المبرقعه..

[رفيع***الشان]

حبايبي
هذا انا اطل عليكم من جديد
.................................
>>>>>>>> أشجع النصر واحب الهلال<<<<<<<<<
...........................................
جت تبي تلعب علي مبرقعه
واقفه بين الحقيقه والخيال
جت بذوق ولطف جت مدلعه
قالت اسمح لي يا عزيزي بالسؤال
خفت انا لا انولد بالزوبعه
أخاف اقول يمين والحلوه شمال
وتبتعد عني وتمشي مودعه
وترتحل هاذيك وتشد الرحال
ناظرتني بالعيون الموجعه
قالت أبدأ قلت ابدي بالمقال
قالت انت نادي تشجعه
قلت نادي النصر واحب الهلال
اي نادين تشجعين أشجعه
أعشق اللي تعشقينه يا خيال
قالت اي فنان ترغب تسمعه
قلت ابو نوره وميت في طلال
اي مطرب تسمعينه اسمعه
وأستمع لحلام واقدر نوال
قالت اصلك قول وشهو مرجعه
قلت انا جنوبي ومن اهل الشمال
ولي نسب شرقي ابوي موقعه
وفي الغروب اذكر لنا سابق احلال
قالت اسمع كم واحد واربعه
قلت مدري صعب بالحيل ومحال
اي رقم تطرحينه بجمعه
والنتيجه حلم يا بنت الحلال
قالت تحب الربيع بمطلعه
او هوايتك الخريف اللي يقال
قلت انا اهوى الفصول الأربعه
كلها عندي سوى في اي حال
ما اخذت مني اجابه مقنعه
واستدارت كنها بدر الكمال
قالت انت كل هرجك معمعه
دخت انا وياك ياولد الحلال
.........................................
انشاء الله تعجبكم
وشاركوني تراني تعبت بالحيل
...................
رفيع الشان
...................

[عسى&ى&ى ماشر]

اخي رفيع الشان

صدقني دخت بيمين وشمال

اجل هي وش تبيها تسوي؟

الحقيقه قصيده حلوه وحلاوتها زادت باسلوبها

تحياتي لك

سلام

[المد]

صراحة اسلوب مميز وشيق الله يعطيك العافية
وشكرا لمشاركتك