مجلة الخيمة حوار الخيمة دليل المواقع نخبة المواقع Muslim Tents
التسكين المجاني التسكين المدفوع سجلات الزوار بطاقات الخيمة للإعلان في الخيمة
الأسئلة الشائعة قائمة الأعضاء التقويم البحث مواضيع اليوم جعل جميع المنتديات مقروءة

العودة   أرشــــــيـــف حوار الخيمة العربية > القسم العام > الخيمة المفتوحة
اسم المستخدم
كلمة المرور

 
 
خيارات الموضوع بحث في هذا الموضوع طريقة العرض
  #1  
قديم 05-01-2001, 04:58 PM
DAYEM DAYEM غير متصل
Registered User
 
تاريخ التّسجيل: May 2000
المشاركات: 540
Cool قصة حماااااااااااااااااار‍‍ ‍‍=====>اهداء للخيمة:)

في مثل هالحزة من عام 999999 ماح (ماح يعني ميلاد اول حمار في التاريخ ) دوت نهقة عالية في بيت السيد حمااار معلنة قدوم جحشه البكر مجحاش .. وبقدومه عمت الفرحة حمير القرية.
مرت الايام والسيد حمااار يذهب الى عمله عند اصحاب القرية ويعود مسرعا يبي يشوف فلذة كبده مجحاش ويراقبه وهو ينمو ويتحمير امام ناظريه ويحتري اليوم اللي يكبر فيه مجحاش علشان يشيل عنه الاحمال اللي على ظهره كل يوم.
كبر مجحاش وقرر ابوه يدخله في المدرسة علشان يتعلم الحميرة على اصولها ..ذهب حمار وابنه مجحاش لمدرسة (حاااااااااا ياحماااااااار الابتدائية ) وقابلوا المدير نويهق افندي .. وقالهم نويهق والله ياخوي حمار انا احميير فيك حرصك على جحشك ورغبتك في تعليمه لكن أول شي علشان نقبل جحشك لازم انه يطمر اختبار القبول بنجاح..انصفق وجه السيد حمار وبدا الخوف يتملكه لانه يدري ان اختبار القبول صعب بالحيل ومايتعداه الا حمار ابن حمار وتذكر ابن اخوه جحيش اللي سقط في هالاختبار السنة اللي فاتت والى الحين وهو صايع في الشوارع مالقا وظيفة ..المهم قال السيد حمااااار للسيد نويهق.. الجحش جاهز للاختبار والله يستر..
راح نويهق وجاب ورقة الاختبار وقال يالله يامجحاش ورني حميريتك ..اخذ مجحاش الورقة وابوه قاعد يناهق في الحوش من الخوف لاجحشه يسقط في الاختبار ويسود وجهه عند الحمير ..
طالع مجحاش في الورقة ولقا فيها سؤال واحد بس صعب مرررررة ..
السؤال هو واحد + واحد كم يساوي؟؟
قعد مجحاش يفكر ويفكر وابوه يناهق ويناهق في الحوش وبعد رفس وتمحيط جاوب على السؤال..
-
-
-
-
-
وقال واحد زايد واحد يساوي واحد (لازم يقول كذا ولا اشلون يصير حماااااار ) ..نهق نويهق ونادى السيد حمااااار وقاله مبروووووووك.. جحشك طلع حمااااااااااااار .. وعشان كذا نبي نقبله في مدرستنا ومن بكرة خله يداوم عندنا..
مرت الايام ومجحاش يروح لمدرسته كل يوم .. وبرع الجحش في فن النهيق وأجاد الأدب الحميري وأتم دراسة كتاب تاريخ الحمير الحديث لمؤلفة العلامة محمار بن ناهق المجحشي ..
وبعد مرور ستة شهور خلص مجحاش دراسته واخذ الاول على الحمير وتخرج من المدرسة.. وقرر ابوه انه ياخذه معه للقرية علشان يتعرف على القرية ويتعرف على طبيعة عمل ابوه فيها(من زينها من طبيعة )..واول مادخلوا القرية..نهق حمار بولده مجحاش وقال.. حط رجلك يامجحاش بزران الحارة ورانا ..وانطلقوا مفحطيبن وبزران الحارة يركظون وراهم بالحصى وهم يتضاحكون ويقولون..ولد الحمار ..ولد الحمار (يقصدون مجحاش )..وبعد مانتهت المطاردة و تعبوا البزران ورجعوا لبيوتهم..كمل السيد حمااار وجحشه الصغير شغلهم في القرية ورجعوا لبيتهم..وفي الليل قعد مجحاش يفكر في البزران وتريقتهم عليه وبدا يحس بالعااار لان ابوه حمااااار (مجحاش لحد الان مايدري انه مثل ابوه حماااار )..وقرر انه ينحاش من بيتهم ويروح لمكان ثاني مااحد يعرف فيه ان ابوه حمااااار..وهناك يدور رزقه ويشوف مستقبله..المهم ضف عفشه الجحش وحط نص كيس شعير فوق ظهره وانطلق متسلل بدون ماحد يحس فيه..مشى ومشى ويوم طلعت الشمس لقا نفسه قدام مدينة كبيرة مايشوف اقصاها.. فرح مجحاش وقال الحمد لله الحين يقدر الواحد يشوف مستقبله بدون محد يعرف تاريخه الاسود ..دخل مجحاش المدينة وكان مبهووور بالمباني والشوارع وزحمة الناس ..
وهو في طريقه مروا من جنبه شباب مصرقعين على شبح كوبيه وقعدوا ينادونه.. ياحمار..ياحمااار.. عطنا وجه ياهووووووه ..مارد عليهم وقال اكيد انهم مشبهين علي يحسبوني ابوي الحمار ..
كمل مجحاش طريقه وطنشهم..ولحقوه الشباب وقعدوا يتريقون عليه ..امش ياحلو..ياهووووه يااطخم ..ووقفوا الشبح على جنب ونزلوا ومعهم مراية كبيرة وحجروا مجحااااش في زاوية وقالوا شف صورتك ياتوم كرووووز ..طالع مجحاش في المراية..وانرفس بالحقيقة المرة ..وعرف انه حماااااار ولد حمااااار
الدروس المستفادة من السالفة:
1- الحماااااار طول عمره حمااااار ..
-
-
-
-
-
-
-
-
-
-
-
-
-
2- زي اللي فوق .
......................
هذي من كتاباتي في احد المنتديات خلال شهر رمضان
وانتظروووا المزيد بعد الامتحانات عبر الخيمة المفتوحة .

  #2  
قديم 05-01-2001, 05:48 PM
الشيخ أبو الأطفال الشيخ أبو الأطفال غير متصل
مشرف
 
تاريخ التّسجيل: Apr 1998
الإقامة: من بلاد الرجال الاحرار-الجزائر- رغم الداء و الاعداء
المشاركات: 3,900
Post

السلام عليكم
بارك الله فيك يا أخ دايم
قصة كلها عبر أعطيتنا واحدة...لا اثنتين.....فأين بقية العبر...
-------
وفقك الله في الامتحانات وسدد خطاك
  #3  
قديم 05-01-2001, 08:51 PM
ندى2 ندى2 غير متصل
Registered User
 
تاريخ التّسجيل: Jul 2000
المشاركات: 878
Talking

DAYEM

قصتك ذكرتني بقصة سمعتها عن حماااااااااار من الحمير

مااااااادري عندكم وقت تسمعونها ولا اقولها وقت ثاني


كااااااان حمااااااار زعلاااااان شاااافه قرد قال له ايش فيك

عسى خير ليش متضايق؟؟

قال له والله انا زعلان لاني حمار والصراحة ودي اغير اسمي

قال ايش تبي تسمي نفسك قال ابي يكون اسمي سمكة

قال خلاص انت اسمك الحين سمكة

انبسط الحماااااااار وراااااح يمشي بين الحيوانات وهو سعيد

شافه الثعلب قال اشوفك ياحمار اليوم وايد فرحان ومبسوط خير انشالله

قال لهالحماااااااااار لاني سمكة

قال له الثعلب طيب تعرف تسبح ......قال لا

قال انقلع يا حمااااااااااار

ومثل ما قلت الحمااااار طول عمره حماااااااااار


  #4  
قديم 06-01-2001, 01:27 AM
Hadia Hadia غير متصل
Registered User
 
تاريخ التّسجيل: Jul 2000
المشاركات: 1,344
Post

قصة حللوووووووووووووة يا دايم
و أحلى ما فيها من كثر ما قريت كلمة حمار- ومشتقاته-إني .... ( كلمة ما أبي أقولها)
بس بعد عناء فهمت القصة.
يعني ما طلعت حمارة
----------------------------------
الله يوفقك و تنجح في إختباراتك و قصصك الحميرية
-----------------------------------
هادية
  #5  
قديم 06-01-2001, 04:49 AM
بسمة امل بسمة امل غير متصل
عضو مميّز
 
تاريخ التّسجيل: Dec 2000
الإقامة: Montreal-Canada
المشاركات: 1,971
Post

السلام عليكم
حلوة اخ دايم.. لكن سوال وش معنى الحمار بالذات مالقيت غيره؟؟
ندى حلوة قصتك بعد
بسمة امل
  #6  
قديم 06-01-2001, 05:17 PM
DAYEM DAYEM غير متصل
Registered User
 
تاريخ التّسجيل: May 2000
المشاركات: 540
Cool

الشيخ أبو الأطفال:
الظاهر اني كاتب القصة للضحك..واشوفك داخل ومسوي فيها جنازة
ياخي ترا قسم بالله عندي استعداد اكتب في السياسة والادب.. حتى تقوووول خلاص يادايم فكنا منها.. لكن انا واحد اشوف ان السياسة ونشرات الاخبار تجيب الهم والغم..وعشان كذا يكفينا نشرات الاخبار اللي في التلفزيون..اكيد فهمتني
مشكوووور على القراءة وعلى الدعوة.
وعندي سؤال اذا سمحت..كم عمرك؟
......................
ندى..
لا ماعندنا وقت نسمعها
  #7  
قديم 06-01-2001, 05:25 PM
ندى2 ندى2 غير متصل
Registered User
 
تاريخ التّسجيل: Jul 2000
المشاركات: 878
Talking

دايم بذبحك ترى

ليش ما عندك وقت ها مع هالنظارة اللي حاطها على عيونك

ما قول غير سلط الله على ابليسك يالدب

القصة كتبتها في موضوعك وحرة لك يالله اش عندك

نــ ــدى
  #8  
قديم 06-01-2001, 05:30 PM
DAYEM DAYEM غير متصل
Registered User
 
تاريخ التّسجيل: May 2000
المشاركات: 540
Cool

ندى..
خلاص صار عندي وقت اسمعها
حلووووووووووووووووة ياندى
ضحكتني من جد
الله يعطيك العافية.
......................
هادية..
كيف الحال..وش اخبارك..
السالفة ومافيها كلها ضحك بضحك..يعني مو ضروري كل مرة يكون للقصة هدف معين..ومدري ايش اللي مافهمتيه..
ومشكووووورة على الدعوة والله يسمع منك.
نسيت اقولك..
-
-
-
-
-
-
-
-
-
-
-
-
-
مبرووووووووك انك ماطلعتي حمااااارة
...................
بسمة أمل..
اول شي.. الله يحييك بخيمتنا..
ثاني شي..ترا ماله داعي ياأخ وياأخت..انا مااحب الرسميات
وبالنسبة لسؤالك..فهذا راجع لاني مربي حمااااااار عندي في البيت وحاطه في قفص ومعلقه في سقف غرفتي بعد
تراني امززززززززززح لا تصدقين ..
مدري ليش اخترت الحمااااار بس اذا عندك حيوان ثاني مضيق صدرك وتبيني اكتب عنه قصة علميني بس

  #9  
قديم 06-01-2001, 05:43 PM
الشيخ أبو الأطفال الشيخ أبو الأطفال غير متصل
مشرف
 
تاريخ التّسجيل: Apr 1998
الإقامة: من بلاد الرجال الاحرار-الجزائر- رغم الداء و الاعداء
المشاركات: 3,900
Post

السلام عليكم.
بارك الله فيك على التوضيح أخي الدايم ولكنني لم أقصد إلا ماكتبت...على فكرة تعرف قصة الغلمان مع قصيدة لأبي نواس ... ؟؟؟
تسأل عن عمري...هو عدد أولي مركب من رقمين أوليين... عرفت أو أعيد...؟؟؟
ومع ذلك القصة طريفة فعلا و........ معبرة فعلا...
  #10  
قديم 06-01-2001, 05:47 PM
DAYEM DAYEM غير متصل
Registered User
 
تاريخ التّسجيل: May 2000
المشاركات: 540
Cool

لاأبد مافيه شي
 


عدد الأعضاء الذي يتصفحون هذا الموضوع : 1 (0 عضو و 1 ضيف)
 
خيارات الموضوع بحث في هذا الموضوع
بحث في هذا الموضوع:

بحث متقدم
طريقة العرض

قوانين المشاركة
لا بإمكانك إضافة موضوع جديد
لا بإمكانك إضافة مشاركات جديدة
لا بإمكانك إضافة مرفقات
لا بإمكانك تعديل مشاركاتك

كود [IMG] متاح
كود HTML غير متاح
الإنتقال السريع

حوار الخيمة العربية 2005 م