أطرف المواقف لجميع من في الخياااااااام....

[Code-Blue]

مرحبا اخوي الكرّاوي ..

أحب أشارك معكم بها الموقف إللي حصل معي على مقاعد الدراسة

وكنت يومها في الصف الثاني متوسط ..

المهم .. كنت ذاك اليوم سهرانة كذا لوجه الله .. ورحت المدرسة وأنا مواصلة ..

المهم قدرت امشي حالي الحصص الأربع الأولى .. وبدأت أحس بشيء غريب مسيطر على دماغي في الحصة الخامسة

وشوي يدق جرس الحصة السادسة .. وأنا أحس أن ذاك الشيء " النعاس " من جد مو راضي يروح عني ..


وبيني وبين نفسي جالسة أصارع من اجل البقاء مستيقظة وأقول إلا هالحصة حصة أبله " حضيه "

هذي الأبله الهبلة في نفس الوقت كانت شرانية كذا لله في الله ..

يا شباب مابقى فيني حيل خلاص
صرت كني لبه فيوزها محروق وجالسة تغمز ..

حاولت استأذن منها أروح اغسل وجهي ..

لكن مثل ما قلت لكم كانت شرانيه وعيت علي أروح تحسبني ابزوغ من حصتها ..

الظاهر أنها كانت تعرف أن حصتها مملة وتجيب النوم ..

المهم شوي ورأسي يطوطح يمين يسار .. وراء قدام .. وانقطع الإرسال عندي ..

شوي ماشوف إلا ورأسي نازل بكل قوة طائرة الأف 16 أو بالأصح الطائرة الشبح وكان متجه نحو المكتب ..

وإلا أنا بصوت خارق لجدار الصوت نفسه .. ويقول لي : يا ساتر ..

..بسم الله علي

كان ذاك صوت معلمتي الفاضلة .. كردة فعل على مشهد رأسي المترنح ..

فصحتني صيحتها من الحالة النعاس المسيطرة على ..

وإذا أنا أتلفت يمين يسار .. أدور أحد شافني غيرها
..

بس الحمد لله ماكان أحد منتبه غيرها لي ..

تدرون ليش .. كانوا كلهم نفس الحالة ؟!

[ 10-08-2001: المشاركة عدلت بواسطة: Code-Blue ]