ايها المسلمون اتحدوا فالمعركه الحقيقية حان وقتها

[شخص ما]

الاتحاد الأوروبي يهدد السعودية

اسم قوي ومرعب دخل في معركتنا يا المسلمين مع من اهانوا رسولنا الكريم انه الاتحاد الاوربي يقول لنا لاتقاطعون الدنمارك ترى بنقلب عليكم خلوكم حلوين وطيبين تراكم رفعتوا اخشومكم انتم يالسعوديين بالذات من بد المسلمين على عضو منا صحيح نحب افلوسكم بس اعقلوا لاوالله نلعن جدكم ترى حنا الاتحاد الاوربي اللي ياخاطبكم الان .
هذا الاتحاد الاوربي اللي يهدد الموت من تهديد امريكا اذا تدخلت بنروح فطيس طبعا هذا التدخل من اوروبا المتمثل برساله الاتحاد الاوربي تهديد صريح للحكومه السعوديه يعني كل اوروبا اتحدوا وتخاطب السعوديه بتقاطعون الدنمارك ترى بنسوي الهوايل والعراق وافغانستان وصدام نفسه خير شاهد اعقول يا حكومه السعوديه .

من رد عليهم وهجدهم الامير نايف بن عبدالعزيز ومنين من تونس
اسمعوا وش قال وزير الداخليه السعودي
وهو في اجتماع مع العرب في تونس يعني يالغرب تراني الان بلشت في ربعي العرب بتونس ماني فاضي لكم بس انتم تراكم مصختوها تبون تسمعون موقفنا ابشروا انتم تبحثون عنها يالله اسمعوا .
وعن التطاول على المقام الكريم للرسول صلى الله عليه وسلم وتعرض السعودية لضغوط من بعض الجهات بشأن موقفها من هذا الأمر قال الأمير نايف: "ليس هناك من يستطيع أن يضغط على المملكة في أي شيء لتغير موقفها من أمر أساسي مثل هذا".
مضيفا أن "المملكة تحترم الرأي.. ولكل أن يبدي رأيه.. ولكن أن تصل الأمور
إلى هذا الحد وأن يساء إلى رسول الله عليه أفضل الصلاة والسلام فهذا أمر مرفوض..
وليس المملكة من ترفض فحسب بل يرفض ألف وأربع مئة مليون مسلم وكل العالم الإسلامي وجميع الأديان ترفض لأن الأنبياء والرسل مقدسون وفوق كل شيء..
ولا أعتقد أن هناك مسلما مؤمنا يستطيع أن يمس أي نبي أو رسول بشيء مثل هذا".
وتابع وزير الداخلية: "إذا وصلت الحرية إلى هذا الحد فأعتقد أنه أمر غير مقبول مهما كان.. وإذا كان مثل هؤلاء أحراراً في أن يقترفوا حتى مثل هذا الأمر فإن الآخرين بالتأكيد أحرار في أن يرفضوه رفضا كاملا.. ولا أعتقد أنه من العقل أن تعترض الصحافة العالمية أو أي مؤسسة أو دولة على ما تتخذه أي دولة عربية أو إسلامية".
وأعرب الأمير نايف عن تطلعه إلى أن تقول المراكز الدينية مثل الفاتيكان رأيها في الموضوع وأن تشجب مثل هذا الأمر.
يعني يا الدول العربيه والاسلاميه افهموا حنا قاطعنااااااااااااااااااااااااااااا

الرد الثاني من وزير الخارجيه سعود الفيصل
مقاطعة المنتجات الدنماركية تمت على المستوى الشعبي بعد الاستخفاف بالرسول

المقاطعة للمنتجات الدنماركية تمت على المستوى الشعبي أرادت الحكومة أم لم ترد لأن استخفاف الدنمارك بمقدسات الدول الإسلامية طال كل فرد من أفراد الأمة الإسلامية.

وأضاف في رد على سؤال وجه إليه في ماليزيا أمس، عما إذا كان هناك مقاطعة رسمية من قبل منظمة المؤتمر الإسلامي للمنتجات الدنماركية بعد نشر رسوم أساءت للرسول صلى الله عليه وسلم: "لا أعتقد أن هناك مسلماً في هذه الدول إلا وقد تأثر وتأذى مما ورد في الصحيفة الدنماركية".

وحول استدعاء السفير السعودي من الدنمارك قال الأمير سعود: "استدعينا السفير لأن الموضوع جداَ حساس ونحن نريد أن ننتظر ما ستفعله الحكومة الدنماركية في هذا الإطار. ولهذا السبب استدعيناه".

وعما إذا قابلت الدنمارك هذه الحملة بإيجابية، قال الأمير سعود الفيصل: "حتى الآن ليس هناك أية ردة فعل من رئيس الوزراء الدنماركي. وهذا ما نحن بانتظاره".يعني اعتذر وعلمني
وتحدث الفيصل عن الاهتمام الشعبي الذي لاقته جولة خادم الحرمين في شرق آسيا وقال: "إننا لمسنا اهتماماً من الدول التي زرناها سواء في الصين أو الهند. وبطبيعة الحال في هذا البلد الطيب. فالعلاقات مميزة".
وأشار إلى أن الصين والهند تمثلان نصف العالم تقريباً، و"بالتالي كان من الضروري القيام بهذه الزيارة لترسيخ مفاهيم الصداقة والتعاون المثمر الذي سيثري البلدان والشعوب".

وفي إجابته على سؤال عن فوز حماس بالانتخابات الفلسطينية قال الفيصل: "منظمة حماس كانت حركة والآن هي حكومة وأعتقد أنهم سيتصرفون بشكل مسؤول كحكومة والمجتمع الدولي يجب أن يرى أولا ماذا ستعمل هذه الحكومة بدلا من أن يحكم على حماس طبقاً للغة التي كانت تستخدمها عندما كانت حركة".
ابو متعب عند الصين والهند وباكستان الاتصالات هناك لك عليها ولا هو فاضي لهم اصلا وهذا من حظ ام البقر والاتحاد الاوربي
بس والله لو علموه او عنده خبر عن اللي صار من ام البقر او حتى تهديد الاتحاد الاوربي كان ماعنده وقت بيطمر على خشم الاتحاد الاوربي ويقول انت تهدد تعال ان كنت صادق الوعد برى ويرمي بشته والعالم تهدي فيه تجي مصر والاردن ارفعها فوق ياطويل العمر هذولا خبول مايعرفونك انت بس طنش ولاتدقق من جد الاتحاد الاوربي ماله داعي خبل اختار الدوله الخطاء والشعب الخطاء في توجيه رسالة التهديد ومناصرتها للدنمارك ماشافوا ابو متعب يوم قبع في القذافي في المؤتمر العربي الشهير قسم بالله رحمت القذامي ذاك الوقت خبل يتهجم بحضور ابو متعب على السعوديه وهو يستلمه ابو متعب وهو يطمر على المكرفون ويخمه ويستلمه حاضر بحاضر ويغسله غسل قدام العالم اطقع مايشوف التلفزيون على القنوات الفضائيه على البث على الاجتماع من بعدها القذافي صار اول مايسأل اذا قالوا اجتماع ابو متعب بيحضر اذا قالوا له ايه بيحضر جاه هم وشال غم .
قناة الجزيره الخبيثه الان اقلبت علينا يوم الثلاثاء 1/1/1427 تقريبا بعد العصر جابوا اتصال ومشاركه ماندري وش سنعها من وين من أي دوله ؟
من الكويت ؟
ليه الكويت بالذات ؟؟؟؟؟؟؟ هذي انتم حللوها !!!!

[شخص ما]

تكمله الموضوع

المهم واحد اتصل عليهم من الكويت يقول الدوله السعوديه ما تعطي السعوديين العاطلين عن العمل فلوس اكثر من الف ريال وش يسوي هذا المبلغ ياكذبك يا المتصل اصلا الدوله ماتعطينا شي لا الف ولا ريال بس اعقل المشكله يوم جاء بيقفل السماعه قال انا مواطن سعودي اقيم بالكويت الان وراتبي احدعش الف ريال والله يرحم الشيخ مبارك الصباح بس
وهو يتصل ثاني تررم تررم ....... تررم ترررم ....الو تفضل تحدث انت على الهواء مباشرة بقناة الجزيره وش قال... قال انا سمعت كلام اللي قبلي السعودي اللي عايش بالكويت والله ان كلامه صحيح وجلس اشوي وهو ساكت المذيعه تناظر بالكميرا ومن تحت الطاوله تأشر بيدها وش فيه المتصل منقهره منه تبيه يكمل تقول له بعيونها كمل سب وهو خبل واللي اختاره يافهم بالممثلين ماحفظه صح او بصراحه ماحصل مثقف سعودي يقبل هذا الدور الحقير من قناة الجزيره
يبون نكره الكويت وشعبها خباثه مابعدها خباثه من قناة الجزيره اقسم بالله مافيه كويتي يكره السعوديه والكويتيين لهم عزة نفس ورجال ترى الكويتين يعجبونك مايقبلونها عليك يالسعودي كيف اذا وصلت الدين والرسول والدليل مشاركتهم بالمقاطعه صدق مو كذب مثل بعض العرب اسمعوا وش قالوا الكويتيين أي جمعية كويتيه تبيع منتج دنماركي نقاطعها كلها ولا نشتري منها نهائي كره مابعده كره لجمعيه ماتناصر الرسول تبيعون منتج دنماركي هذا موقفنا بيض الله وجيهكم يا اهل الكويت

هذي حقيقة قناة الجزيره مزروعه من قبل الغرب ضدنا يا ابناء الخليج
متى ما احتاجوا للتغطيه على قضيه افتعلوا قضيه اخطر من الاولى
على فكره اللي بيقول لي فيه اخطر من قضية سب الرسول ابقوله ايه
اللي اخطر اقولك الفتنه وحركة قناة الجزيره يوم الثلاثاء اخطر
بدري عليهم حنا اكبر منهم شعب الكويت هو شعب السعوديه والعكس صحيح شفتوا وين الاتحاد الاوربي وصل على طول قناة الجزيره

ام الحكومات ياقناة الجزيره خليها على الدنمارك شوفوا وش قالت الدنمارك بعد تدخل الاتحاد الاوربي معها قامت تتفلت علينا الان اسمعوا وش قالت خارجيتها
وقد نصحت وزارة الخارجية الدنماركية جميع الرعايا الدنماركيين بتجنب السفر غير الضروري الى السعودية، كما حثت الدنماركيين على توخي الحذر في الدول الاسلامية الاخرى
تقول لهم لاتروحون للسعوديه تراهم قتلة هذولا ارهابيين مثل نبيهم محمد اللي حنا رسمناه في صحافتنا مجرد رسمه يبون يقتلونكم شفتوا التخلف اللي عندهم رسمه بخط اليد من شخص حر يرسم اللي يبي يذبحك انت اذا سافرت له يقتلك ينهي حياتك هذا البلد ارهابي لا تروح له .
بس الدول الثانيه خلك حذر وهنا النصيحه الخبيثه لحكومه الدنمارك لشعبها والذكيه في نفس الوقت انتبه من البلاد الاخرى لا تتعرضون للقتل يمكن يطلع لك سعودي او واحد من القاعده ويذبحك ترى تنظيم القاعده مثل السعوديه متخلفين خلك حذر يعني الدول الثانيه روح لها تراهم مسالمين وحنا مسيطرين على الوضع فيها بس خلك حذر .

كان هددوا قطر ام الفتنه قريبه منهم سياسيا وتتبع خطواتهم الدليل اسمعوا وش قال وزير خارجيتها ومن المعروف الخارجيه تمثل الدوله المشكله الخبل ما احد يمه جاك يطامر اننا في قطر لانقبل الاساءه لاي من الاديان انواع الخوف لانقبل فقط وليته حدد ديانته الاسلام ورسوله محمد صلى الله عليه وسلم الله ياخده شملها كلها يعني ترانا مانقبل هذا الشي طيب انت ارخمه ماتقبل هم اقبلوا الاساءه لرسولك ونبيك وش بتسوي هالحين ماهو موقف قطر

والله يا قناة الجزيره الان ودها تسوي اعلان في كل شارع عربي ومقابلات مع الشعب تبي تعرف كم نسبة اللي قاطعوا فعلا في دول الاسلام بس مشكلتها ان تجاهلت السعوديه مشكله
تتوقعون انهم بيقابلون سعودي يقول انا ماراح اقاطع
عز الله بتبطي الجزيره ماجابت لقاء واحد مع سعودي ياخي حنا يالسعوديين مندفعين بس نعجبك من جد تخيلوا مقابله مع سعودي
س1 : ماهو رايك بالمنتج الدنماركي بعد الاساءه لنبيك محمد ؟
ج1 : اخس منتج ملاعين الوالدين اليهود راعين البقر اقسم بالله ثم اقسم بالله بعد ما سووا كذا برسولنا ماعاد اشتريه لو اموت من الجوع .
س2 : ولكن ماهو ذنب العاملين بهذه الشركات التي تصدر هذا المنتج لكم سوف يعانون من البطاله وتتشرد اسرهم واطفالهم . من اساء لنبيكم محمد شخص واحد صحفى واحد يعمل بجريده لا ذنب للاخرين بهذه المقاطعه ؟
ج2 : شوف ياحبيبي صحفي واحد خرابيط انا اعرف ان الدنمارك هذولا سبوا الرسول أي شي منهم ماعاد ابيه تفهم يالله انقلع
س3 : قبل انهاء المقابله هل تود ان تقول شي اخر ؟
ج3 : ايه ابقول شي قل للفرنسيين الوعد دجاج دو والله ان نخليه مايسوى الكيس اللي هو محشور فيه بس خلونا نخلص من الدنمارك وندق خشمهم

السؤال هنا : هل المقاطعه للمنتجات الدنماركيه دينيه وحب للرسول او تعصب او فسقه بس ؟؟؟
تبون الصدق المعركه الان توها تبدأ بدخول فرنسا ونشرها الصور بصحافتها طيب هنا سؤال بعد
ليه فرنسا انشرت الصور وليه فرنسا بالذات من اوروبا
انا اقولكم شافت ان المسلمين اعرفوا نقطة ضعف اوروبا والغرب الفلوس قالت ياولد الدنمارك راحت في خرايطها من المقاطعه عز الله ان المسلمين اذا حطموا بقر الدنمارك اعلبوا فينا لعب يا اوروبا طيب وش السوات خلونا ننشر الصور وش بيسوون المسلمين اكيد بيسبون فينا ويقاطعونا وهنا نكون شتتنا المقاطعه على جهتين هنا تدخل دوله ثالثه وتنشر بعد ونوهق هالمسلمين وتدخلت فرنسا .
طيب وش السوات هالحين يوم ادخلت هالمقروده في معركتنا الاولى
حنا يا الشعب المسلم
انا اقولكم دام ان فرنسا جتها الحميه مع جنسها الله ان يقطعها هي وجنسها الدنمارك يعني حنا صح معركتنا صح ودام حنا صح لازم نستمر بس على الدنمارك فقط بس الجحلط الثانين نسجل اسمائهم ونتركهم بعدين ونقول لهم الوعد قدام سجلنا اسمائكم بس خلونا اول شي ندق خشم راعين البقر ونخنق الدنمارك ونمد السانا لفرنسا ونقول لها الوعد دجاج دو
فرنسا تابعت ردود الفعل من المسلمين حصلت إن لعبتها مكشوفة قالت يولد هذولا خبول ما تنفع معهم الحيله افهموها على طول هالحين يانحارب مع الدنمارك ونكبر الموضوع يا نطرد هالصحفى اللي بيوهقنا وفكرت بدجاجها قالت ياولد زبدة لوبارك راحت سيح الا حط حيلهم بينهم (( تقصد الدنمرك والمسلمين ))
واطردت صحفي وهي حتى الان تترقب وش بيصير
الله يكون بعونك يا أبو متعب وهقناك بس ازهلها قسم بالله حنا معك لو ناكل تمر ونشرب لبن بس لاتوهقنا ترانا لوحدنا والله ياربعك اللي تقابلهم وتسافر لهم من الدول العربيه والاسلاميه ماعندك احد انواع الفركه عنك ماعندك الا حنا ياشعبك تبي تدخلنا حرب مقاطعه دخلنا تبي ناكل تبن ونسكت سكتنا بس علمنا وش انت ناويه عليه المعركه الحقيقيه توها تبدأ الان
اللي قاهرني الان وين المستشارين عن ابو متعب والله ياهي فرصه يطلع لهم ابو متعب انت تراكم ابلشتونا يا الاتحاد الاوربي وام البقر
الدنمارك سبيتوا رسولنا وقلتوا حريه شخصيه الحكومه مالها دخل وانا ساكت ويوم شعبي قاطع منتجاتكم تقولون اعقلوا وتهددوننا ليه شعبي ماهو حر مثل شعبكم
والا تبوني ادبغ شعبي واقول كلوا جبنه دنماركيه واشتروا زبده لورباك واصير انا دكتاتوري وانتم رؤساء تحترمون الحريه الشخصيه
امعصي عزالله تعقبون ماتصيرون احسن مني انا زعيم وراسي براسكم يا جحلط بالعكس انا احسن منكم
ويتحمس ابو متعب ويلتفت للشعب ويقول ماعليكم منهم قاطعوا اللي تبون انتم حرين مثلهم
ويطلع جبنه دنماركيه وياكلها قدامهم اعالم ويوقول يا الاتحاد الاوربي الحريه صح انا ملكهم واكل منتج دنماركي بس هم حرين مالي علاقه اذا ما اشتروا منتجكم هذي ضريبه الحريه اللي تناصرونها ههههه

[شخص ما]

اول مشاركه لي ولا رد لحوووول