وردةٍ بيــدي ازعــلت

[وليد الظهران]

يوم نامت عين حــاسدنا اقبلت *** تتحدى الخوف خطـوة خوفـها

سلمت في همس وبهمـس اسـألت *** عن غلاها واشتـكت لي اظروفها

حذرةٍ وإن راعـها شـئ أجـفلت *** كـنها ريمٍ تـقود اخـشـوفها

في ظلام الليل والناس اغـفلت*** خفـت يكشفــنا بياض اكفوفها

كنها نجمه على ارضـي حـولت *** والدجـى تـنثره فوق اكتوفها

النســـائم في هــواها ابتلت *** والقمــر نوره لهى بطيوفها

من شـذاها وردةٍ بيدي ازعلت *** قلت راضـيها...رمتها بجوفها

غرت من وردي .لكنها اتجاهلت *** غيرتي..ثم سلهمت لي بشوفها

ناظرت في غـنج ثــم ادللـت *** والتهـت بالورد فوق ارفوفها

والحقيقه... غـيرتي بي جلجلت*** كنّها حربٍ تدق ادفــــوفـها

صــرت اخبي نظـرتين اتبـدلت *** خـوف لا تعـرف يطول وقـوفها

ارجعت لي تبـتـسـم وتهـلـلت *** لبسها هـائم بترف اعـطوفها

ســامـرتني ليــلةٍ وتـعـللت*** لين ذاب الكحل فـوق سـيوفها

ليــلةٍ ...فيها وفـي اتجـملت*** آآآه يا كبره عليّ معروفـها

ويوم نجم سـهيل بالكون اعتلت *** ودعتني.. والدموع احروفها

http://www.majedpage.com/postcards/p...om/ebda3/6.jpg