!!!
صرخت الأم( وهى تمسك بيده اليمين وترفعها عاليا): يعنى مافيش صليب
إمال إيه موديراتور دة؟ إنت يهودى؟‍‍‍‍‍‍‍‍‍!!!!
ضحكت العروسة وهى تقول: لا يا ماما دة النيك نيم بتاعه
الأم: ال إيه يا ضنايا؟‍‍!
العريس: خلاص يا جماعة .....أنا إسمى سعيد وعندى 25 سنة يعنى تأبيدة‍‍‍!!!
معايا شهادات كتيرة لو قلتها لكم كلها يبقى هنقعد يومين فبلاش أحسن
وشغلتى مشرف عام على منتدى الفقر حشمة
نظر الأب إلى المشرف وملابسه البسيطة غير المتناسقة وهو يقول
سيماهم على وجوههم‍‍‍‍!!!‍‍‍‍
العروسة(مبتسمة): بجد إنت المشرف بتاع الفقر حشمة .....
ده أنا مشتركة فيه من 5 شهور
العريس: ما شاء الله....بس إنتى مش ملتزمة بقوانين المنتدى
ولابسة كويس وعايشة فى عيشة آخر أبهة
العروسة: أنا عملت كدة عشان عارفة إن فيه عريس جاى يخطبنى
الأب: إنت يابنى عاوزها تلبس إيه .....هدوم مقطعة
العريس: لا يا عمى خلاص مش مهم لما أبقى أتجوزها أبقى أقطع لها هدومها‍‍‍‍‍‍!
الأب: ومين قالك إنى وافقت عليك أصلا
العروسة: ومتوافقشى ليه يا بابا دة حتى الموديراتور أكيد هيخلينى مميزة فى المنتدى
مش كدة برضه يا موديراتور
العريس: طبعا وهعينك معانا من المشرفين على قسم لوحدك
العروسة(بسعادة): بجد..... هتعينى مشرفة على قسم لوحدى
العريس: طبعا وهديكى أسهل وأحسن قسم فى المنتدى
العروسة(فرحانة): هييييه .....هتدينى قسم إيه ؟
العريس: الشكاوى!!!
العروسة (صارخة): لا أرجوك .....كله إلا الشكاوى
هز العريس كتفيه وهو يقول
العريس:خلاص نفتح قسم للوفيات وأعينك مشرفة عليه
الأب: يا ترى خلصتوا ولا لسة
نظر العريس فى ساعته وهو يقول: أنا فعلا وقتى قرب ينتهى
لأن المساعد بتاعى عنده ميعاد مهم ولازم أدخل مكانه
الأب: أنا مش موافق على الجوازة دى
العروسة: ليه يا بابا دة انا.....
قاطعها الأب صارخا : اخرصى يا بت إنتى وروحى ذاكرى لأخوكى
خرجت العروسة باكية غاضبة بينما إلتفت الأب إلى العريس قائلا
شوف يابنى .....لما تبقى تفضى للجواز إبقى تعالى إتجوز بنتى .....
لكن طول ما إنت فى الفقر حشمة دة مالكشى عرايس عندى
فاهمنى
العريس: خلاص يا عمى براحتك .....بس إذا كان منتدى الفقر حشمة
هو الى مزعلك أنا ممكن أسيبه
الأب(فرحا): بجد يابنى .....طيب سيبه هو فعلا الى مزعلنى
لو سيبته أنا هسيبلك بنتى بدون أى كلام
شكره العريس ثم جاء إليه فى اليوم التالى ومعه نفس اللابتوب وهو يقول
أنا سيبت الفقر حشمة من إمبارح وإشتركت فى منتدى تانى اسمه
اللاجئين
سقط الأب على الأرض ميتا وصرخت الأم وبكت العروسة وأخيها الصغير
بينما جلس العريس فى غرفة الصالون يتابع منتداه الجديد



هده قصة خيالية و اي تشابه في الاحداث او الشخصيات مع شخصيات واحداث واقعية فهي من قبيل الصدفة وكل من يدعي انه المقصود فسيعرض نفسه للمقاضاة بتهمة النصب والاحتيال


:


__________________



" Rien ne nous rend si grands qu'une grande douleur "


  #2  
قديم 12-12-2006, 05:16 AM
redhadjemai redhadjemai غير متصل
عضو مشارك
 
تاريخ التّسجيل: Sep 2006
الإقامة: أرض الله
المشاركات: 1,036
إرسال رسالة عبر بريد الياهو إلى redhadjemai
إفتراضي

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههههههههههههههه هه
  #3  
قديم 12-12-2006, 05:18 AM
redhadjemai redhadjemai غير متصل
عضو مشارك
 
تاريخ التّسجيل: Sep 2006
الإقامة: أرض الله
المشاركات: 1,036
إرسال رسالة عبر بريد الياهو إلى redhadjemai
إفتراضي

شوشوووو ننتظر حكاية مشرفة متقدم ليها عريس
  #4  
قديم 12-12-2006, 05:30 AM
chouchou chouchou غير متصل
Registered User
 
تاريخ التّسجيل: Mar 2006
المشاركات: 2,244
إفتراضي

إقتباس:
المشاركة الأصلية بواسطة redhadjemai
شوشوووو ننتظر حكاية مشرفة متقدم ليها عريس

رضا هو انت عاوز جنازة تشبع فيها لطم

__________________



" Rien ne nous rend si grands qu'une grande douleur "


  #5  
قديم 12-12-2006, 06:05 AM
salsabeela salsabeela غير متصل
عضو مشارك
 
تاريخ التّسجيل: Jul 2006
المشاركات: 865
إفتراضي

عقبااااااااااااااالك يا شوشو لما تتزوجين عريس مجنون نت مش مجنون شوشو
__________________


لا تقــــل ياربي همـي كبيــر ... ولكن ، قــل ياهــمي ربــي كبيـــر







  #7  
قديم 12-12-2006, 06:19 AM
chouchou chouchou غير متصل
Registered User
 
تاريخ التّسجيل: Mar 2006
المشاركات: 2,244
إفتراضي

إقتباس:
المشاركة الأصلية بواسطة salsabeela
عقبااااااااااااااالك يا شوشو لما تتزوجين عريس مجنون نت مش مجنون شوشو

انتم السابقون ونحن اللاحقون
__________________



" Rien ne nous rend si grands qu'une grande douleur "


  #8  
قديم 12-12-2006, 06:22 AM
chouchou chouchou غير متصل
Registered User
 
تاريخ التّسجيل: Mar 2006
المشاركات: 2,244
إفتراضي

إقتباس:
المشاركة الأصلية بواسطة عربي سعودي

قصة مضحكة جدا
أحب الكلمات الشعبية المصرية كثيرا
شكرا لك أختي شوشو

مرحبا اخي عربي سعودي
انا ايضا احب الالفاظ المصرية الشعبية لهدا قمت بنقل هده القصة
__________________



" Rien ne nous rend si grands qu'une grande douleur "


  #9  
قديم 12-12-2006, 06:44 AM
بيلسان بيلسان غير متصل
عضو مميّز
 
تاريخ التّسجيل: Nov 2001
الإقامة: في جسد امرأة خرافية
المشاركات: 2,221
إفتراضي

شو...........شو

قصة مضحكة.....


شكرا على نقلك ....
__________________

سيدي البعيد جداً من موقعي,,

القريب جداً من أعماقي,,لا أعلم

هل تضخم بي الحزن فأصبحت أكبر من الوجود

أم ضاق بي الوجود.. فأصبح أصغر من حزني

النتيجة واحدة يا سيدي

فبقعة الأرض هذه، ماعادت تتسع لي

فبقعة الأرض التي كنت أقف عليها,,أصبحت الآن تقف علّي






  #10  
قديم 12-12-2006, 06:52 AM
chouchou chouchou غير متصل
Registered User
 
تاريخ التّسجيل: Mar 2006
المشاركات: 2,244
إفتراضي

إقتباس:
المشاركة الأصلية بواسطة بيلسان
شو...........شو
قصة مضحكة.....
شكرا على نقلك ....

مرحبا اختي ملاك
سعدت بمرورك وتعقيبك
دمت بود
__________________



" Rien ne nous rend si grands qu'une grande douleur "


 


عدد الأعضاء الذي يتصفحون هذا الموضوع : 1 (0 عضو و 1 ضيف)
 
خيارات الموضوع بحث في هذا الموضوع
بحث في هذا الموضوع:

بحث متقدم
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
الإنتقال السريع

حوار الخيمة العربية 2005 م