قفا نبك من ذكرى نزول المؤشـر

[دايم العلو]

إيييه يا أخت على رسلك إنا تونا نعرف إن الكهرب هي الكهربـ اءاءاءاءاءااءاءاءاء
وأزيدك من الشعر بيت عندنا في عالم الأسهم نسمي شركة الكهرب


العقرب صدقيني
يقولوا إذا تحركت العقرب زان السوق

عاد أنتو متى بتطرحون شركة الكهرباء للاكتتاب
على الأقل يمكن إذا طرحت تزيين الأمور ولا عاد تطفي الكهرب بدون اء
ويمكن نجي ننكتتب عندكم


معذرة لم أنتبه لقولك

ومن قال ما خصصوا اسهم للسعودين يا شين التبلي . ( )

بالنسبة للتخصيص ففي عالم الأسهم يختلف عن مافهمتيه
فربما أكتتب بمية سهم ولا يخصص لي إلا خمسة أسهم
وبعضهم ممن أعرفهم لم يخصص له ولا سهم واحد فرجعوا بخفي حنين
هذا ما أردت .

---

ماشاء الله تبارك الله
الله لايضرك أخي الوافي
شف ياحبيبي غيث هذولا هم الهوامير إللي إذا غابوا أسبوع
عرفوا السنع مو محاكيك اللي الله يخلف على أم ن جابته

إي والله في فرق بين الثلاثاء والثلاثاء ولا يهون الخميس
الله يعوضنا
توصيتك طال عمرك ليوم السبت

[الحنين]

أخي الكريم دايم العلو ..
أرى أن تعمل على تغيير لون كتابتك من الأخضر الى الأحمر كما مؤشر الأسهم

أما المدعو (( أبو عبد الله ))
فلا اظنه الا أحد الأخوين ..

أو



ومبارك عليك أخي الوافي ..

والسلام عليكم ورحمة الله وبركاته ..

[دايم العلو]

أي نعم كهرب هي العقرب إنتي نسيتي أنها أنثى
وبعدين خويي مو هو اللي عينه حارة شكلتس إنتي ياعالى رسلك
عيونك عابرة لما وراء البحار والصحاري
حيث إن مؤشرنا مازال يدج داون داون داون رحنا فيها من جد
إذا كنتي عطيتها مؤشرنا وهو بعيد عنكم بمسافات
أجل وش بتسوين بمؤشركم ؟؟؟!!!
لاو الله ماراح أكتتب عندكم يا أصحاب البسطات والمطبات

---

أختي / الحنين
والله ودي أغير لون خطي
بس المشكلة أنا مو ناقص
الأحمر صار قدامي قدامي على الأقل أسلي نفسي بالأخضر
وأتذكر ما قبل الأسبوع الماضي كنا ندبل النسبة فاتت عسى الله يعوضنا
كان كل شيء أخضر في أخضر
وياقلب لا تحزن

أما خوينا أبو عبدالله فأسأل الله أن يكون بخير وأن تعدي أزمته بخير

[على رسلك]

اخوي دايم العلو العقرب مؤنث ( ) ليه ما فيه مذكر()


داون داون داون سمعنا وسلمنا ..الله يكافينا الشر()


عيني حاره() كان علوم لوهي حاره () كان شفت


العجب العجاب مو موضوعك()

انت متاكد انك ما جيت قطر() شكلك عرف بعض الامور ؟؟؟

اما البساطات.....عمار يا مكة() عساها السيل ( )

[*سهيل*اليماني*]

صوت صفير البلبلي ... بالمحفظة يا بو علي

ملأتها بأسهم ... من كل سهم أهزلي

وغرني المؤشر ... و أخضر حتى أزهر لي

وقلت في نفسي لما ... لا أشتري سهمين لي

قسمت مالي قسمة ... و المال ليس مال لي

حددت سعر المشتري ... بأمرا حتى أرسل لي

مبتسما مستأنسا ... حتى أتا محولي

مؤشرا مبشرا ... بالشر و المشاكلي

فقلت لا لا لا لا لا ... تكفا لا لا تنزلي

بقيت وحدي جالس ... و أسهمي تدودلي

وأنا بدين غارق ... من هامتي حتى أرجلي

الدين دب دب دبلي ... و الفقر جا جا جائلي

و كنت حق جاهل ... في اللعب بالتداولي

في نقطة المقاومة ... و في نقاط الدعم لي

شريت و تك تك تكلي ... مضارب صح صح صحلي

تسعين شاة اشتريت ... و مثلها و تدبلي

ولي بقي في جعبتي ... منها فقط تيس و طلي

حاولت حل عقدتي ... أبت ابد تحلحلي

أدركت إني خاسرا ... و المحفظة لن تمتلي

إن كان حالي هكذا ... أذهب إذن لحائلي

في دار أهل شمرا ... أهل العقال المائلي

في حد ظل طلحة ... يروقني التأملي

أقول تحت ظلها ... صوت صفير البلبلي

[غــيــث]

أخي الوافي :مبروك عليك الخروج المبكر وحان الدخول المبكر في بعض القياديات

أخي دايم العلو: ماهذا يارجل؟

وقت الخساير تجينا طاقن الطبلون.. وقصايدن تروع المسالمين

وإذا خضوضرت ونمت وترعرعت ....تركتناوغابت حروفك

شف عاد الله يسلمك ...خلك معنا في السراء والضراء وعليك بـــــــ( القياديات)

وخل عنك الخشاش ماعدى الكرهب يقولون (وحط خط تحت يقولون) بتولع

[يتيم الشعر]

القاعدة تتبنى عملية ضرب سوق الاسهم
السعودية وترفع شعار اخرجوا المواشي من جزيرة العرب

...واخرى تقول ان هناك محفظة برقم مميز للبيع للجادين فقط.

..واخر تحول للشعر فقال:
اسهمي طاحت والحال اصبح متردي
في سوق الهوامير صرت انا تونه


لقد تقرر إقامة صلاة الميت على المرحوم تداول
في مسجد هيئة سوق المال وسوف يوارى الفقيد
الثرى في ساحة مؤسسة النقد العربي السعودي


قررت هيئة المال
تحويل قيمة الاسهم الى اصول ثابته وفق التالي :
مواشي : تأخذ تيس
اسمنت : تأخذ تراب
مصافي : تأخذ زفت
زراعي : ترعى شهر مجانا
دوائيه : تأخذ حبوب منع الحمل

وهذه :
يوجد بعض الاغراض الشخصيه للبيع :
كبكات واقلام وسراويل بحاله جيده
وباقي خبز البارحه وكيسة قراشيع في المستودع وشوي حطب عقب البرد كما تقبل التبرعات على المحفظه مباشرة

حدثنا ابي عن ابيه عن جده قال :

مرت بنا ايام وليال نأكل النسبة بعد النسبة ونجد العيشة
في بيشة ونخرج الدواء من الكهرباء حتى جاءنا
امر الله واغار علينا الزير جماز واصبحت المصافي
بصاع من شعير وسابك لاتقبل الماركت.
ثم فاضت عينا المحدث فقال:
لم اجد من تركة ابي غير (هاتين) واشار
بإصبعيه على شاتين بألف سهم من المواشي...!!


عاجل
اقالة جماز السحيمى وتعيين
ناصر الجوهر الرئيس


عرض خاص :
اشتر 1000 سهم مواشي تحصل
على وايت ماء وراعي وحمار .
العرض ساري لين يفرجها الله .


آخر توصية
مضمونة 100 %
القصيم الزراعية وفيبكو
التحليل:
القصيم تشتري صناديق فلين
من فيبكو تعبي طماط السوق ( الأحمر )

.•:*¨`*:•.

[الوافـــــي]

المشاركة الأصلية بواسطة يتيم الشعر

قررت هيئة المال
تحويل قيمة الاسهم الى اصول ثابته وفق التالي :
مواشي : تأخذ تيس
اسمنت : تأخذ تراب
مصافي : تأخذ زفت
زراعي : ترعى شهر مجانا
دوائيه : تأخذ حبوب منع الحمل

والله لقد ضكت كما لم أضحك من قبل
جزاك الله خيرا يا معين على أن رسمت الإبتسامة

تحياتي

[دايم العلو]

صدقت أخي غيث حنا نجمع من شهور ويجيك هالفيل الدب
وياخذ ماجمعنا في يوم حسبي الله عليه وبس

أما أني أختفي إذا اخضوضرت فمثلك عارف هاليومين
مايمديها تصير جحه ونستانس إلا انقلب طمام
حتى إني قلت في ذلك شعراً
استمع
يقول دائم العلو رفع الله قدره في الدارين وفكه الله من هالورطة :

يامؤشر خاف الله فينا *** ترى قبل مانكون سعوديين حنا مسلمين
يامؤشر وش اللي سلطك علينا *** يوم ن تسرنا وعشر أيام تبكينا
خليت كل العربان تضحك علينا *** لا وبعد قاموا يتشمتون فينا
أهب عليك أحرقت مابيدينا *** وعدنا من حيث جينا وأتينا

أما الخشاش فالله يغربله وهقنا ولونا بعناه قبل النكبة كان حصلنا وراه خير
لكن وين مانطقها عوجا الله يخارجنا
وبيني وبينك حتى القياديات هاليومين كله في الهوا سوا
ويمدحون كهرب قطر حتى أسمها شركة الكهربا والماء
وشلون يجتمع كهرب وماء ؟؟!!! أبي أعرف

---

الأخت على رسلك
أول شيء أشكرك على دعواتك لي بأن الله يفكني من شر الكهرب والعقرب
وجزاك الله خيراً

ثاني شيء يبدو أن معلقتي أتت ثمارها
لذا ترى أي أحد يحارش سوف أهجوه هجاءً ينسى معه اسمه ورقم هاتفه
وبدل أن يمشي على رسله يكون عبرة لغيره
عارف بتقولين طينتها بس بكيفي

---

أخي / الوافي

شكرا لإيرادك تلك القصيدة
ويحق لك تضحك وتستانس
أنت ماشاء الله عليك مفتك من هالورطة
وهالخشاش المذكورات في القصيدة إهن اللي وهقنا
لكن بإذن الله راح أوريك فيهن كلبوهن

---

أخي / يتيم الشعر

اسمح بهذه الملاحظة :
( اخرجوا المشركين من جزيرة العرب ) هذا حديث عن الرسول صلى الله عليه وسلم
فهل يصلح أن نبدله بهذا ( اخرجوا المواشي من جزيرة العرب )
اسال الله أن لا يكون هذا من باب المزاح الذي يؤدي إلى المهالك
( قُلْ أَبِاللّهِ وَآيَاتِهِ وَرَسُولِهِ كُنتُمْ تَسْتَهْزِئُونَ )

شكل العرس بدأ يعمل عمايله

[النسري]

تعليقات جميلة وبتفضي البال فشر البلية ما يضحك ....
لكن أخوتي الأفاضل ... هل تلاحظون معي نزول مؤشرات الأسهم بشكل كبير جداً ومرة واحدة في كل من دبي والسعودية والأردن ومصر والكويت وغيرها ...
يا ترى ما هو السر في ذلك ...؟؟؟؟؟؟!!!!
وهل هناك مخططات كبرى تحاك في المنطقة إقتصادياً وسياسياً وإجتماعياً ؟؟؟؟!!!!
يا خبركم وش السبب حسب ظنكم ؟؟؟؟!!!