حقوق المرأة وقيادة السيارة

[أبوذر]

وش بلاكم ياجماعة الخير علينا ترى ماكفرنا
ولا انتقصنا الشيخ الكبير بن باز الله يرحمة
الموضوع ومافيه ان الشيخ حرم قيادة المرأة قبل سنين وسنين وحنا هالحين عايشين بطالة الله يكفينا شرها
وعايشين يدني رواتب
قولو لي وشلون أوصل زوجتي الكلية كل يوم؟
تبوني أجيب سواق وسكنه في شقتي
أكيد مقدر
تبوني أخليها تعتمد على الليموزينات
أكيد غيرتي متسمح إن زوجتي تركب مع أجنبي خصوصا إن المشوار بعيد ويمكن فيها خلوة
وش فيها لو إن حريمنا ركبو السيارات
شوفوا أم المؤمنين عائشة رضوان الله عليها
ألم تتسابق مع النبي (ص)

بمنع القيادة اللي يصير
يا إن العائلة تتنازل عن مقدار من المعاش وتجلب سواق مع مافيه من سلبيات
أو ان الحريم يقابلن الأطواف الى أن يسمح وقت الأخ أو الزوج بتوصيلة

لاتقولوا لي خلوا الحريم يقرن في بيوتهن
ترى الوقت تغير الحرمة لازم تشتري أغراض البيت
لازم تاخذ ولدها المستشفى
خصووووووووووووووووصا إذا كان الزوج شغال طول اليوم أو شغال دوامين

مو معقول كل شي يكون على الزوج!

وقولكم ترى راح يجي يوم وراح تقود المرأة فيه السيارة
وإن غدا لناظره لقريب

أقول احنا يبي لنا اشوية مرونة وتفكر
ياأخي الحياة السعيدة للأسر
حقوق المرأة
أشياء أهم


السؤال اللذي بودي طرحة هل أن جمييييع بنات علمائنا الأجلاء غير السعودين في مصر والكويت والأردن وليبيا هل جميع بناتهم اللاتي يقودون سياراته
هم مذنبون ?


ـــــــــــــــــــــــــــــــــ
المشرف
أخي الكريم :
للطرح السياسي مكانه الخاص به
وأما هذه الخيمة فهي مخصصة للشؤون الإسلامية العامة والحوار فيها يكون بعيدا عن كنه الشعوب والقبائل والطوائف والمذاهب