جزيل الشعر

[ماضي الجرح]

هذه قصيده ارجو ان لاتجد انتقادا لاذا لنا نحن الرجال من الاخت همس الاحاسيس فموضوعها ومضمونها المرأه ذلك الجزء الاخر من حياتنا
[poet font="Simplified Arabic,4,blue,normal,normal" bkcolor="transparent" bkimage="backgrounds/15.gif" border="none,4,gray" type=0 line=200% align=center use=ex length=0 char="" num="0,black" filter=""]
مادام كلن تغزل في هوى خله=كتبت باللي جزيل الشعربعيونه
غروصغيرالحلا والحسن به كله=ياحظ ناس بهالدنيايشوفونه
عجزت لالقى بهالعالم وصيف له-كل المزايين يقصرزينها دونه
أسرفؤادي وصاراليوم ملك له=وابعدعقب ماسلب عقلي ومضمونه
وخلالي الهم والهوجاس والعله=علة فراق الاطباءمايداوونه
ياطيروان جيت دارمعذبي قله= العشق صعب على العشاق ينسونه
قله يقول الحياة بدونك ممله=تعال رجع فرحه وبددحزونه
يمكن ليامن طرى خل على خله=يذكرحبيب كتب شعره من عيونه
[/poet]
وسلامتكم وانشاءالله انهاتعجب الجميع

[abcde]

السلاام عليكم

اخوي ماضي الجرح

صح لساانك مليوون

جزل والقصيدة جزله

واسمحلي تراني جديد على منتداكم وتوني داخل بس هيضتني قصيدتك وقلت هالابيات إرتجاليه من الكيبورد للشاشه بدون تنقيح وعلى فكره قوافيّك ماوطيتها والعذر والسموحه لو هي مو قد المقال والمقام:

نبدع جزيل الشعر بالسطر ونشله / والسبك والحبك له ناس(ن) يعرفونه

مثل الدرر ننتقيها مابها خله / والقاف قافك على بحرك وموزونه

كانك شكيت الجفا من صاحبك خله / ابعد وبكره يجيلك شاحب(ن) لونه

وكانه يحبك (طريقك) صاحبك دله / ياتيك لو هو على موته يجروونه

لاتتبعه لو يقفي ياولد لـلـه / من هان نفسه ترى العالم يدوسونه

هذي نصيحه وشرع الناس والمله / (متخالفه) لو طريق الحق يبغونه

وسلامتك وسلامة الاعضاء كلهم

وتقبل تحياتي

[ماضي الجرح]

صح لسانك وتسلم على المرور والرد
وانا حقيقه بعد جديد على المنتدى وهذي المشاركه الثانيه

ومادامت هذه الابيات الرائعه ارتجاليه فانا اطمع بأن اقلرأ مانقحت من قصيد فانت فعلا بهذا الاسلوب وهذا الحبك تجعلني وهذا المنتدى نطلب المزيد.......


الف شكر.........

[همس الأحاسيس]

الرسالة الأصلية كتبت بواسطة ماضي الجرح
ومادامت هذه الابيات الرائعه ارتجاليه فانا اطمع بأن اقرأ مانقحت من قصيد فانت فعلا بهذا الاسلوب وهذا الحبك تجعلني وهذا المنتدى نطلب المزيد.......

وما بقي لي كلام بعد كلام أخوي ماضي الجرح
جعلكم على القوة جميع

[همس الأحاسيس]

الرسالة الأصلية كتبت بواسطة ماضي الجرح
هذه قصيده ارجو ان لاتجد انتقادا لاذعا لنا نحن الرجال من الاخت همس الاحاسيس فموضوعها ومضمونها المرأه ذلك الجزء الاخر من حياتنا

أخوي ماضي الجرح
الحب في حياتنا شي طبيعي من يوم خلقنا إلى أن نموت
ولا يمكن يكون حب إلا بين طرفين
وموب مهم منهم هالطرفين
لكن لازم يكون بين طرفين
وإذا كان كل طرف يشوف نفسه هو الصح وغيره غلط تبقى هنا المشكله
والله العظيم أنا ما أعارضك بالقصيدة السابقه لأني عارفه إن بعص الجفا نوع من المحبه
بس أنا واثقه إن هنا ألف طريق وطريق توصل النفس للي تحبه
وإذا كانت هناك طريق ممكن نستخدمها لتوصلنا للطرف الثاني من غير ما نجرحه
فليش ما نمشي معها حتى ولو طالت علينا
لأن كل تعب لازم يكون وراه نتيجه
أنا واثقه إنك تفهم اللي أعنيه
وتسلم أخوي على أبياتك الرائعه اللي خطيتها بها الموضوع
ولا عدمناك أخوي

بااااي